جاڭا حابارلار

باس شۋجي شي جينپيڭنىڭ «پارتيا 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سويلەگەن ءسوزىن» جاريالادى

    كەلۋ قاينارى: شينجياڭ گازەتى    2018-01-02 19:32:05  

«ىزدەنۋ» جۋرنالى

  شينحۋا اگەنتتىگىنىڭ 31 - جەلتوقساندا بەيجيڭنەن بەرگەن حابارى. 2018 - جىلى 1 - قاڭتاردا باسپادان شىققان «ىزدەنۋ» جۋرنالىنىڭ 1 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيا 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سويلەگەن ءسوزى» جاريالاندى.
  سوزدە بىلاي دەپ باسا دارىپتەلىپ اتاپ كورسەتىلدى: پارتيا 19 - قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋ، پارتيانىڭ 19 - قۇرىلتايىنداعى بەلگىلەنگەن نىسانالاردى، مىندەتتەردى جۇزەگە اسىرۋ ءۇشىن كۇرەس جاساۋ − جاڭا كەزەكتى ورتالىق كوميتەت باسشىلىق كوللەكتيۆتىڭ كەلەلى ساياسي مىندەتى جانە باستى قىزمەت تاقىرىبى. جاڭا ءداۋىر تىڭ باستامانى، تىڭ تالاپتى اڭعارتتى، جاڭا ءداۋىر جاڭا بەينە، تىڭ تەبىن بولۋعا ۇندەيدى.
  سوزدە قازىرگى جانە بۇدان بىلايعى ءبىر مەزگىلدەگى ءتۇيىندى قىزمەتتەر جونىندە ورنالاستىرۋلار جاسالدى. ءبىرىنشى، جۇڭگوشا سوتسياليزمنىڭ جاڭا داۋىرگە وتۋىنە بايلانىستى تىڭ تالاپتاردى جاپپاي يگەرۋ، پارتيا مەن مەملەكەت ىستەرىنىڭ دامۋ دەڭگەيىن تىنباي جوعارىلاتۋ. سوزدە بىلاي دەپ باسا دارىپتەلدى: جاڭا ءداۋىر جورىعىندا بۇكىل پارتياداعى جولداستار، ءسوز جوق، جاڭا ءداۋىر جۇڭگوشا سوتسياليزمنىڭ دامۋ تالاپتارىنا ۇيلەسىپ، ستراتەگيالىق ويلاۋ، جاڭالىق اشا ويلاۋ، ديالەكتيكالىق ويلاۋ، زاڭمەن جونگە سالۋ بويىنشا ويلاۋ، تومەنگى شەك بويىنشا ويلاۋ قابىلەتىن جوعارىلاتىپ، قىزمەتتەگى پرينسيپتىلىكتى، جۇيەلىلىكتى، كورەگەندىكتى، جاسامپازدىقتى كۇشەيتۋ كەرەك. ەكىنشى، جاڭا ءداۋىر جۇڭگوشا سوتسياليزم يدەياسىن جانە نەگىزگى جالپى جوباسىن جاپپاي دايەكتىلەندىرۋ، بۇكىل پارتيانىڭ ماركسيزمدىك نازاريالىق دەڭگەيىن تىنباي جوعارىلاتۋ كەرەك. سوزدە بىلاي دەپ باسا دارىپتەلدى: جاڭا ءداۋىر جورىعىندا بۇكىل پارتياداعى جولداستار، ءسوز جوق، نازاريانى امالياتپەن ۇشتاستىرۋ سىندى ۇيرەنۋ ستيلىن ساۋلەلەندىرىپ، پارتيا مەن مەملەكەت ىستەرىندە جارىققا شىققان تاريحي وزگەرىستەرمەن تىعىز بايلانىستىرىپ، جۇڭگوشا سوتسياليزم جاڭا داۋىرگە وتكەن جاڭا امالياتپەن تىعىز بايلانىستىرىپ، ەلىمىز قوعامىنداعى باستى قايشىلىقتاعى ماڭىزدى وزگەرىسپەن تىعىز بايلانىستىرىپ، «قوس 100 جىلدىق» كۇرەس نىساناسىمەن جانە ءتۇرلى مىندەتتەرمەن تىعىز بايلانىستىرىپ، نازاريادان سانالىلىقپەن پايدالانىپ امالياتقا جەتەكشىلىك ەتىپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ قابىلەتىن تىنباي جوعارىلاتۋى كەرەك. ءۇشىنشى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ مىندەتتەرىن جاپپاي ورىنداۋ، سوتسياليستىك وسىزامانداندىرۋ قۇرىلىسىنىڭ دەڭگەيىن تىنباي جوعارىلاتۋ. سوزدە بىلاي دەپ باسا دارىپتەلدى: جاڭا ءداۋىر جورىعىندا بۇكىل پارتياداعى جولداستار، ءسوز جوق، پارتيانىڭ 19 - قۇرىلتايىنداعى ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جونىندەگى ورنالاستىرۋلارعا ساي، ءتۇرلى مىندەتتەردى جاپپاي ورىنداپ، جاپپاي دوڭگەلەك داۋلەتتى قوعامدى ءوز ۋاعىندا ورناتۋعا شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جورىعىن باستاۋى كەرەك. ءتورتىنشى، ءارقايسى سالالارداعى، ءارقايسى جاقتارداعى رەفورمانى جاپپاي ىلگەرىلەتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن تىنباي جوعارىلاتۋ. سوزدە بىلاي دەپ باسا دارىپتەلدى: جاڭا ءداۋىر جورىعىندا بۇكىل پارتياداعى جولداستار، ءسوز جوق، جاڭا داۋىردەگى جۇڭگوشا سوتسياليزم ىستەرىنىڭ دامۋ اياق الىسىنا ۇيلەسىپ، جۇڭگوشا سوتسياليستىك ءتۇزىمدى كەمەلدەندىرۋدىڭ جانە دامىتۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ باس نىساناسىن بۇلجىتپاي مىقتى يگەرىپ، ءارقايسى سالالارداعى، ءارقايسى جاقتارداعى رەفورمانى ءبىر تۇتاس جوسپارلاي وتىرىپ العا ىلگەرىلەتىپ، نازاريادا جاڭالىق اشۋدى، تۇزىمدە جاڭالىق اشۋدى، عىلىم - تەحنيكادا جاڭالىق اشۋدى، مادەنيەتتە جاڭالىق اشۋدى، سونداي - اق وزگە دە جاقتاردا جاڭالىق اشۋدى تىنباي العا ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جورىعىن باستاۋعا قۇدىرەتتى قوزعاۋشى كۇش ازىرلەۋى كەرەك. بەسىنشى، حالىقتى ارقاۋ ەتكەن دامۋ يدەياسىن جاپپاي تياناقتاندىرۋ، حالىق تۇرمىسىن قامتاماسىزداندىرۋ جانە جاقسارتۋ دەڭگەيىن تىنباي جوعارىلاتۋ. سوزدە بىلاي دەپ باسا دارىپتەلدى: جاڭا ءداۋىر جورىعىندا بۇكىل پارتياداعى جولداستار، ءسوز جوق، حالىق ەڭ كوڭىل بولگەن، ەڭ تىكە، ەڭ رەال مۇددە ماسەلەسىن مىقتى يگەرىپ، حالىق جۇرتشىلىعى كوڭىل بولگەن ىستەردى ءوزىنىڭ ماڭىزدى ءىسى رەتىندە قاراپ، وقۋ جاسىنا دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن، زارۋلەردى كومەكتەن يگىلىكتەندىرۋ جاقتارىندا ۇزدىكسىز تىڭ ىلگەرىلەۋشىلىكتەرگە قول جەتكىزىپ، قوعامنىڭ ادىلدىگىن، ادىلەتتىلىگىن تىنباي جەبەۋى، ادامنىڭ جاپپاي دامۋىن، جالپى حالىقتىڭ بىرگە بايۋىن تىنباي جەبەۋى كەرەك. التىنشى، پارتيا قۇرىلىسىنىڭ تىڭ دا ۇلى ينجەنەرياسىن جاپپاي العا ىلگەرىلەتۋ، پارتيانى جاپپاي، قاتاڭ جونگە سالۋ دەڭگەيىن تىنباي جوعارىلاتۋ. سوزدە بىلاي دەپ اتاپ كورسەتىلدى: جاڭا ءداۋىر جورىعىندا بۇكىل پارتياداعى جولداستار، ءسوز جوق، جاڭا داۋىردەگى پارتيا قۇرىلىسىنىڭ تۇلعالىق تالابىنا ساي، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا ءوزىن باسقارۋعا، ءوزىن جاپپاي قاتاڭ جونگە سالۋعا تاباندى بولۋى، تۇراقتىلىقتى جانە قايسارلىقتى ايگىلەپ، ۇدايىلىق پەن باياندىلىققا، قاتاڭدىق پەن ناقتىلىققا، تەرەڭدىك پەن قۇنتتىلىققا ۇزدىكسىز كۇش سالىپ، باسقارۋعا داعدىلانىپ، ناقتى ونىمدىلىك جاراتۋى كەرەك.
  سوزدە پارتيا 19 - كەزەكتى ورتالىق كوميتەتىندەگى بارلىق جولداستاردان مىناداي ءۇمىت كۇتىلدى: ءبىرىنشى، مۇرات - سەنىمدى بەكەمدەۋ؛ ەكىنشى، ساياسي جاۋاپكەرشىلىكتى كۇشەيتۋ؛ ءۇشىنشى، قابىلەتتى جاپپاي كۇشەيتۋ؛ ءتورتىنشى، ستيلدى تىڭعىلىقتى جاقسارتۋ.
  وسى ماڭىزدى ءسوزدىڭ جاريالانۋى پارتيا 19 - قۇرىلتايىنىڭ رۋحىن تەرەڭدەي تۇسىنۋدە جانە جاپپاي دايەكتىلەندىرۋدە، پارتيانىڭ 19 - قۇرىلتايىندا بەلگىلەنگەن نىسانالاردى، مىندەتتەردى جۇزەگە اسىرۋدا ماڭىزدى جەتەكشىلىك رول اتقارادى.


بەرىپ كەت ورامالىڭدى

دوستار

الىستاعى اق ەركە