جاڭا حابارلار

جۇڭگو مەن وڭتۇستىك افريكانىڭ ديپلوماتيالىق قارىم-قاتىناس ورناتقاندىعىنىڭ 20 جىلدىعى بايلانىسىمەن شي جينپيڭ مەن وڭتۇستىك افريكانىڭ زۇڭتۇڭى زۋما ءوزارا قۇتتىقتاۋ تەلەگرامماسىن جولدادى

    كەلۋ قاينارى: شينجياڭ گازەتى    2018-01-03 19:36:03  
 شينحۋا اگەنتتىگىنىڭ 1 - قاڭتاردا بەيجيڭنەن بەرگەن حابارى. مەملەكەت ءتوراعاسى شي جينپيڭ مەن وڭتۇستىك افريكانىڭ زۇڭتۇڭى زۋما 1 - قاڭتاردا ءوزارا قۇتتىقتاۋ تەلەگرامماسىن جولداپ، جۇڭگو مەن وڭتۇستىك افريكانىڭ ديپلوماتيالىق قارىم - قاتىناس ورناتقاندىعىنىڭ 20 جىلدىعىن قىزۋ قۇتتىقتادى.
  شي جينپيڭ قۇتتىقتاۋ تەلەگرامماسىندا مىنالاردى اتاپ كورسەتتى: 20 جىلدىڭ الدىنداعى ءدال وسى كۇنى، جۇڭگو مەن وڭتۇستىك افريكا رەسمي ديپلوماتيالىق قارىم - قاتىناس ورناتىپ، ەكى ەل قارىم - قاتىناسىنىڭ جاڭا پاراعىن اشتى. 20 جىلدان بەرى، تاراپتاردىڭ بىرگە قۇلشنىۋىندا، جۇڭگو - وڭتۇستىك افريكا قارىم - قاتىناسى جان - جاقتى، ىشكەرىلەي دامىپ، سەرىكتەستىك قارىم - قاتىناستان ستراتەگيالىق سەرىكتەستىك قارىم - قاتىناسقا، ودان جان - جاقتى ستراتەگيالىق سەرىكتەستىك قارىم - قاتىناسقا ءوتۋ سىندى تاريحي سەكىرىستى جۇزەگە اسىردى. اماليات مىنانى دالەلدەدى: جۇڭگو مەن وڭتۇستىك افريكانىڭ جان - جاقتى ىنتىماقتاستىعىن ۇزدىكسىز بەكەمدەۋ جانە تەرەڭدەتۋ ەكى ەلدىڭ جانە ەكى ەل حالقىنىڭ ءتۇبىرلى مۇددەسىنە ۇيلەسەدى. مەن زۇڭتۇڭ مىرزامەن بىرگە قۇلشىنىپ، جۇڭگو - وڭتۇستىك افريكا قارىم - قاتىناسىنىڭ ۇزدىكسىز العا دامۋىن جەبەۋدى، ەكى ەلگە جانە ەكى ەل حالقىنا اناعۇرلىم مول باقىت سيلاۋدى قالايمىن.
  شي جينپيڭ بىلاي دەدى: قازىر جۇڭگو مەن وڭتۇستىك افريكا جۇڭگو - افريكا ەلدەرى ىنتىماقتاستىعى تالقى مىنبەرىنە تەڭ ءتوراعا ەل. 2015 - جىلى زۇڭتۇڭ مىرزا ەكەۋىمىز بىرگە باسقارىپ اشقان تالقى مىنبەردىڭ يوگاننەسبۋرگتەگى باسشىلار باس قوسۋى تولىق تابىسقا قول جەتكىزدى. زۇڭتۇڭ مىرزانىڭ ۇسىنىسى جانە افريكا ەلدەرىنىڭ جالپى بەتتىك تىلەگى بويىنشا، جۇڭگو 2018 - جىلى تالقى مىنبەردىڭ باسشىلار باس قوسۋىن جۇڭگودا وتكىزۋدى ءجون كورىپ وتىر. مەن زۇڭتۇڭ مىرزامەن جانە تالقى مىنبەردىڭ باسقا دا افريكالىق مۇشەلەرىنىڭ باسشىلارىمەن بىرگە 2018 - جىلعى باسشىلار باس قوسۋىن جۇڭگو مەن افريكا ەلدەرىنىڭ ىنتىماعىن، سەلبەستىگىن كۇشەيتەتىن تاريحي سالتاناتتى جينالىس ەتىپ وتكىزۋدى قالايمىن.
  زۋما بىلاي دەدى: وڭتۇستىك افريكا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 20 جىلدىعى ەكى جاقتى قارىم - قاتىناس تاريحىنىڭ ماڭىزدى بەلەسى. وتكەن 20 جىلدا، وڭتۇستىك افريكا مەن جۇڭگو ءداستۇرلى دوستىق پەن ءوزارا سەنىمدىلىك نەگىزىندە، قۋانارلىق ىنتىماقتاستىق جەمىستەرىنە قول جەتكىزدى، ەكى ەل قارىم - قاتىناسى ۇزدىكسىز جاقساردى، سونداي - اق وعان ءتىپتى دە ماڭىزدى ستراتەگيالىق ءمان قوسىلدى. ەكى ەل ورتاق مۇددەگە ساياتىن ماسەلەلەردە تىعىز سايكەسىپ، دۇنيە ءجۇزى ءدوپ كەلگەن جاڭا حاۋىپتەر مەن جاڭا سىن - سايىستارعا بىرگە توتەپ بەرىپ كەلەدى. جۇڭگو - افريكا ەلدەرى ىنتىماقتاستىعى تالقى مىنبەرىنە تەڭ ءتوراعا ەل رەتىندە، افريكا مەن جۇڭگونىڭ سەرىكتەستىك قارىم - قاتىناسىن ىلگەرىلەتۋگە، 2015 - جىلعى تالقى مىنبەردىڭ يوگاننەسبۋرگتەگى باسشىلار باس قوسۋىنىڭ جەمىستەرىن تياناقتاندىرۋدى جەبەۋگە كۇش سالادى. مەن 2018 - جىلى قىركۇيەكتە جۇڭگوعا بارىپ، جۇڭگو - افريكا ەلدەرى تالقى مىنبەرىنىڭ جاڭا كەزەكتى باسشىلار باس قوسۋىنا قاتىناسۋدى كۇتۋدەمىن. مەن ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 20 جىلدىعىن وراي ەتىپ، ەكى ەلدىڭ دوستىق قارىم - قاتىناسىن كۇشەيتىپ، ىنتىماقتاستىقتى كەڭەيتىپ، تەڭ ۇتۋدى جۇزەگە اسىرۋدى ءۇمىت ەتەمىن.

بەرىپ كەت ورامالىڭدى

دوستار

الىستاعى اق ەركە