جاڭا حابارلار

قىزمەت اترەتىندەگىلەر كەدەي وتباسىلارىنىڭ كەدەيلىكتەن ارىلۋىن بار كۇشپەن قولدادى

    كەلۋ قاينارى: شينجياڭ حالىق راديو ىستانسياسى    2018-01-05 11:59:25  
ىرىسالى سىلاميا ۇلى حابارلايدى: ىلە وبلىستىق مادەنيەت، دەنە تاربيە، راديو-تەلەۆيزيا مەكەمەسىنىڭ تەكەس اۋداننىڭ كوكتەرەك قىرعىز ۇلىتتىق اۋىلى شاعانساي قىستاعىندا تۇراتىن قىزمەت اترەتى پارتيا 19-قۇرىلتايىنىڭ رۋحىن وزدەرىنىڭ ءىس جۇزىندىك ارەكەتى ارقىلى مۇقيات تياناقتاندىرىپ، كەدەي وتباسىلارىنىڭ كەدەيلىكتەن ارىلۋىن بار كۇشپەن قولدادى ، تاياۋدا وسى قىستاقتاعى 57 كەدەي وتباسىنا 57 باس اسىل تۇقىمدى شينجياڭ قوڭىر سيىرىن تەگىن تاراتىپ، كەدەي تۇرعىنداردىڭ كىرىستى ارتتىرۋىنا نەگىز قالادى.
مالشى باقىت تىلشىگە وتباسىندا ءتورت جان بار ەكەنىن، وزدەرىندە مال بولماعاندىقتان باسقالاردىڭ مالىن باعىپ كۇنەلتىپ كەلگەنىن، پارتيانىڭ ابزال ساياساتىنىڭ ارقاسىندا ءبىر باس اسىل تۇقىمدى سيىرعا يە بولعانىن، بۇدان كەيىن ءوزىنىڭ 40 مۋ جايىلىمىنەن يكەمدى پايدالانىپ، سيىردى عىلىمي جولمەن باعىپ ، ودان مول ەكونوميكالىق قۇن جاراتىپ، كەدەيلىكتەن قۇتىلىپ، اۋقاتتانۋعا بەتالاتىندىعىن ايىتتى. سول كۇنگى قيمىلدا مال شارۋاشىلىق سالاسىنىڭ مامان تەحنيىكتەرى اسىل تۇقىمدى شينجياڭ قوڭىر سيىرلارىنىڭ بارلىعىنىڭ ءىشتى ەكەنىن، كوكتەم كەلىسىمەن بۇل سيىرلار بۇزاۋلاپ، مالشىلاردى يگىلىككە كەنەلتەتىنىن ايتتى.بۇل جونىندە مالشى جۇمابەك تىلشىگە:-بۇگىن جەرگىلىكتى ۇكىمەت پەن قىستاعىمىزعا تۇسكەن قىزمەت اتىرەتى بىزگە شينجياڭ قوڭىر سيىرىن تەگىن تاراتىپ بەردى.بۇدان كەيىن سيىر سانىن مولايتىپ، كىرىس قاينارىمدى ەسەلەپ ارتتىرىپ، كەدەيلىكتەن ارىلىپ، كوركەم تۇرمىس ورتاسىن جاراتۋعا قۇلشىنامىن،-دەدى.
وسى قىستاقتا تۇراتىن قىزمەت اتىرەتى ىلگەرىندى-كەيىندى قىستاقتاعى وتباسىندا قيىنشىلىعى بار كەدەي مالشىلارعا 107 سيىر، 100 جىلقى تاراتىپ، مالشىلاردىڭ تەز الۋەتتەنۋىنە مۇمكىندىك جاسادى.بۇل جونىندە وبلىستىق مادەنيەت ،دەنە تاربيە ، راديو-كينو-تەلەۆيزيا مەكەمەسىنىڭ تەكەس اۋدانى كوكتەرەك قىرعىز ۇلىتتىق اۋىلىنىڭ شاعانساي قىستاعىندا تۇراتىن قىزمەت اترەتىنىڭ باستىعى سەرىك جۇماش ۇلى تىلشىگە: «پارتيا 19-قۇرىلتايىنىڭ بايانداماسىندا كەدەيلىكتەن قۇتىلدىرۋدان قامال الۋ شەشۋشى شايقاسىندا ءسوزسىز جەڭىسكە جەتۋ، بۇكىل مەملەكەتىمىز بويىنشا تەڭ قاداممەن دوڭگەلەك داۋلەتتى قوعام قۇرۋ ورتاعا قويىلدى.وسىعان وراي ءبىز قىستاق ەكى كوميتەتىمەن سەلبەسىپ، قىستاقتىڭ ءىس جۇزىندىك جاعدايىنا قاراي ۇتىمدى شارالار قولدانىپ، كەدەيلەردى سۇيەمەلدەۋدە اقىل-وي جاقتان سۇيەمەلدەۋ، رۋحاني جاقتان سۇيەمەلدەۋ، تەحنيكالىق جاقتان سۇيەمەلدەۋ، قارجى جانە زاتتىق ماتەريال جاقتان سۇيەمەلدەۋدى ءوزارا ۇشتاستىرىپ، كەدەيلىكتەن قۇتىلدىرۋدان قامال الۋ قىزمەتىن بار كۇشپەن جەبەدىك»،-دەدى.

بەرىپ كەت ورامالىڭدى

دوستار

الىستاعى اق ەركە