جاڭا حابارلار

3 قىلمىس كۇمانىسى ۇرىمجىگە ۇستاپ اكەلىندى

    كەلۋ قاينارى: شينجياڭ حالىق راديو ىستانسياسى    2018-01-05 12:53:37  
ستانسيامىزدىڭ ءتىلشىسى گۇزالايدىڭ حابارىن تىڭداڭىزدار: 3-قاڭتار تاڭەرتەڭ ساعات 8 دەن 30 مينۋت وتكەندە، حۋناننان شىققان پويەز ءۇرىمجى وڭتۇستىك پويەز ۆاگزالىنا باياۋ كىردى، الدامكوستىك كەلتەحات جولداۋ اسپابى ارقىلى الدامكوستىك كەلتەحاتىن جولداعان 3 قىلمىس كۇمانىسى ۇرىمجىگە ۇستاپ اكەلىندى.ءسويتىپ، قوعام حاۋىپسىزدىگى مينيسترلىگى ءبىتىرۋدى قۋزاعان، جۇڭگو جىلجىمالى حابارلاسۋ سەرىكتەستىگىنىڭ 10086 ءنومىرىن جالعاننان پايدالانىپ، كەلتەحات الدامكوستىگىن ىستەۋ دەلوسى انىقتالدى.
2017-جىلى 15-جەلتوقسان ساعات 12 دەن 44 مينۋت وتكەندە، زيانكەستىككە ۇشىراۋشى ۋاڭ مىرزا ءۇرىمجى قالاسى دوستىق سولتۇستىك جولى ساقشى بولىمشسىنە دەلو مالىمدەپ، 14-جەلتوقسان 10086 ءنومىرى بويىنشا كەلگەن تەلەفونعا 100 يۋان تەلەفون اقىسىن تولەسە، 200 يۋان ۇسىنىلادى دەگەن كەلتە حاتتى تاپسىرىپ العانىن، قارسى جاقتىڭ تالابى بويىنشا 100 يۋان تەلەفون اقىسىن تولەگەندە، بانكە كارتچكاسىنان 3 مىڭ 899 يۋان تارتىپ قالىنعانىن، تەكسەرۋ بارىسىندا اقشانى تارتىپ قالعان جاقتىڭ شاڭحايداعى ءبىر سەرىكتەستىك ەكەنىن بايقاعانىن ايتادى.
دەلو جونىدەگى مالىمەتتى تاپسىرىپ العان ءۇرىمجى قالاسى سايباع رايوندىق قىلمستىق ىستەر ساقشى ۇلكەن اتىرەتىنىڭ حالىق ساقشىلارى دەرەۋ تەكسەرۋگە كىرىسەدى.تەكسەرىپ سارالاۋ ارقىلى ءۇرىمجى قالاسىندا جۇڭگو جىلجىمالى حابارلاسۋ سەرىكتەستىگىنىڭ 10086 ءنومىرىن جالعاننان پايدالانىپ تەلەفون اقىسىن تاپسىرسا اقى ۇسىنىلادى دەگەندى سىلتاۋراتقان كەلتەحات الدامكوستىگى دەلوسىنىڭ ىركەس-تىركەس بىرنەشە رەت تۋىلعانىن بايقايدى، حالىق ساقشىلارى قالا بويىنشا ۇقساس تۇردەگى دەلولاردى جيناقتاعاننان كەيىن، 2017-جىلى 23-جەلتوقسان تاڭەرتەڭ، ىلگەرىندى-كەيىندى قاشقار باتىس جولى مەن شين-ي جولىندا كەلتەحات الدامكوستىگىن ىستەگەن چي جانە دۇڭ فاميليالى قىلمىس كۇماندسىن ۇستايدى.سايباع رايوندىق قىلمىستىق ىستەر ساقشى ۇلكەن اتىرەتىنىڭ بارلاۋشىسى جاڭ كاي بىلاي دەدى: «تۇتقيىل تەكسەرۋ ارقىلى وسى تەلەگراف الدامكوستەرىنىڭ توراپقا شىققان جەرىنىڭ حۋنان ولكەسىنىڭ جۋجوۋ قالاسى ەكەنىن بىلدىك، ءبىز دەرەۋ ارناۋلى دەلو گرۋپپاسىن ۇيىمداستىردىق، ءارى تاعى ءبىر گرۋپپانى حۋنان ولكەسىنىڭ جۋجۋۋ قالاسىنا جىبەردىك».
20-جەلتوقسان، حۋنان ولكەسىنىڭ جۋجوۋ قالاسىنداعى ساقشىلاردىڭ سەلبەسۋىندە، سايباع رايوندىق قىلمىستىق ىستەر ۇلكەن اتىرەتى «توراپقا شىققان» شياڭ جانە ونىڭ سىبايلاسى جياڭ، فان فاميليالىلاردى تۇتقىندايدى.سايباع رايوندىق قىلمىستىق ىستەر ۇلكەن اتىرەتىنىڭ بارلاۋشىسى نان شياڭلۇڭ بىلاي دەدى: «بۇل توپ شينجياڭدا الدامكوستىك ىستەۋدەن سىرت، تاعى چىڭدۋ، چۇڭچيڭ، شي-ءان، شينيڭ سياقتى جەرلەردە جانە حۋنان ولكەسىندە دەلو تۋدىرعان».
تەكسەرۋ بارىسىندا بۇل توپتىڭ ۇرىمجىدە ىلگەرىندى-كەيىندى ءجۇز نەشە رەت الدامكوستىك ىستەگەندىگى، دەلوعا سايعان سومانىڭ 280 مىڭ يۋاننان اسقاندىعى انىقتالدى، قازىر ساقشىلار بانكە كارتچاسىنداعى 250 مىڭ يۋان ناق اقشانى مۇزداتىپ، 300 مىڭ يۋان ناق اقشانى، جالعان كەلتە حات جولداۋ اسپابىنان جەتەۋىن، دەلو ىستەۋگە پايدالانىلاتىن قويىن كومپيوتەردەن بەسەۋىن ۇستاپ قالدى، دەلوعا شاتىلعان 5 قىلمىس كۇمانداسىن الدامكوستىك قىلمىسى بويىنشا قولدا ۇستاي تۇردى.ساقشىلار الداپ الىنعان اقشالاردى تەكسەرىپ انىقتاعاننان كەيىن زيانكەستىككە ۇشىراعان يەلەرىنە قايتارىپ بەرەدى.

بەرىپ كەت ورامالىڭدى

دوستار

الىستاعى اق ەركە