جاڭا حابارلار

جاننات مەكەندەگى «اق ءتۇستى بايلىق»

    كەلۋ قاينارى: شينجياڭ گازەتى    2018-01-09 18:39:16  

قوم قاناس قىستاعىنىڭ كوز تارتاتىن تاۋ باۋرايىنداعى «ءدينانىڭ ۇيىندە»، قوناق يەسى شاكەن ساياحاتشىلارعا قازاق ۇلتىنىڭ ءداستۇرلى تاعامى تورە تاباق جىلقى ەتىنەن ءدام تاتقىزۋدا.

سۋرەتتى شينحۋا اگەنتتىگىنىڭ ءتىلشىسى جاۋ گى تۇسىرگەن

 جاڭا جىل كىرىسىمەن شينجياڭنىڭ سولتۇستىگىندە قالىڭ قار جاۋىپ، بايتاق دالا اق مامىق كورپە جامىلدى. اقشا قار وسى ارادا جاساپ جاتقان ادامدارعا باقىت اكەلدى.
  بۇكىل ەلگە ايگىلى كورىنىستىك ءوڭىر، جەر جانناتى اتانعان قاناستىڭ قىسقى ساياحاتى جۇرت نازارىن جاپپاي وزىنە تارتتى. جول - قاتىناس، سونداي - اق جاتىن ورىن جاعدايلارىنىڭ جاقسارۋىنا وراي، قىستا التايعا ساياحاتتاي كەلىپ، وسى جاننات مەكەندى تاماشالاۋشىلار بارعان سايىن كوبەيە ءتۇستى.
  قازاق مالشى ساۋلە قوم قاناس قىستاعىنداعى اسەم تاۋ شوقىسىنىڭ ەتەگىندە «دينانىڭ ءۇيى» دەگەن اتپەن مالشىلار ساياجايىن اشىپ وتىر. بۇرىندارى جاز بەن كۇزدە عانا ساياحاتشى قابىلدايتىن، قازىر قىستا دا قابىلدايتىن بولدى. 2017 - جىلى قىركۇيەكتەن قازىرگە دەيىن 300 − 400 قوناق قابىلداپ، 10 مىڭ يۋانعا جۋىق كىرىس تاپتى. بۇل ساياجايدان قوناقتار قازاقتىڭ ءدامدى تاعامى تورە تاباق جىلقى ەتىن جەپ، قايماقتى شاي ىشەدى. «سوڭعى جىلدارى وتباسىمىز ساياحاتتان 20 مىڭ يۋاننىڭ ۇستىندە كىرىس تاۋىپ وتىر، بۇل جالپى كىرىستىڭ جارتىسىن ۇستايدى، قازىر قاناسقا جازدا عانا ەمەس، 4 ماۋسىمدا دا ساياحاتشىلار كەلەدى»، - دەيدى ساۋلە.
  قىسقى ساياحات جىم - جىرتتىققا شومعان قاناستى قايتادان دۋمانعا بولەدى، جەرگىلىكتى تۇرعىندار وسى ورايدى قولدان بەرمەي، قىسقى مالشىلار ساياجايىن جانە ءۇي ارالاپ ساياحاتتاۋ تۇيىندەرىن اشىپ، ۇلتتىق ۇلگىدە قىزمەت وتەپ، ۇلتتىق مادەنيەتتى تانىستىرۋمەن قاتار، اقشا قار الا كەلگەن اق ىرىسىنان يگىلىكتەندى.

شينجياڭنىڭ قوم قاناس قىستاعىندا وتكىزىلگەن قار شاشۋ مەرەكەسىندە جەرگىلىكتى تۇرعىندار ساياحاتشىلارعا كوكبار تارتۋ ونەرىن كورسەتۋدە. (1 - قاڭتاردا تۇسىرىلگەن)

سۋرەتتى شينحۋا اگەنتتىگىنىڭ ءتىلشىسى جاۋ گى تۇسىرگەن


بەرىپ كەت ورامالىڭدى

دوستار

الىستاعى اق ەركە