جاڭا حابارلار

رايونىمىز كاسىپتەندىرۋ، قوعامدىق قامسىزداندىرۋ جاعىندا كەدەيلەردى سۇيەمەلدەۋ ارەكەتىن ۇزدىكسىز ىشكەرىلەي ورىستەتتى

    كەلۋ قاينارى: شينجياڭ حالىق راديو ىستانسياسى    2018-01-10 11:39:00  
ستانسيامىزدىڭ ءتىلشىسى دۇڭ جىيۇڭ مەن پراكتيكانت ءتىلشى سۇن-ي ياڭزىنىڭ حابارىن تىڭداڭىزدار: بيىل، رايونىمىز كاسىپتەندىرۋ، قوعامدىق قامسىزداندىرۋ جاعىندا كەدەيلەردى سۇيەمەلدەۋ ارەكەتىن ۇزدىكسىز ىشكەرىلەي ورىستەتىپ، رايونىمىزدىڭ كەدەيلىكتەن قۇتىلدىرۋدان قامال الۋ شايقاسىندا جاپپاي جەڭىسكە جەتۋگە دەم بەرمەكشى.
ەندى عانا وتكەن ءبىر جىلدا، رايونىمىز اۋىل-قىستاقتاعى ارتىق ەڭبەككۇشتەردى باسقا سالادا كاسىپتەندىرۋ قىزمەت تەبىنىن ارتتىرىپ، كاسىپتەندىرۋ جاعىندا كەدەيلەردى سۇيەمەلدەۋ قىزمەتىن كۇش سالا ىلگەرىلەتىپ، ارحيپ تۇرعىزىپ كارتچكا تاراتىلعان كەدەي وتباسىنداعىلاردان كاسىپتەندىرگەن ادام سانىن 150 مىڭنان اسىردى. مۇنىڭ ىشىندە، قاشقار، حوتان ايماقتارىنداعى قالا مەن اۋىل-قىستاقتاعى ارتىق ەڭبەككۇشتەردەن 47 مىڭ ادامدى رايونىمىز ىشىندە ءوڭىر اتتاپ ۇيىمدى تۇردە باسقا سالادا كاسىپتەندىرىپ، العاشقى ادىمدا ۇكىمەت جەتەكشى بولۋدى نەگىز ەتكەن ۇيىمدى تۇردە باسقا سالادا كاسىپتەندىرۋدىڭ جاڭا مەحانيزىمىن ورناتتى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتەندىرۋدى جەبەۋ باسقارماسىنىڭ باستىعى جاڭ رۇڭ بىلاي دەدى : بيىل كاسىپتەندىرۋدىڭ جاڭا مەحانيزىمىن كۇشەيتىپ، وڭتۇستىك شينجياڭنىڭ 3 ايماق، ءبىر وبلىسىنداعى ەرەكشە كەدەي وڭىرلەردە كاسىپتەندىرۋ جاعىندا كەدەيلەردى سۇيەمەلدەۋدىڭ 3 جىلدىق جوباسىن جاسايمىز. قاشقار، حوتان ايماقتارىندا 3 جىلدا 100 مىڭ ادامدى كاسىپتەندىرۋ نەگىزىندە، بۇل قىزمەتتى وڭتۇستىك شينجياڭداعى 3 ايماق، ءبىر وبلىستا كەڭىنەن جالپىلاستىرىپ، 22 ەرەكشە كەدەي اۋدانعا شوعىرلاندىرىپ، 3 جىلدا 100 مىڭ ادامدى كاسىپتەندىرىپ، 100 مىڭ ادامنىڭ كاسىپتەنۋ ارقىلى كەدەيلىكتەن قۇتىلۋىنا شىن مانىندە كەپىلدىك ەتەمىز.
قوعامدىق قامسىزداندىرۋ جاعىندا، وتكەن جىلى رايونىمىز « اۆتونوميالى رايوننىڭ قوعامدىق قامسىزداندىرۋ جاعىندا كەدەيلەردى سۇيەمەلدەۋ قىزمەتىن جاقسى ىستەۋ جونىندەگى ۇقتىرۋىن» شىعارىپ، كەدەيلەردىڭ نەگىزگى ەمدەۋدى قامسىزداندىرۋداعى اۋىرۋحاناعا جاتقانداعى ەمدەلۋ قاراجاتىن ەسەپتەن كوتەرۋدە ەڭ جوعارى شەك بەلگىلەۋدى كۇشىنەن قالتىرۋ، نەگىزگى ەمدەۋدى قامسىزداندىرۋداعى اۋداننان جوعارى دارەجەلى ەمدەۋ قۇرىلىمدارىنىڭ اۋىرۋحانادا جاتىپ ەمدەلۋ قاراجاتىن ەسەپتەن كوتەرۋ سالىستىرماسىن جوعارىلاتۋ سىندى ءتيىمدى ساياسات بەلگىلەپ، قوعامدىق قامسىزداندىرۋ جاعىندا كەدەيلەردى سۇيەمەلدەۋ ساياساتىن كەمەلدەندىردى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ باستىعى راحمانجان داۋۇت بىلاي دەدى: بيىل قالا مەن اۋىل-قىستاق تۇرعىندارىن نەگىزگى ەمدەۋدى قامسىزداندىرۋعا قاتىناستىرۋ ارناۋلى ارەكەتى جاپپاي ورىستەتىلەدى. كەدەيلەردىڭ قالا مەن اۋىل-قىستاق تۇرعىندارىن نەگىزگى ەمدەۋدى قامسىزداندىرۋعا قاتىناسۋىندا وزدەرى شىعاراتىن قارجى بولەگىندە ۇكىمەت قازىنادان كومەك قاراجات بەرۋ ساياساتىن ويداعىداي تياناقتاندىرىپ، 2018-جىلى 22 ەرەكشە كەدەي اۋدان-قالادا ارحيپ تۇرعىزىپ كارتچكا تاراتىلعان كەدەيلەردى تۇگەلدەي قالا مەن اۋىل-قىستاق تۇرعىندارىنىڭ نەگىزگى ەمدەۋدى قامسىزداندىرۋ كولەمىنە ەنگىزىپ، بارلىعىنا قوعامدىق قامتاماسىزداندىرۋ كارتچكاسىن تاراتىپ، نەگىزگى ەمدەۋدى قامسىزداندىرۋ، سالماقتى ناۋقاستاردى قامسىزداندىرۋ سياقتى جان-جاقتىلى قامتاماسىزداندىرۋ رولىن ويداعىداي ساۋلەلەندىرىپ، ەرەكشە كەدەي وڭىرلەردەگى كەدەيلەردىڭ اۋىرۋ سەبەبىنەن كەدەيلەسپەۋىنە شىن مانىندە كەپىلدىك ەتەمىز.
مۇنان تىس، رايونىمىز تاعى كادرلار ءتۇزىمى رەفورماسى جاعىندا، وڭتۇستىك شينجياڭداعى 3 ايماق، ءبىر وبلىسقا جانە كەدەي وڭىرلەرگە بەيىمدەلەدى. راحمانجان داۋۇت بىلاي دەدى: اۋىل-قالاشىق ورگاندارىنداعى كەم شتاتتىڭ ورنى دەرەۋ تولىقتانىپ، وڭتۇستىك شينجياڭداعى نەگىزگى ساتىداعى كەدەي وڭىرلەردە كادر-قىزمەتكەر قابىلداۋ، قابىلداۋعا تيىستىلەرىن تولىق قابىلداۋ مەحانيزىمى اتقارىلادى. ءىس ورىنداردىڭ قىزمەتكەرلەردى اشىق ۇسىنىس ەتۋ جوسپارىن ءبىرتۇتاس مالىمدەۋ قىزمەتى جاقسى ىستەلىپ،وڭتۇستىك شينجياڭداعى 3 ايماق، ءبىر وبلىسقا جانە نەگىزگى ساتىنىڭ ءبىرىنشى شەبىنە، سونداي-اق شارت-جاعدايى جاپالى كاسىپ سالالارىنا بەيىمدەلىپ، دارىندى بايلىعى ءتۇيىندى وڭىرلەر مەن شەشۋشى سالالارعا ءبولىپ ورنالاستىرىلادى.

بەرىپ كەت ورامالىڭدى

دوستار

الىستاعى اق ەركە