جاڭا حابارلار

اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىنداعى جەمقورلىققا جانە ستيلگە قاتىستى 8 تيپتىك دەلونى جاريالادى

    كەلۋ قاينارى: شينجياڭ حالىق راديو ىستانسياسى    2018-01-10 11:47:58  
ستانسيامىزدىڭ حابارى: جۋىردا، اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىنداعى جەمقورلىققا جانە ستيلگە قاتىستى 8 تيپتىك دەلونى جاريالادى. وسى 8 تيپتىك دەلو مىنالار:
ۇلۇقشات اۋدانى بايانعوشۇن اۋىلدىق ءتارتىپ تەكسەرۋ كوميتەتىنىڭ بۇرىنعى مۇشەسى، كەدەيلەردى سۇيەمەلدەۋگە جاۋاپتى كادر يۇسۇپ ءيمىتتىڭ كەدەيلەردى سۇيەمەلدەۋ قارىزىن يەمدەنىپ الۋ ماسەلەسى. 2016-جىلى قىركۇيەكتە، يۇسۇپ ءيمىت قىزمەت قولايلىلىعىنان پايدالانىپ، 4 كەدەي وتباسىنىڭ 115 مىڭ يۋان كەدەيلەردى سۇيەمەلدەۋ قارىزىن ءوز بىلگەنىنشە الىپ شىعىپ، سيلىقتى بەلەت ساتىپ الۋعا جانە باسقا دا شىعىمىنا جۇمساعان. تەكسەرۋدى قابىلداعاندا، يۇسۇپ ءيمىت وزىندەگى تارتىپكە قايشى ماسەلەلەردى ىرىقتىلىقپەن تاپسىرعان. 2017-جىلى قاراشادا، يۇسۇپ يمىتكە پارتيادان شىعارۋ، اكىمشىلىك مىندەتىنەن قالدىرۋ جازاسى بەرىلدى.
قاشقار جاڭا شار اۋدانى تازعۇن اۋىلدىق پارتكومىنىڭ بۇرىنعى شۋجيى شيە گاۋشياڭنىڭ كەدەيلەردى سۇيەمەلدەۋ نىسانى تاربيەلەۋ قوسىمشا قاراجاتىن الۋ ماسەلەسى. 2016-جىلى، تازعۇن اۋىلى كەدەيلەردى سۇيەلدەۋدە مال باعۋ جاعىندا تاربيەلۋ نىسانىن اتقارعاندا، شيە گاۋشياڭ كەڭسە بۇيىمدارىن ساتىپ الۋ، وقىتۋشىلاردىڭ تاربيەلەۋ اقىسىن تاپسىرۋ اتىمەن 30 مىڭ يۋاندىق تاربيەلەۋ قاراجاتىن امالىن تاۋىپ الىپ، جەكە شىعىمىنا جۇمساعان. مۇنان تىس، شيە گاۋشياڭدا باسقا دا تارتىپكە قايشىلىق جاساۋ ماسەلەلەرى بار ەكەن. 2017-جىلى قاراشادا، شيە گاۋشياڭگە پارتيا ىشىندە ەكى جىل باقىلاۋ، اكىمشىلىك مىندەتىنەن قالدىرۋ جازاسى بەرىلدى.
التاي قالاسى حاندىعاتى اۋىلىنىڭ بۇرىنعى ورىنباسار باستىعى ارشىن نابيوللا ۇلىنىڭ كەدەيلەردى سۇيەمەلدەۋ قارجىسىن بەلگىلەمەگە قايشى پايدالانۋ ماسەلەسى. 2015-جىلى قازاندا، ارشىن نابيوللا ۇلى كەدەيلەردى سۇيەمەلدەۋگە بەرىلەتىن قويدى ساتىپ الۋ قىزمەتىنە جاۋاپتى بولۋ بارىسىندا، 14 مىڭ يۋاندىق قوي ساتىپ الۋ سوماسىن ءوزى پايدالانىپ، 90 مىڭ يۋاندىق كەدەيلەردى سۇيەمەلدەۋ سوماسىن اعاسىنىڭ تيجارات قيمىلىمەن شۇعىلدانىپ پايدا كورۋىنە ءوز بىلگەنىشە قارىزعا بەرگەن. 2017-جىلى قازاندا، ارشىن نابيوللا ۇلىنا پارتيا ىشىندە ءبىر جىل باقىلاۋ، كاسىپتىك مىندەتىن ءبولىم قىزمەتكەرىنە تومەندەتۋ جازاسى بەرىلدى.
نىلقى اۋدانى قاراتوبە اۋىلى سايبويى قسىتاعىنىڭ ەسەپشىسى جانە كەدەيلەردى سۇيەمەلدەۋ كومەكشىسى ەرتاي وراقباي ۇلىنىڭ كەدەيلەردى سۇيەمەلدەۋگە بەرىلگەن سيىردى وتىرىك ايتىپ الۋ ماسەلەسى. 2014-جىلى قاراتوبە اۋىلىنىڭ سايبويى قىستاعى جان سانى سالستىرمالى از ۇلتتاردى دامىتۋ قارجى نىسانىن اتقارعاندا، ەرتاي وراقباي ۇلى ءوز قىستاعىنداعى كەدەي وتباسى ە XX تىڭ اتىنان كەدەيلەردى سۇيەمەلدەۋ سيىرىنان بىرەۋىن الىپ دەرەۋ وتكەرمەلەپ ساتقان. تەكسەرۋ بارىسىندا، ەرتاي وراقباي ۇلى جاعدايدى جالعاننان مالىمدەپ، تارتىپكە قايشى ارەكەتىن جاسىرىپ، ۇيىمدىق تەكسەرۋگە قارسى تۇرعان. 2017-جىلى جەلتوقساندا، ەرتاي وراقباي ۇلىنا پارتيا ىشىندە ءبىر جىل باقىلاۋ جازاسى بەرىلدى.
اراتۇرىك اۋدانى تۋحۋلۋ اۋىلى ءباشىر قىستاعى تۇرعىندار كوميتەتىنىڭ بۇرىنعى مەڭگەرۋشىسى تۇرعۇن تايىردىڭ جايلىم ەكولوگياسىن قورعاۋ كومەك قارجىسىنان قايتالاي يگىلىكتەنۋ ماسەلەسى. 2011-جىلى قىركۇيەكتە، تۇرعۇن تايىر قىزمەت قولايلىلىعىنان پايدالانىپ، تۇزكول قالاشىعىندا جايلىم ەكولوگياسىن قورعاۋ قومەك قارجىسىنان يگىلىكتەنەتىن جۇبايىن بەلگىلەمەگە قايشى ءباشىر قىستاعىنداعى كومەك قاراجاتتى الۋشىلار ەسىمدىگىنە ەنگىزىپ، جۇبايىنىڭ 10 مىڭ يۋانعا جۋىق ارناۋلى كومەك قاراجاتتان قايتالاي يگىلىكتەنۋىنە مۇمكىندىك جاسايدى. 2017-جىلى جەلتوقساندا، تۇرعىن تايىرگە پارتيا ىشىندە ەسكەرتۋ جازاسى بەرىلدى.
شەريا اۋداندىق ساياسي كەڭەس ارناۋلى كوميتەتىنىڭ بۇرىنعى مەڭگەرۋشىسى مامەتايسا ماتشەرىپتىڭ كەدەيلەردى سۇيەمدەۋ قويىنان بەلگىلەمەگە قايشى يگىلىكتەنۋ ماسەلەسى. 2014-جىلى قاراشادا، مامەتايسا ماتشەرىپ قىزمەتتەگى ىقپالىنان پايدالانىپ، الدىن الا قۇلاق قاعىس ەتۋ ارقىلى شارتقا تولمايتىن جۇبايىن كەدەي وتباسى قاتارىنا ەنگىزگەن، ءارى 2015-جىلى تامىزدا بەلگىلەمەگە قايشىلىق جاساپ كەدەيلەردى سۇيەمەلدەۋگە بەرىلگەن 5 قويدى العان. 2017-جىلى جەلتوقساندا، مامەتايسا ماتشەرىپكە پارتيا ىشىندە قاتاڭ ەسكەرتۋ جازاسى بەرىلدى.
كەريا اۋدانى سيەك اۋىلى شارۋا قىستاعى پارتيا ياچەيكاسىنىڭ بۇرىنعى شۋجيى جانە قىستاق تۇرعىندار كوميتەتىنىڭ مەڭگەرۋشىسى قادىر سايديدىڭ تۋىس-تۋعان، دوس-جاراندارىنا قامقورلىق جاساپ تيىمدىلىك جەتكىزۋ ماسەلەسى. 2014-جىلدان 2017-جىلعا دەيىن قادىر سايدي قىزمەت قولايلىلىعىنان پايدالانىپ، ساياساتقا ۇيلەسپەيتىن 11 تۋىس-تۋعانى مەن دوس-جارانىن ەڭ تومەنگى تۇرمىسى قامتاماسىزداندىرىلاتىندار قاتارىنا ەنگىزىپ، ولاردىڭ بەلگىلەمەگە قايشى 75 مىڭ 200 يۋاندىق ەڭ تومەنگى تۇرمىستى قامتاماسىزداندىرۋ قاراجاتىنان يگىلىكتەنۋىنە كومەكتەسكەن. مۇنان تىس، قادىر سايديدە باسقا دا تارتىپكە قايشى ماسەلەلەر بار ەكەن. 2017-جىلى جەلتوقساندا قادىر سايديگە پارتيادان شىعارۋ جازاسى بەرىلدى.
باي اۋدانى حەيىر اۋىلى قازانشى قىستاعى تۇرعىندار كوميتەتىنىڭ بۇرىنعى مەڭگەرۋشىسى تۇرعۇن قاسىمنىڭ تۋىس-تۋعان، دوس-جاراندارىنا قامقورلىق جاساپ تيىمدىلىك جەتكىزۋ ماسەلەسى. 2013-جىلى، تۇرعىن قاسىم قىزمەت قولايلىلىعىنان پايدالانىپ، وزىمەن قاتىناسى قويۋ م XX جانە ونىڭ ۇلى ا XX پەن كەلىنى ر XX وزدەرى سالعان 4 ءۇيدى حالىقتى اۋقاتتاندىرىپ بەيقۇت ءۇي سالۋ قاتارىندا جوعارىعا مالىمدەپ، ولاردىڭ حالىقتى اۋقاتتاندىرىپ بەيقۇت ءۇي سالۋعا بەرىلەتىن 58 مىڭ 100 يۋان كومەك قارجىسىن الۋىنا كومەكتەسكەن. 2017-جىلى قازاندا، تۇرعىن قاسىمعا پارتيا ىشىندە قاتاڭ ەسكەرتۋ جازاسى بەرىلدى.
اۆتونوميالى رايوندىق ءتارتىپ تەكسەرۋ كوميتەتى مىنانى تالاپ ەتتى: ءار دارەجەلى پارتيا ۇيىمدارى مەن قالىڭ پارتيالى كادرلار، وتە-موتە باسشى كادرلار پارتيا ورتالىق كوميتەتىنىڭ كەدەيلىكتەن قۇتىلدىرۋدان قامال الۋداعى شەشىم-ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكومنىڭ قىزمەت تالابىن مۇقيات تياناقتاندىرىپ، «ءتورت تانىمدى» بەرىك ورناتىپ، ساياسي تۇرعىنى جوعارلاتىپ، ساياسي جاۋاپكەرلىكتى كۇشەيتىپ، بەرىك ساياسي تاباندىلىق جانە ستراتەگيالىق تاباندىلىقپەن، قاتاڭ دا مۇقيات قىزمەت ستيلىمەن، كەدەيلىكتەن قۇتىلدىرۋدان قامال الۋ قىزمەتىنىڭ رەتىمەن ىشكەرلەي ورىستەتىلۋىن ىلگەرلەتۋ قاجەت. ءار دارەجەلى ءتارتىپ تەكسەرۋ، باقىلاۋ-تەكسەرۋ ورگاندارى پارتيا 19-قۇرىلتايىنىڭ جاڭا ورنالاستىرۋ، جاڭا تالاپتارى بويىنشا، كەدەيلەردى سۇيەمەلدەۋ سالاسىنداعى باقىلاۋ ءتارتىپتى اتقارۋ، جاۋاپكەرلىكتى قۋزاۋ ماسەلەلەرىن ماڭىزدى ساياسي مىندەت ەتىپ، ونى اناعۇرلىم كورنەكتى ورىنعا قويىپ، كەدەيلەردى سۇيەمەلدەۋ سالاسىنداعى جەمقورلىق پەن ستيل ماسەلەسىن ارناۋلى رەتتەۋ قىزمەتىن تىڭعىلىقتى ويداعىداي يگەرىپ، مۇلدە كەڭشىلىك ەتپەۋ، قاعىس قالاتىن وڭىر بولماۋ، جاپپاي قامتىۋعا تاباندى بولىپ، كەدەيلەردى سۇيەمەلدەۋ قارجىسى مەن قازىنا-مۇلكىنە قىزىعاتىن، قول سۇعاتىن ارەكەتتەردى باتىل قاتاڭ تەكسەرىپ ءبىر جايلى ەتىپ، مۇلدە كەڭشىلىك ەتپەۋ؛ مىندەتىن، جاۋاپكەرلىگىن ادا ەتپەگەندەردىڭ جاۋاپكەرشىلىگىن قاتاڭ قۋزاۋ، ءارى «ءبىر دەلونى ەكى تەكسەرۋدى» اتقارىپ، اۆتونوميالى رايوننىڭ كەدەيلەردى سۇيەمەلدەۋدەن قامال الۋ شايقاسىندا جاپپاي جەڭىسكە جەتۋىن ستيل جانە ءتارتىپ جاعىنان قامتاماسىز ەتۋ كەرەك.

بەرىپ كەت ورامالىڭدى

دوستار

الىستاعى اق ەركە