جاڭا حابارلار

قىستاقتا جالعاستى تۇرىپ، قىستاق تۇرعىندارىن كەدەيلىكتەن شىنايى قۇتىلدىرامىن

    كەلۋ قاينارى: شينجياڭ حالىق راديو ىستانسياسى    2018-01-15 18:43:50  
ستانسيامىز ءتىلشىسى حاميتتىڭ حابارىنا قۇلاق تۇرىڭىزدەر: بىلتىر جىل سوڭىندا، اۆتونوميالى رايوندىق حالىق ۇكىمەتى كەڭسەسىنىڭ قاشقار جاڭاشارى اۋدانى ارال اۋىلى حانشا قىستاعىنداعى قىزمەت اترەتىنىڭ باستىعى يىلحام احات ءبىرىنشى بولىپ ۇكىمەت كەڭسەسىنىڭ پارتگرۋپپاسىنا قىستاقتا تاعى ءبىر جىل تۇرۋ ءوتىنىشىن تاپسىردى.ونىڭ باستاماشىلدىعىندا، قالعان 4 مۇشە دە قىستاقتا تاعى ءبىر جىل تۇرۋدى ءوتىنىش ەتىپ، قىستاق تۇرعىندارىن ەرتەرەك كەدەيلىكتەن ارىلتۋدى جوسپارلادى.
«ءبىرىنشى مەرزىمدە 600 ادامدى، ەكىنشى مەرزىمدەگى قۇرىلىس بىتكەن سوڭ، 2 مىڭ ادامدى جاقىن ماڭداعى اۋىل-قالاشىقتاردا جۇمىسقا ورنالاستىرامىز ؛ كەلەسى قادامدا زاۆود رايونى ىشىنەن بالالار باقشاسىن سالامىز،بۇل ءبىزدىڭ بيىلعى نىسانامىز».
نەشە كۇننىڭ الدىندا، يىلحام احات اۋىلداعى كيىم-كەشەك فابريكاسىنا كوپ باردى...مۇندا 260 تان استام قىستاق تۇرعىنى تەحنيكالىق كۇرسىدە ونەر ۇيرەنىپ جاتقان بولاتىن، كۇرسى اياقتاعان سوڭ ولار تۇگەلدەي فابريكادا جۇمىسقا ورنالاستىرىلادى.قىستاق تۇرعىنى نۇرگۇل ابدىعىني مىنە وسىلاردىڭ ءبىرى، ول تىلشىگە بىلاي دەيدى: مەن وسىندا جۇمىسقا ورنالاساتىن بولعانىما وتە قۋانىشتامىن، ۇيىمە دە جاقىن بولدى.قىزمەت اترەتىندەگى كادرلار قىستاعىمىزدا تاعى ءبىر جىل تۇرادى ەكەن دەپ ەستىپ ەرەكشە قۋاندىم، ولار ءبىز ءۇشىن كوپتەگەن يگى جۇمىستار ىستەپ بەردى، ولارعا ايتار العىسىمىز كوپ.
قىزمەت اترەتىندەگىلەر قىستاقتا قالىپ قىزمەت ىستەۋدى، بۇقارا ءۇشىن كوبىرەك ناقتىلى ىستەر ىستەپ بەرۋدى كوپتەن بەرى ويلاپ كەلگەن ەدى.قىزمەت اترەتىنىڭ مۇشەسى اسقار احمەت قىستاقتا تۇرعاننان بەرى ديحاندار كەشكى مەكتەبىندە وقىتۋشى بولىپ، ديحاندارعا ورتاق ءتىل ۇيرەتىپ، زاڭ ساۋاتتارىن ۇگىتتەپ كەلەدى. تاياۋدا، ونىڭ تانىستىرۋىمەن، 12 وقۋشى اۋدانداعى شوفەرلىك مەكتەبىندە تەگىن ۇيرەنەتىن بولدى.ول: «مەنىڭ 200 نەشە وقۋشىمنىڭ كوبى 80-، 90-جىلداردىڭ تۇلەگى.مەنىڭ ويلايتىنىم ولاردىڭ كاسىپتەنۋى مەن كىرىسىن ارتتىرۋ ماسەلەسى.مەن قىستاقتا قالىپ ەرىكتىلەر قيمىلى مەن سۇيىسپەنشىلىك جەتكىزۋ قيمىلىن جان-جاقتىلى ورىستەتىپ،ولارعا جەتەكشىلىك ەتۋ»،-دەدى.
قىزمەت اترەتى كيىم-كەشەك فابريكاسىن اينالىمعا سالۋ، توڭازىتۋ قامباسىن سالۋ، قىستاقتا شوعىرلى باعىمشىلىق كاسىبىن دامىتۋ سياقتى جاڭا جىلدىڭ قىزمەت جوباسىن جاساۋمەن قاربالاستىققا ءتۇستى. قىزمەت اترەتىنىڭ باستىعى يىلحام احات: «بۇل ەرەكشە كەدەي قىستاق، مەملەكەت پەن اۆتونوميالى رايوننىڭ كەدەيلىكتەن قامال الۋ نىسانىنا بەرەتىن قارجىسى بار، مۇنى قىزمەت اترەتىندەگى كادرلاردى باستاپ بىر-بىرلەپ تياناقتاندىرامىز. 2019-جىلى قىستاقتى كەدەيلىكتەن قۇتىلدىرىپ، بىردە-ءبىر ادامدى قاعىس قالتىرماي، وسى مىندەتتى تولىق ورىنداعان سوڭ قايتامىز،»-دەدى.

بەرىپ كەت ورامالىڭدى

دوستار

الىستاعى اق ەركە