جاڭا حابارلار

ۇلتتار ىنتىماعىنىڭ باتىل جەبەۋشىسى جانە قورعاۋشىسى بولدى

    كەلۋ قاينارى: شينجياڭ حالىق راديو ىستانسياسى    2018-01-17 13:12:26  
«تيانشانعا ءمورال ساۋلەسى شاشىلدى» اتىنداعى اۆتونوميالى رايوننىڭ 5-كەزەكتى ءمورال ۇلگىلەرىنىڭ ىزگى ىستەرى جونىندەگى بەرىلىم بويىنشا ستانسيامىزدىڭ ءتىلىشىسى ايبىنعازى راحمان ۇلى مەن اقسۋ راديو ستانسيانىڭ ءتىلشىسى لي پۋدىڭ حابارىن تىڭداڭىزدار: 13-قاڭتار كەشتە، اۋات اۋدانى جاڭا ارىق اۋىلى سۋگەتارىق قىستاعى تۇرعىندار كوميتەتىنىڭ تۇرعىندار قيمىل ورتالىعىندا شىراقتار سامالاداي جايناپ، «ۇيعۇر باۋىرلاستارعا جازىلعان ويانۋ حاتىنىڭ» اۆتورى ــ اۋات اۋداندىق پارتكومنىڭ ورىنباسار شۋجيى، اۋدان اكىمى وبۇلقاسىم ءماتتۇرسىن قىستاق تۇرعىندارىنا پارتيا 19-قۇرىلتايىنىڭ رۋحى جونىندە ۇگىت-لەكسيا جۇرگىزدى، ول اۋات اۋدانىنا مىندەتكە تۇرعان جارىم جىلعا تاياۋ ۋاقىتتا، وسىنداي ۇگىت-لەكسيا قيمىلىن 60 نەشە رەت ورىستەتتى.
2017-جىلى ناۋرىزدا، وبۇلقاسىم ءماتتۇرسىن «ۇيعۇر باۋىرلاستارعا جازىلعان ويانۋ حاتىن» جازىپ، قالىڭ ۇيعۇر پارتيالى كادرلار مەن بۇقارانى «ءۇش ءتۇرلى كۇشتىڭ» جيىركەنىشتى شىنايى كەسپىرىن ايقىن تانىپ، وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن قورعاۋ جاۋاپكەرلىگىن بىرگە ارقالاۋعا ۇندەدى. اۋات اۋدانىنا مىندەتكە وتىرعاننان بەرى، وبۇلقاسىم ءماتتۇرسىن ۇنەمى دەمالىس كەزىنەن پايدالانىپ، اۋىل-قالاشىقتارعا، مەكەمە-ورىن، الەۋمەتتىك اۋماقتارعا بارىپ، ۇگىت-لەكسيا جۇرگىزىپ، نەگىزگى ساتىداعى كادرلار، ءدىني قايراتكەر، «80-، 90-جىلداردىڭ» تۇلەكتەرى، ايەلدەر قاۋىمى سياقتى بۇحارالىق توپتارعا سۋرەت پەن جازۋدى بىرلەستىرۋ فورماسىندا «ۇيعۇر باۋىرلاستارعا جازىلعان ويانۋ حات»، «پارتياعا العىس ايتا ءبىلۋ، پارتياعا ىلەسۋ»، «كادرلار باتىل ءۇن قاتىپ، ايقىن پوزيتسيا ءبىلدىرۋ»، «ءدىني ۇشقارى يدەيادان اۋلاق بولۋدى» باستى تاقىرىپ ەتكەن ۇگىت-لەكسيا ورىستەتتى. اۋات اۋداندىق پارتكومنىڭ تۇراقتى مۇشەسى، جاڭا ارىق اۋىلدىق پارتكومنىڭ شۋجيى جۇرات راحمان بىلاي دەدى: «وبىلقاسىم جولداس ءبىزدىڭ ۇلگىمىز، ۇيرەنەتىن ونەگەمىز. نەگىزگى ساتىداعى كادر سالاۋاتىممەن، مەن قاي-قاشاندا كەۋدە كەرىپ العا شىعىپ، ›ءۇش ءتۇرلى كۇشكە‹ باتىل ءۇن قاتىپ، ايقىن پوزيتسيا ءبىلدىرىپ، كوكىرەگى وياۋلاردان بولىپ، قالىڭ ەگىنشى-مالشى بۇقاراسىن جاراسىمدى، زاڭ-تارتىپكە بويسىناتىن وركەنيەتتى جاڭا داۋىرگە باستايمىن».
2017-جىلى جەلتوقساندا، وبۇلقاسىم ءماتتۇرسىن اۆتونوميالى رايوننىڭ 5-كەزەكتى ءمورال ۇلگىسى بولىپ باعالانادى، ول بىلاي دەدى: «ءمورال ۇلگىسى، پارتيا 19-قۇرىلتايى ۋاكىلى سالاۋاتىممەن، پارتيا 19-قۇرىلتايىنىڭ رۋحىن، پارتياعا دەگەن العىس سەزىمدى بۇقاراعا، ءسوز جوق، ۇگىتتەۋىم كەرەك، بۇل مەنىڭ مىندەتىم جانە جاۋاپكەرلىگىم. ۇگىت-لەكسيا جۇرگىزۋ ارقىلى ءار ۇلت بۇقاراسىن پارتيانىڭ قامقورلىعى مەن قولداۋىن، وتە-موتە، پارتيا ورتالىق كوميتەتىنىڭ شينجياڭعا ءمان بەرۋى مەن شينجياڭدى قولداپ-قۋاتتاۋىن تۇسىنۋگە اناعۇرلىم باستايمىن؛ ءار ۇلت بۇقاراسىنىڭ العىس ايتۋ تانىمىن جەتىلدىرىپ، كوپشىلىكتىڭ تىنىش، جاراسىمدى، ورنىقتى، كوركەم شينجياڭدى بىرگە قۇرۋىنا جەتەكشىلىك ەتەمىن».

بەرىپ كەت ورامالىڭدى

دوستار

الىستاعى اق ەركە