جاڭا حابارلار

نەگىزدى بەكەمدەپ، جۇرت جۇرەگىن ۇيىستىردى

    كەلۋ قاينارى: شينجياڭ حالىق راديو ىستانسياسى    2018-01-17 13:18:15  
ستانسيامىزدىڭ ءتىلشىسى لي ميڭ جازعان: «ءومىرى ارقىلى جاۋاپكەرلىكتىڭ داستانىن جازىپ، ادالدىقپەن ۇلەس قوسۋدىڭ وشپەس ۇلگىسى بولدى» دەگەن تاقىرىپتاعى جەلىلەس حاباردىڭ ەكىنشى ءبولىمىن تىڭداڭىزدار: حوتان اۋدانى حانارىق قالاشىعى توقاي قىستاعىنا العاش بارعاندا، حارنيسا ءماتتوحتى قىستاقتىڭ نەگىزىنىڭ ءالسىز، ەكونوميكالىق دامۋىنىڭ كەنجە قالعانىن بايقادى. قىستاق تۇرعىندار كوميتەتى مەن قىستاق پارتيا ياچەيكاسى باسشىلىق القاسىنىڭ نەگىزى ءالسىز، بىتىراڭعى، ۇيىسقىشتىق قۋاتى تومەن بولعاندىقتان، قىستاق ديحاندارى قىستاق كادرلارىنا نارازى-ەدى. قىستاق ديحانى سايدوللا روزى: «حارنيسا شۋجيى قىستاعىمىزعا كەلۋدەن بۇرىن، قىستاق كادرلارى قىزمەت ورنىنا كەلگىسى كەلسە كەلىپ، كەلگىسى كەلمەسە كەلمەيتىن، ءىس بىتىرەتىن كەزدە تابا المايتىنبىز، قىستاق ديحاندارى دا قىستاق تۇرعىندار كوميتەتىنە 15 تە 20 كۇندە ءبىر رەت كەلەتىن»،-دەدى.
حارنيسا ءماتتوحتى نەگىزگى ساتى ۇيىمىن كۇشەيتۋدى، بۇقارالىق قىزمەتتى ويداعىداي ىستەۋدى ماڭداي الدى ورىنعا قويىپ، ءبىر كۇندىك قىزمەت ءتۇزىمى، جاۋاپكەرلىگىن قۋزاستىرۋ ءتۇزىمى، سيلاۋ-جازالاۋ ءتۇزىمى جانە قاتاردان قالدىرۋ ءتۇزىمى سياقتى ءتۇزىم-تارتىپتەردى بەلگىلەپ، پارتيالى كادرلاردان مۇنى قاتاڭ اتقارۋدى تالاپ ەتتى. حوتان ايماقتىق پارتكوم پارتيا مەكتەبىنىڭ توقاي قىستاعىندا تۇرعان قىزمەت اترەتىنىڭ ۋاقىتىق ءبىرىنشى شۋجيى سۇن چيۋ بىلاي دەدى: «بەيجيڭ ۋاقىتى ساعات 10 دا قىزمەتكە شىعۋ ءتۇزىمىن قاتاڭ اتقارىپ، كوپشىلىكتىڭ ءبىر كۇندىك قىزمەتىنە ناقتىلى ورنالاستىرۋ جاساپ جانە جۇمىس ءبولىسىن تياناقتاندىردى، ءار كۇنى كەشكى ساعات 8 دە ءبىر كۇندىك قىزمەتتەن شاعىن قورتىندى جاسادى. مۇنان سىرت، قىستاق كادرلارىنا ستيل جاعىندا تالاپ قويىپ، بۇقارانىڭ تيىمدىلىگىن يەمدەنىپ، باسقالاردان بەتالدى پايدا الماۋدى قاتاڭ ەسكەرتتى».
حارنيسا ءماتتوحتى تاعى ۇنەمى ديحان وتباستارىن ارالاپ، ولاردىڭ قينشىلىعىن، ارمان-تىلەگىن ۇعىسىپ، ماسەلەنى دەركەزىندە شەشتى؛ ەگىس اتىزدارىن ارالاپ، پارتيانىڭ حالىققا تيىمدىلىك جاساۋ ساياساتىن ۇگىتتەدى؛ ءار جۇما پارتيا مۇشەلەرىنىڭ ۇيرەنۋ تاربيەسىن، ءار بەيسەنبى ءدىني قايراتكەرلەرمەن كەڭەسۋ، ءار سارسەنبى كەشكى ۇيرەنۋ كلاسىن اشۋ سياقتى تۇراقتى قىزمەتتەردى ورىستەتۋگە تاباندى بولدى؛ قىستاق كادرلارىن باستاپ، كىرىستى ارتتىرۋ، حالىقتى اۋقاتتاندىرۋ دامۋ جوباسىن بەلگىلەدى؛ جان-جاقپەن سەلبەسىپ، قىستاق ديحاندارىنا ناقتىلى، جاقسى ىستەر ىستەدى. ءبىر جىلعا جۋىق ۋاقىت قاجىرلىلىقپەن بوداۋ بەرۋدىڭ ارقاسىندا، توقاي قىستاعىنىڭ قوعامدىق جاعدايىن باسقارىپ مەڭگەرۋ ءونىمدى بولىپ، بۇقارانىڭ قينشىلىعى، ارمان-تىلەگى دەركەزىندە شەشىلىپ، قىستاق ديحاندارىنىڭ رۋحى بارىنشا سەرپىلدى. ماھرنيسا ۇبۇلقاسىم ـــ حارنيسا ءماتتوحتى باۋلىعان تۇڭعىش حالىق اراسىنان شىققان قاراپايىم ايەل ۇگىتشى، ول تىلشىگە: «بۇرىن مەن ءوزىمدى جاي اۋىل-قىستاق ايەلىمىن دەپ عانا ويلايتىنمىن، وبرازىما دا كوڭىل بولمەيتىنىمىن. حارنيسا شۋجيمەن تانىسقاننان كەيىن، ايەلدەردىڭ، ءسوز جوق، ءىس-ارەكەتى ارقىلى ءوز قۇنىن جۇزەگە اسىرۋى كەرەكتىگىن ۇعىندىم. ول ماعان قاراپايىم دا ۇعىنىقتى تىلمەن ويداعىداي ۇگىت جاساۋدىڭ ءادىسىن ۇيرەتتى، الدا قۇلشىنا ۇيرەنىپ، ءبىلىمىمدى تولىقتىرىپ، ۇگىت قىزمەتىن ويداعىداي ىستەپ، ناقتىلى ارەكەتىم ارقىلى وعان راحىمەت ايتامىن،»-دەدى.
2017-جىلدىڭ سوڭىندا، توقاي قىستاعى نەگىزگى ساتى پارتيا ۇيىمىنىڭ نەگىزى ءالسىز، بىتىراڭعى بولۋ قالپاعىن ءساتتى الىپ تاستادى. حوتان ايماقتىق پارتكوم پارتيا مەكتەبىنىڭ توقاي قىستاعىندا تۇرعان قىزمەت اترەتىنىڭ ۋاقىتتىق ءبىرىنشى شۋجيى سۇن چيۋ بىلاي دەدى: «جىل سوڭىندا، قىستاعىمىزداعى 25 ادام پارتياعا كىرۋ ءوتىنىشىن بەردى، قىستاق باسشىلىق القاسىنىڭ ۇيىسقىشتىق قۋاتى بارىنشا ارتتى، نەگىزى ءالسىز، بىتىراڭعى بولۋ قالپاعى الىندى، بۇقاراعا شىنىمەن ناقتىلى ىستەر ىستەدىك».

بەرىپ كەت ورامالىڭدى

دوستار

الىستاعى اق ەركە