جاڭا حابارلار

جاپپاي دوڭگەلەك داۋلەتتى قوعام قۇرۋ شايقاسىنىڭ نەگىزىن بەكەمدەۋگە كۇش سالامىن

    كەلۋ قاينارى: شينجياڭ حالىق راديو ىستانسياسى    2018-01-29 17:08:13  
ستانسيامىزدىڭ ءتىلشىسى ديڭ شياۋدان مەن لوپ راديو ستانسياسىنىڭ ءتىلشىسى ابىلەمەت تۇرعىننىڭ حابارىن تىڭداڭىزدار: اۆتونوميالى رايوندىق قازىنا مەڭگەرمەسى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باس جەتەكشىسى، لوپ اۋدانى لوپ قالاشىعى ءدۋات قىستاعىندا تۇراتىن ءبىرىنشى شۋجي، قىزمەت اترەتىنىڭ باستىعى ۋاڭ يانلۋ قىستاقتا تۇرعان ەكى جىلدا، لوپ قىستاعىنا قويۋ سۇيسپەنشىلىك ورناتتى، ول ءارى-ءسارى بولماستان تاعى ءبىر رەت قىستاقتا تۇرۋ جولىن تاڭدادى.
ۋاڭ يانلۋ: بۇل بيىلعى تۇڭعىش رەتكى سيلىق اقشا تاراتۋ، قاز باعىپ تۇڭعىش رەت وسىنشا كوپ اقشاعا يە بولدىڭ، قۋانعان بولارسىڭ؟ قوس قولىڭعا سۇيەنىپ كەدەيلىكتەن قۇتىلىپ اۋقاتتانۋىڭ كەرەك،-دەدى.
19-قاڭتار تۇستەن بۇرىن ساعات 11 دە، لوپ اۋدانى دول اۋىلى سارى قىستاعىنداعى ەكولوگيالىق قاز باعىمشىلىعى ۇلگى بازاسى دۋمانعا بولەندى. اۆتونوميالى رايوندىق قازىنا مەڭگەرمەسى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باس جەتەكشىسى ۋاڭ يانلۋ قىستاقتاعى كەدەي، وتباسىندا قينشىلىعى بار 32 ديحانعا بيىلعى ەكولوگيالىق قاز باعىمشىلىعى ۇلگى بازاسىنىڭ تۇڭعىش رەتكى سيلىق اقشاسىن تاراتتى، اقشاعا يە بولعان قىستاق ديحاندارى ەرەكشە قۋاندى. ديحان ماڭنىسا نۇرمامەت: وتكەن جىلى جەلتوقساننىڭ باسىندا، اۆتونوميالى رايوندىق قازىنا مەڭگەرمەسىنىڭ قىستاعىمىزدا تۇرعان قىزمەت اترەتى ماعان 32 قاز بەرگەن بولاتىن، ولاردى 50 كۇن باقتىم، بۇگىن ءبىر مىڭ 250 يۋان سيلىق اقشا الدىم، الدا تاعى قازدى ۇزدىكسىز جاقسى باعامىن. قىزمەت اترەتىنە راحىمەت، كەدەيلىكتەن قۇتىلىپ، اۋقاتتانۋعا سەنىمىم كامىل،-دەدى.
ەكى جىلدان بەرى، جوبالاۋ، نىسان قاراستىرۋ، ساياساتتى تياناقتاندىرۋ سياقتى قىستاق ديحاندارىنىڭ مۇددەسىنە قاتىستى بارلىق ىسكە ۋاڭ يانلۋ بەل شەشە ارالاستى. لوپ اۋدانى لوپ قالاشىعى ءدۋاپ قىستاعىنىڭ ديحانى ابدىرەيىم مامەتيمىن: بىزگە توعان قازىپ بەرىپ، تاس جول جاساپ، جول شىراعىن ورناتىپ، قوبىر سۋىن جەتكىزىپ بەردى. كەدەي، قينشىلىعى بار وتباسىلارىنا ەرەكشە كوڭىل بولەدى. قىستاعىمىزدا كىلەم زاۆودتى، باعىمشىلىق سەلبەستىك كوپەراتيۆبى جاڭادان قۇرىلدى. بۇرىن ۋاڭ يانلۋ اعاي قىستاقتا تۇرۋ مەرزىمى تولعاننان كەيىن، قايتىپ كەتەدى عوي دەپ ويلاپ، كوڭىلىمىز جابىرقاعان ەدى. كەيىن قىستاقتا جالعاستى تۇراتىن ەستىپ، بارلىعىمىز قۋاندىق، الدا ۋاڭ يانلۋ اعايعا ىلەسىپ جاقسى ىستەيمىز،-دەدى.
ۋاڭ يانلۋدىڭ جەتەكشىلىگىندە، 2017-جىلى اۆتونوميالى رايوندىق قازىنا مەڭگەرمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى باۋ-يۋان ەلەكتروندىق عىلىم-تەحنيكا شەكتى سەرىكتەستىگىنىڭ ءتورت بولىمشە زاۆودتىن قۇرىپ، 400 دەن ارتىق قىستاق ديحانىن وسى ارانىڭ وزىندە كاسىپتەندىرۋمەن بىرگە، دول اۋىلى حالۋاپ قىستاعىندا ديحاندارعا ءتيىمدى ۇيرەك باعۋ زاۆودتى، 300 مۋلىق ۇيرەك باعۋ كاسىپتىك بازاسى، 420 مۋلىق باعىمشىلىق بازاسى سياقتى ەرەكشە اۋىل شارۋاشىلىق ەگىنشىلىك، باعىمشىلىق بازاسىن قۇرىپ، سەرىكتەستىك، سەلبەستىك كوپەراتيۆى، عىلىم-تەحنيكا، ديحاندار ءوزارا بىرىككەن فورمادان پايدالانىپ، قىستاق ديحاندارىنىڭ بەلسەندىلىگىن جۇمىلدىرىپ، كومەك بەرۋدى جۇمىس تاۋىپ بەرۋگە وزگەرتىپ، ۇكىمەتتىڭ قوسقان قارجىسىنىڭ ءىشىناراسىن ەڭبەك قۋاتى جوق ۇكىمەتكە سۇيەنەتىن كەدەي، قينشىلىعى بار وتباستارىنا بەيىمدەپ، سيلىق اقشا تاراتىپ، وسى ارقىلى كەدەيلەردى دالمە-ءدال سۇيەمەلدەۋدى، دالمە-ءدال كەدەيلىكتەن قۇتىلۋدى جالپىلاستىردى.
جاقىنان بەرى، ۋاڭ يانلۋ قۇرىلىس ورنىنا بارۋمەن قاربالاستانىپ، ۇيرەك باعىمشىلىق بازاسىن سالۋمەن بولدى. ول 2018-جىلى شينجياڭ بويىنشا تۇڭعىش «ەگىس اتىزى امبەباب تۇلعاسى» كەدەيلەردى دالمە-ءدال سۇيەمەلدەۋ كاسىپ باقشاسىن قۇرىپ، لوپ اۋدانىنداعى 80 مىڭ كەدەي، قينشىلىعى بار وتباسىنىڭ كەدەيلىكتەن قۇتىلىپ، اۋقاتتانۋىنا تىڭ جول قاراستىرۋدا ەكەندىگىن ايتا كەلىپ، بىلاي دەدى: اۆتونوميالى رايوندىق قازىنا مەڭگەرمەسى كادرلارىنىڭ بارلىعى لوپ اۋدانىنا تەرەڭ سۇيسپەنشىلىك ورناتتى. قىزمەت اترەتىنىڭ باس جەتەكشىسى رەتىندە، 12 قىزمەت اترەتىن نازاردى باس نىساناعا شوعىرلاندىرۋعا باستايمىن. ءبىز ساياساتتى جەتەكشى، كاسىپتى تىرەك ەتۋ نەگىزىندە، 50 مىڭ ۇيرەك باعۋ كولەمىن قالىپتاستىرىپ، ازىقتىق ساڭىراۋقۇلاقتىڭ كۇندىك ءونىم مولشەرىن 120 مىڭعا جەتكىزىپ، ۇيرەك باعىمشىلىق كاسىبىن ەنگىزىپ، وسى ءۇش كاسىپتى ءبىر جەرگە ورنالاستىرىپ، «ەگىس اتىزى امبەباب تۇلعاسى» ارقىلى كەدەيلەردى دالمە-ءدال سۇيەمەلدەۋ كاسىپ باقشاسىنىڭ ورنىن تۇراقتاندىرامىز. مەن تاعى 12 قىزمەت اترەتىن تىزە قوسا وتىرىپ كۇرەس جاساۋعا بەلسەنە باستاپ، جاپپاي دوڭگەلەك داۋلەتتى قوعام قۇرۋ شايقاسىنىڭ نەگىزىن بەكەمدەۋگە كۇش سالامىن، بۇل جاعىندا سەنىمىم بار.

بەرىپ كەت ورامالىڭدى

دوستار

الىستاعى اق ەركە