جاڭا حابارلار

نەگىزگى ساتىدا تامىر تارتىپ، ءبىر نيەتتە حالىق ءۇشىن باقىت جاراتايىق

    كەلۋ قاينارى: شينجياڭ حالىق راديو ىستانسياسى    2018-01-31 12:20:18  
جيناق حابارعا نازار سالىڭىزدار: بيىل پارتيا 19-قۇرىلتايىنىڭ رۋحىن دايەكتىلەندىرەتىن باستاما جىل، رەفورما جاساپ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام قۇرۋدا شەشۋشى جەڭىسكە جەتىپ، «13-بەسجىلدىق» پلاننىڭ باس اياعىن ۇلاستىرۋداعى شەشۋشى ءبىر جىل. رايونىمىزداعى ءار ۇلت پارتيالى كادرلارى مەن بۇقاراسىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە پارتيا 19-قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ءوز قىزمەت ورنىندا قۇلشىنا كۇرەس جاساعان جاندى ءامالياتىن تولىق بەينەلەدى.
30-قاڭتار رايونىمىزدىڭ 2018-جىلعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاققا بارعان قىزمەت اترەتى جانە ەرەكشە كەدەي قسىتاقتاردىڭ ءبىرىنشى شۋجيلەرى تىڭ ساپار باستاپ، ىلگەرىندى-كەيىندى قىزمەت ورنىدارىنا باردى. كوپشىلىك ساپاردا شارشاپ-شالدىققانىنا قاراماستان، جۇگىن قويا سالىسىمەن، دەرەۋ جاعدايدى تەكسەرىپ ۇعىسىپ، جاڭا ءبىر كەزەكتى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرۋ قىزمەتىن باستاپ كەتتى.
ءبىر ساعات 40 مينۋت ۋاقىت ايروپلانمەن ۇشقان جانە ەكى ساعاتتان استام اۆتوموبيلمەن جول باسقان كەريا اۋدانى مۇعاللا قالاشىعى كوكەرىن قىستاعىنىڭ ءبىرىنشى شۋجيى، شينجياڭ اۋەجاي توبى شەكتى جاۋاپكەرلىك سەرىكتەستىگى ءۇرىمجى اۋەجاي بولىمشە سەرىكتەستىگىندەگى حۋاڭ شۋەاۋ اقىرى تۇستەن كەيىن ساعات 7 دەن 15 مينۋت وتكەندە قىستاققا باردى. ول تىنىم تاپپاي ەڭ الدىمەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق جاعدايىن ۇعىسۋ» بويىنشا قسىتاققا تۇرعان قىزمەت اترەتىمەن جانە قىستاق كادرلارىمەن كەزدەسىپ، وسى قىستاقتىڭ نەگىزگى جاعدايىن ۇعىستى. كوكەرىن قىستاعى قاراستى مۇعاللا قالاشىعى كەريا اۋدانىنىڭ شەتىندە، سوڭعى جىلدارى «قۇربان ەرەكشە قالاشىعىن» قۇرۋدى جوسپارلاۋدا. وسى اراعا تۇڭعىش كەلگەن حۋاڭ شۋەاۋ تىلشىگە: «مەن بۇرىن اۋەجايدا قىزمەت وتەۋ قىزمەتىمەن شۇعىلداندىم، قىزمەت وتەۋدىڭ يدەياسى مەن ولشەمىن بۇدان كەيىن قىستاق تۇرعىندارىنا قولدانىپ، پارتيالىق جانە بۇقارالىق قىزمەتتى جاقسى ىستەپ، قىستاق تۇرعىندارى ۇناتاتىن قيمىلداردى وتكىزىپ، جوعارى ولشەمدەگى قىزمەت وتەۋ يدەياسىن باستان-اياق ەنگىزىپ، نەگىزگى ساتى پارتيا ۇيىمىن كۇشەيتەمىن»-دەدى.
«نەگىزگى ساتىنى، نەگىزدى مىقتى يگەرۋدى شينجياڭدى ورنىقتىرۋدىڭ، حاۋىپسىز ەتۋدىڭ ۇزاق بولاشاقتىق جوسپارى جانە ءتۇبىرلى شاراسى ەتۋ قاجەت»، « اۋىلداستاردى ماگىنيتتەي ۇيىستىرۋ قاجەت». باس شۋجي شي جينپيڭنىڭ شينجياڭدا قىزمەت تەكسەرگەندە جانە ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ماجىلىسىندە ايتقان ماڭىزدى سوزدەرىنىڭ رۋحى، سونداي-اق لوپنۇر اۋدانى شيڭپيڭ اۋىلى داشي قىستاعى پارتيا ياچەيكاسىنىڭ شۋجيى ساۋىر ماڭلىك پەن بارلىق قىستاق تۇرعىندارىنا قايتارعان ماڭىزدى حاتى، نەگىزگى ساتى شينجياڭ قىزمەتىنىڭ باستى قامال الۋ بەتالىسى ەكەندىگىن ايقىندادى. مەيلى پارتيا مەن مەملەكەتتىڭ ورنىقتى دامۋ جالپى جاعدايىن يگەرۋ نەمەسە شينجياڭ قىزمەتىنىڭ ناقتىلى جەتەكشىلىگى بولسىن، بارلىعى باس شۋجي شي جينپيڭنىڭ ەل باسقارۋداعى: ەلدى تىنىشتاندىرۋدا نەگىزگى ساتى ماڭداي الدى ورىندا تۇرادى، پارتيانى باسقارۋدىڭ، جونگە سالۋدىڭ تەتىگى نەگىزگى ساتىدا،-دەگەن ايقىن بەتالىسىن بەينەلەدى.
سوڭعى جىلداردان بەرى، اۆتونوميالى رايوندىق پارتكوم نەگىزگى ساتى نەگىزىن ۇزدىكسىز بەكەمدەپ جانە كۇشەيتىپ، باس نىسانانى ارقاۋ ەتىپ، نەگىزگى ساتى پارتيا قۇرىلىسى قىزمەتىن جوسپارلادى جانە ىلگەرلەتتى. « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرۋ قىزمەتىن ىلگەرلەتۋ ارقىلى ءار دارەجەلى پارتكومداردىڭ باسشىلىق ۇيتقىلىق رولى مەن نەگىزگى ساتى پارتيا ۇيىمىنىڭ شايقاس قامالىندىق رولىن ساۋلەلەندىرىپ، پارتيا مۇشەلەرىنىڭ اتويشىلدىق، ونەگەلىك رولى مەن باسشى كادرلاردىڭ تىرەكتى جەتەكشىلىك رولىن ساۋلەلەندىردى.
اۆتونوميالى رايوندىق پارتكوم مىنانى ۇيعاردى: 2017-جىلعى قىستاقتا تۇرۋ قىزمەتىنىڭ نەگىزگى تۇلعالىق كۇشى--ءۇرتىس ءۇش جىل تۇرىپ، « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىسترۋ» بويىنشا قىستاقتا تۇرۋ قىزمەتىنىڭ ۇدايلىلىعى مەن ورنىقتىلىعىنا كەپىلدىك ەتەدى. بيىل، تۇتاس رايونىمىزدان جالپى 12 مىڭ قىزمەت گرۋپپاسىنان 74 مىڭ كادر قىستاقتا تۇرۋ قىزمەتىنە قاتىناسىپ، تۇتاس رايونىمىزدىڭ قالا-اۋىلىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرۋ قىزمەتىنىڭ باقىلاۋسىز جەر، قاراۋسىز ساڭلاۋ، قاداعالاۋسىز بوستىق بولماۋىن جۇزەگە اسىردى. ءپايزاۋات اۋدانى قىزىلسۋ اۋىلى باعارىق قىستاعىنا بارىپ، ءبىرىنشى شۋجيلىق مىندەتتى اتقارعان اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسى ورگانى قىزمەت وتەۋ ورتالىعى پارتيا ياچەيكاسىنىڭ شۋجيى ۋاڭ يان، «پارتيا 19-قۇرىلتايىنىڭ بايانداماسىن ۇيرەنۋ كىتاپشاسى»، «جۇڭگو كوممۋنيستك پارتياسىنىڭ ۆستابى»، «شي جيىنپيڭ ەل باسقارۋ جونىندە» اتتى كىتاپتىڭ 2-تومى سياقتى كوپتەگەن ۇيرەنۋ ماتەريالدارى مەن كىتاپتاردى ارناۋلى تاسىمالدادى. ول: «بۇرىلىس جاساۋ ــــ بۇقاراعا قانشالىق قىزعىندىلىق كورسەتۋدە، قىزمەتتى شىن ىقىلاسپەن ىستەۋدە بەينەلەدى، وسىدان بۇقارانىڭ پارتيا ۇيمىنىڭ مەيىرىن، جاساعان ناقتى تيىمدىلىگىن سەزىنۋىنە كەپىلدىك ەتۋگە بولادى. قىزمەت ورنىنا بارعاننان كەيىن، الدىڭعى كەزەكتەگىلەردىڭ كوپتەگەن قىزمەتتەرىن جالعاستىرامىز، سونىمەن بىرگە دەڭگەيىمىزدى ۇزدىكسىز جوعارىلاتىپ، شىن پەيىلمەن، حالىق ءۇشىن ناقتى ىستەر ىستەۋدەن باستاپ، ءتۇرلى كۇشتەردى توعستىرىپ، ءتۇرلى كۇشتەردىڭ رولىن ساۋلەلەندىرىپ، كۇشتى شوعىرلاندىرىپ، كۇشتى ءبىر جەرگە جۇمىلدىرۋىمىز قاجەت، سوندا عانا ءتۇرلى قىزمەتتىڭ ءساتتى ورىستەتىلۋىنە كەپىلدىك ەتە الامىز»،-دەدى.
پارتيانىڭ باستى ماقساتى ـــــ بار ىنتا-پەيىلىمەن حالىق ءۇشىن قىزمەت ەتۋ. باس شۋجي شي جينپيڭ بىلاي دەپ اتاپ كورسەتتى: بۇقارالىق قىزمەتتى بەتپە-بەت، جانكۇيەرلىكپەن، شىنايى ىستەپ، حالىقتىڭ مۇڭ-مۇقتاجىن، حال-جاعدايىن كوكەيگە توقىپ، قيىن-قسىتاۋ كەزدە دەمەۋ بولىپ، ءىس جۇزىندىك قيىنشىلىعىن شەشۋ، بۇقارا ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن، ەڭ قيىن، ەڭ كوكەيتەستى ماسەلەسىن تىڭعىلىقتى شەشۋ كەرەك.
اۆتونوميالى رايوندىق ورمان شارۋاشىلىق مەڭگەرمەسىنەن اقسۋ قالاسى ايكول قالاشىعى تومەنگى تىگىن قىستاعىنا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتىمەن ەندى عانا بارعان قىزمەت اترەتىنىڭ باستىعى يۋان حۇڭ قىستاقتا تۇراتىن الدىڭعى كەزەكتى قىزمەت اترەتىنىڭ باستىعىمەن اڭگىمەلەسىپ، قىستاقتىڭ نەگىزگى احۋالىنان تارتىپ، قازىرگى قىزمەت ورىستەتۋدەگى قيىن تۇيىندەرگە دەيىن ىشكەرلەي تىڭعىلىقتى ۇعىستى. «ءبىرىنشى، قوعام ورنىقتىلىعى قىزمەتىن قورعاۋدى مىقتى يگەرۋدە قىستاق تۇرعىندارىن باس نىسانانى شىنايى دايەكتىلەندىرىپ، باس نىسانانى تياناقتاندىرۋعا ءناسيحاتتاۋ جانە جەتەكشىلىك ەتۋ. ەكىنشى، ۇگىت قىزمەتىن مىقتى يگەرۋدە پارتيا 19-قۇرىلتايىنىڭ رۋحىن ءار ءبىر وتباسىنا دەيىن ۇگىتتەپ، بارلىق وتباسىنا جالپىلاستىرۋ. ءۇشىنشى، دالمە-ءدال كەدەيلىكتەن قۇتىلدىرۋ قىزمەتىن جاقسى ىستەۋ. ءتورتىنشى، بۇقارانىڭ مادەنيەت قيمىلىن بايىتۋ كەرەك».
كۇشار اۋدانى ىشقىلا قالاشىعى شامالباع الەۋمەتتىك اۋماعىندا 3 مىڭ 214 جان سانى بار، كىسى باسىنا تۋرا كەلەتىن جەر ءبىر مۋعا دا جەتپەيدى. بيىل قىستاقتا تۇرعانىنا 4 جىل تولاتىن كۇشار اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنەن « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتىمەن قىستاقتا تۇرعان قىزمەت اترەتىنىڭ باستىعى ياسىن ءانۋار جاڭا جىلداعى قىزمەتى جونىندەگى جوسپارىن ايتا كەلىپ: بيىلعى جوسپارىم قۇرىلعى اۋىل شارۋاشىلىعىن الۋەتتەندىرىپ، باعىمشىلىقپەن شۇعىلداناتىن وتباسىلارىن ۇيىمداستىرىپ، كوپەراتيۆ قۇرىپ، ديحانداردىڭ كىرىسىن ارتتىرۋ. قىستاقتا جالعاستى 3 جىل تۇرىپ، بۇكىل ەل حالقىمەن بىرلىكتە دوڭگەلەك داۋلەتتى دەڭگەيگە جەتۋگە كۇش سالامىن.
پارتيانىڭ ستيلى ـــــ پارتيانىڭ وبىرازى، پارتيا مەن بۇقارانىڭ، كادرلار مەن بۇقارانىڭ قاتىناسىن بايقاپ، جۇرتتىڭ جاقتاۋ-جاقتاماۋىنا يە بولۋدىڭ تارازىسى. باس شۋجي شي جينپيڭ بىلاي دەپ اتاپ كورسەتتى: پارتيانىڭ ستيلى تۋرا، حالىقتىڭ پيعىلى دۇرىس بولعاندا عانا پارتيا مەن حالىق راحاتتا دا، جاپادا دا بىرگە بولادى. اۆتونوميالى رايوندىق ساياسي كەڭەس ورگانىنان مارالباسى اۋدانى داۋلەتباق اۋىلى اياققى قارا كۇلنور قسىتاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەسى جوۋ جيەنىڭ كەشە قىستاقتا تۇرعان ەڭ سوڭعى كۇنى بولاتىن، بۇگىن ول كىشى توبە قىستاعىنا بارىپ، ءبىرىنشى شۋجي مىندەتىن وتەمەكشى. ول تىلشىگە: ەرەكشە كەدەي قسىتاقتىڭ ءبىرىنشى شۋجيى مىندەتىن ويداعىداي تياناقتاندىرامىن، ءتۇرلى كۇشتەردى ءبىر تۇتاس جوسپارلاپ، پارتيا قۇرىلىسىن مىقتى يگەرۋ ارقىلى ورنىقتىلىقتى، كەدەيلىكتەن قۇتىلدىرۋدى ىلگەرلەتىپ، ءتۇرلى قىزمەتتى تىڭ دەڭگەيكە كوتەرەمىن،-دەدى.

بەرىپ كەت ورامالىڭدى

دوستار

الىستاعى اق ەركە