جاڭا حابارلار

ءبىزدىڭ جۇڭگو ارمانىمىز ــ مادەنيەتتى وتباسىلارىنا جەتكىزۋ اتىنداعى قيمىل قاشقار ايماعىندا ءوتتى

    كەلۋ قاينارى: شينجياڭ حالىق راديو ىستانسياسى    2018-02-01 18:33:39  
ستانسيامىزدىڭ ءتىلشىسى حاميتتىڭ، مارالباسى راديو ستانسياسىنىڭ ءتىلشىسى رىزۋانگۇلدىڭ حابارىن تىڭداڭىزدار: 29-قاڭتار، شينجياڭ جازۋشىلار قوعامى مەن شينجياڭ ادەبيەت-كوركەمونەر سىنشىلارى قوعامى مارالباسى اۋدانىندا «تۇرعىندارعا ارناپ ولەڭ وقۋ» اتىنداعى ولەڭ وقۋ قيمىلىن ورىستەتىپ، اۆتونوميالى رايوننىڭ «ءبىزدىڭ جۇڭگو ارمانىمىز ــ مادەنيەتتى وتباسىلارىنا جەتكىزۋ» اتىنداعى قيمىلدىڭ قاشقار ايماعىنداعى قيمىلىنىڭ شىمىلدىعىن اشتى.
مارالباسى اۋدانى مارالباسى قالاشىعىنىڭ دوستىق الەۋمەتتىك اۋماعىندا، 15 ونەرپاز قاقاعان ايازعا قاراماي، «كورىكتى شينجياڭ»، «ىنتىماق جىرى»، «توراڭعىنى جىرلاۋ » سياقتى ءداۋىر رۋحىن ايگىلەيتىن، تاماشا تۇرمىستى القايتىن جىرلاردى وقىپ، كورەرمەندەردىڭ قىزۋ قارسى الۋىنا يە بولدى. الەۋمەتتىك اۋماقتىڭ تۇرعىنى ادالات قادىر بىلاي دەدى: «ولار ولەڭ-جىر ارقىلى كوركەم مەكەنىمىزدەگى وزگەرىستەردى جەتكىزدى، وسىنىڭ ءبارى ءبىزدىڭ تۇرمىسىمىزدا بولعان ناقتىلى وزگەرىستەر، ەرەكشە جاقىن سەزىلدى».
قيمىل وتكىزىلگەن جەردە، ونەرپازدار تاعى كورەرمەندەردى ساحناعا شىعىپ بىرگە ولەڭ وقىپ، ونەر كورسەتۋگە ۇسىنىس ەتتى. ونەرپازدارمەن بىرگە ساحناعا شىعىپ، ولەڭ وقىعان اۋىلىنا قايتقان ستۋدەنت ءدىلنۇر ءالي تىلشىگە بىلاي دەدى: «ايگىلى اقىن-جازۋشىلارمەن جۇزدەسىپ، ولارمەن بىرگە ساحنادا ولەڭ وقىعانىما ءوزىمدى ەرەكشە باقىتتى سەزىندىم. قازىرگى زاماننىڭ ستۋدەنتى سالاۋاتىممەن، بۇدان كەيىن اناعۇرلىم قۇلشىنا ۇيرەنىپ، ءبىلىمىمدى مولىقتىرا تۇسپەكپىن».
شاعان كەزىندە، «ءبىزدىڭ جۇڭگو ارمانىمىز ــ مادەنيەتتى وتباسىلارىنا جەتكىزۋ» اتىنداعى قيمىل بويىنشا تاعى قاشقار ايماعىنىڭ باسقا اۋدان، قالالارىندا ولەڭ وقۋ، ادەبيەت-كوركەمونەر ويىنىن قويۋ، كينو قويۋ سياقتى قيمىلدار وتكىزىلەدى. اۆتونوميالى رايوندىق ادەبيەت-كوركەمونەرشىلەر بىرلەستىگى شينجياڭ جازۋشىلار قوعامىنىڭ ورىنباسار ءتوراعاسى ءدىلمۇرات تالەت بىلاي دەدى: «شينجياڭ جازۋشىلار قوعامى، سىنشىلار قوعامى سياقتى اۆتونوميالى رايوندىق ادەبيەت-كوركەمونەرشىلەر بىرلەستىگىنىڭ قوعامدارى، بۇدان كەيىنگى قىزمەتتە اناعۇرلىم باي مازمۇندى قيمىلداردى ۇيىمداستىرىپ، نەگىزگى ساتىعا بارىپ، قيمىلدى ءتىپتى ويداعىداي ورىستەتەدى».

بەرىپ كەت ورامالىڭدى

دوستار

الىستاعى اق ەركە