جاڭا حابارلار

قاقاعان قىستاعى شۇعىل قۇتقارۋ

    كەلۋ قاينارى: شينجياڭ حالىق راديو ىستانسياسى    2018-02-02 12:02:56  
جىڭ اۋداندىق راديو ستانسياسىنىڭ ءتىلشىسى گۋ جيانلەيدىڭ حابارىن تىڭداڭىزدار: بىرنەشە كۇننەن بەرى، جىڭ اۋدانىندا اۋا تەمپەراتۋراسى نولدەن تومەن 30 نەشە سەلتسي گرادۋسقا ءتۇستى. جىڭ اۋدانى تاقيا قالاشىعى حۇسۇمشى قىستاعىنداعى مالشى تولەۋبەك مال باعىپ جۇرگەندە توسىننان قانداعى قانت قۇرامنىڭ تومەندەۋى سەبەبىنەن جىعىلىپ، ۇيىندەگىلەرمەن حابارسىز قالادى. «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇراتىن قىزمەت اترەتىندەگىلەر، سونداي-اق قىستاق كادرلارى 8 ساعات شۇعىل ىزدەۋ ارقىلى، اقىرى وسى مالشىنى تاۋىپ، ونى قۇتقارىپ قالدى.
30-قاڭتار تۇستەن كەيىن ساعات التى، ىمىرت ءۇيىرىلىپ كەلەدى، حۇسۇمشى قىستاعىنىڭ مالشىسى ىرىسجان قۇسىماي قىزى ۇيىندە سابىرسىزدانا كۇتۋدە. جايشىلىقتا وسى ۋاقىتتا، جۇبايى تولەۋبەك قويلارىن ايداپ قايتىپ كەلەتىن، ءبىراق قازىرگە دەيىن ونىڭ قاراسى دا كورىنبەيدى. ول: ەكى-ءۇش رەت تەلەفون سوقتىم، الىنبادى، ۇلىم اۆتوموبيلمەن جەم-ءشوپ اكەلۋگە كەتكەن، ۇلىم قايتىپ كەلگەننەن كەيىن، ۇلىمدى، كورشىلەردى ەرتىپ، ونى ىزدەدىم، سىرتقى قالىڭ شاپانىن شەشىپ تاستاپتى، ادام دا مال دا جوق، قىستاق پارتيا ياچەيكا شۋجيىنا تەلەفوندا حابارلاسىپ جاعدايدى جەتكىزدىم،-دەدى.
تەلەفوندى تاپسىرىپ العاننان كەيىن، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇرعان قىزمەت اترەتىندەگىلەر، سونداي-اق قىستاق كادرلارى شۇعىل 60 نەشە ادامدى ۇيىمداستىرىپ، ىزدەۋ سالۋ قىزمەتىن دەرەۋ باستادى. بيڭتۋان 5-شى 83-تۋان الاڭى شيپاحاناسىنىڭ حۇسۇمشى قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەسى جاۋ پىڭ بىلاي دەدى: ونىڭ قانداعى قانت قۇرامى تومەن ناۋقاسى بار، كەشتە تابىلماسا، ونىڭ باس اماندىعىنان الاڭدادىم.
قىستىڭ ىزعالى سۋىعىندا، تولەۋبەك كەشىككەن سايىن ونىڭ باسىنا تونگەن حاۋىپ كۇشەيدى، قۇتقارۋ اترەتىندەگىلەر توعان، ماقتا اتىزى، قامىس اتىزى سياقتى جەرلەردى ارالاپ، اقىرى تاڭعى ساعات ەكى مولشەرىندە، تولەۋبەكتى تاپتى، ول قالىڭ شاپانىن شەشكەن كۇيى، ەگىس اتىزىنداعى اۋىل شارۋاشىلىق ماشينالارى جۇرەتىن جولدا جىعىلىپ قالىپتى. جاۋ پىڭ بىلاي دەدى: ونى تاپقان زامان، ۇيىنە جەتكىزىپ، جالپى بەتتىك تەكسەردىك، جاعدايى جاقسى ەكەن.
30-قاڭتار ـــ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇرعان قىزمەت اترەتىندەگى جاڭا كەلگەن قىزمەتكەرلەر مەن بۇرىن تۇرعان قىزمەتكەرلەردىڭ باس قوسقان كۇنى، قىستاقتا تۇرعان قىزمەت اترەتىنىڭ مۇشەسى چين ءان وسىندا كەلگەن العاشقى كۇنى ادام ىزدەۋ اترەتىنە قوسىلدى، ۇزاق ۋاقىت سىرتتا جۇرگەندىكتەن، ونىڭ قۇلاعى ءۇسىپ كەتتى، ءبىراق چين ءان مۇنى ەلەڭ قۇرىلى كورمەدى. ول: وسىندا كەلگەن العاشقى كۇنى تۇندە ادام ىزدەۋ ۇقتىرۋىن تاپسىرىپ الدىم، ويلانىپ جاتۋعا دا ۇلگىرمەدىم، قاتەرلى جاعداي بۇيىرىق، ۇقتىرۋ ارەكەت،-دەدى.
31-قاڭتار تاڭەرتەڭ ەرتە، قىستاقتا تۇرعان قىزمەت اترەتىندەگىلەر مەن قىستاق كادرلارى ءدارى ساندىعىن كوتەرىپ، تولەۋبەكتىڭ ۇيىنە جاعداي ۇعىسا امانداسا باردى، باقىتىنا جاراي ول تەرىسى ءسۇرىلىپ جەڭىل جارالانىپتى. تولەۋبەك: پارتيا مەن ۇكىمەتكە ەرەكشە العىس ايتامىن، قىزمەت اترەتىندەگىلەر مەن قىستاق كادرلارىنا راحىمەت، ولار بارلىعىن قايىرىپ قويىپ مەنى ىزدەپ تاپتى، مەن امان-ەسەن ۇيىمە ورالدىم،-دەدى.

بەرىپ كەت ورامالىڭدى

دوستار

الىستاعى اق ەركە