جاڭا حابارلار

قىستاقتا تۇراتىن قىزمەت اتىرەتىنىڭ مۇشەلەرى جۇكتەرىن قويا سالىپ، قىزمەتكە كىرىسىپ كەتتى

    كەلۋ قاينارى: شينجياڭ حالىق راديو ىستانسياسى    2018-02-03 11:26:11  
ستانسيامىزدىڭ جيناق حابارىن تىڭداڭىزدار: ەكى كۇننەن بەرى، 2018-جىلعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇراتىن قىزمەت اتىرەتىنىڭ مۇشەلەرى جۇكتەرىن قويا سالىپ، قىزمەتكە كىرىسىپ كەتتى.
«بۇل جىلىجاي وزىڭىزدىكىمە؟»
«سولاي، مەنىكى».
«مىنا كوكونىس مايسالارىن ءوزىڭىز ەكتىڭىزبە ؟ كەيبىرەۋى جاقسى شىقپاپتى... »
باي اۋداندىق وداق كوميتەتىنەن بيىل كاڭچي اۋىلىنىڭ حىشيە قىستاعىنا تۇسكەن قىزمەت اتىرەتىنىڭ جاڭا مۇشەلەرى بىلتىر بارعان مۇشەلەرمەن بىرگە قاقاعان ايازعا قاراماي قىستاق تۇرعىندارىنىڭ ۇيلەرىنە بارىپ، ولاردىڭ ءوندىرىس-تۇرمىس احۋالىن ۇعىستى.حىشيە قىستاعى جىلىجايدا كوكونىس ءوسىرۋدى نەگىز ەتەتىن قىستاق، كوپ جىداردان بەرى جوندەلمەگەندىكتەن، قىستاقتاعى جىلىجايلار بەيمەزگىلدىك كوكونىستەردى ءوسىرۋ رولىن ساۋلەلەندىرە الماي قالعان ەدى.احۋال ۇعىسقان سوڭ، باي اۋداندىق وداق كوميتەتىنەن حىشيە قىستاعىنا تۇسكەن قىزمەت اتىرەتىنىڭ باستىعى جاڭ حۋاييۇي ىشتەي جوسپار جاسادى. ول بىلاي دەدى: ءبىز اۋدانداعى كوكونىس وسىرەتىن قاتىستى كاسىپورىندارمەن بايلانىس جاساپ، ولاردى قىستاق تۇرعىندارىنا كومەكتەستىرىپ، ديقانداردىڭ قيىنشىلىعىن شەشەمىز. 2018-جىلى، نىسان قارجىسىنا قول جەتكىزىپ، كوكونىس جىلىجايلارىن شامانىڭ جەتىسىنشە جوندەپ-جاڭالاپ، ديقانداردىڭ كىرىسىن ارتتىرىپ، ولاردى بايۋ جولىنا باستايمىز.
باس شۋجي شي جينپيڭ: بۇقارا ەڭ كوڭىل بولگەن، ەڭ تىكە، ەڭ رەيال مۇددە ماسەلەسىن، ەڭ قيىن، ولار ەڭ ۋايىمدايتىن، ەڭ اسىعاتىن ناقتىلى ماسەلەلەردى شەشۋىمىز كەرەك، دەپ اتاپ كورسەتتى. مىنە بۇل قىزمەت اتىرەتىنىڭ كۇش سالاتىن نەگىزگى باعىتى بولماق.
«سالەمەتسىزبە، ءبىز قىزمەت اتىرەتىنىكىمىز، وتباستارىڭىزدا قانداي قيىنشىلىق بارىن ۇعىسايىق دەپ كەلدىك.
«راحمەت سىزدەىرگە!»
قىستاققا بارا سالعان العاشقى كۇنى، ءۇرىمجى قالاسى سايباق رايوندىق ەكونوميكا-دامۋ كوميتەتىنىڭ تاييۇي الەۋمەتتىك اۋماعىنداعى قىزمەت اتىرەتىنىڭ باستىعى لي ۋي باسقا 4 مۇشەمەن بىرگە ءۇي-ءۇيدى ارالاپ جاعداي ۇعىسا باستادى. تاييۇي الەۋمەتتىك اۋماعىندا 3 مىڭنان استام تۇرعىن بار، بۇلاردىڭ ىشىندە قارتتار كوبىرەك. قىزمەت اتىرەتى جيناپ العان تۇرعىنداردىڭ تالاپ كەستەسىن رەتتەپ، حالىقتىڭ مۇڭ-مۇقتاجىن جانە قيىنشىلىعىن شەشۋدىڭ جوباسىن جاسادى. ول تىلشىگە بىلاي دەدى: ءبىز باستىسى تۇرعىنداردىڭ كاسىپتەنۋ، ەمدەلۋ، ەڭ تومەنگى تۇرمىستى قامتاماسىز ەتۋ سياقتى جاقتارداعى قيىنشىلىعىن شەشپەكشىمىز؛ «ۇلتتار ىنتىماعىنىڭ بەرەكەلى شاڭىراعىندا» قيمىلىن ىشكەرىلەي ورىستەتىپ، ءبىر جىلدىق قىزمەتىمىز ارقىلى، تۇرعىندار اراسىنا تەرەڭ تامىر تارتپاقشىمىز.
نەگىزگى ساتىنىڭ نەگىزىن بەكەمدەپ جانە كۇشەيتىپ، باس نىسانانى تىعىز ارقاۋ ەتە وتىرىپ، نەگىزگى ساتىنىڭ پارتيا قۇرىلىسى قىزمەتىن جوسپارلاۋ جانە ىلگەرىلەتۋ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اتىرەتىنىڭ ماڭىزدى قىزمەتتەرىنىڭ ءبىرى. اۆتونوميالى رايوندىق وقۋ-اعارتۋ مەڭگەرمەسىنىڭ كۇشار اۋدانى ءۇش وستاڭ اۋىلى ءۇش وستاڭ قىستاعىنا تۇسكەن قىزمەت اتىرەتىنىڭ مۇشەسى جوۋ ۋي: باس شۋجي شي جينپيڭ: جاۋاپكەرشىلىك دەگەنىمىز ـــ مىندەتتى ويداعىداي ادا ەتىپ، بار زەيىندى سالا وتىرىپ قىزمەتتى كۇش سالا جاقسى ىستەۋ دەگەن بولاتىن. قىزمەت نىساناسى بەلگىلەنىپ بولعان سوڭ، ونى تۇبەسەلى جاقسى اتقارۋعا كۇش سالۋىمىز كەرەك.نەگىزگى ساتىنىڭ ۇيىمدىق قۇرىلىسى جاعىندا، قىستاق تۇرعىندار كوميتەتىنىڭ رولىن تولىق ساۋلەلەندىرىپ، نەگىزگى ساتىنىڭ پارتيا ۇيىمىن كۇشەيتىپ، نەگىزگى ساتىنىڭ پارتيا ۇيىمىن ناعىز جاۋىنگەر قورعانعا اينالدىرۋىمىز كەرەك،-دەدى.

بەرىپ كەت ورامالىڭدى

دوستار

الىستاعى اق ەركە