جاڭا حابارلار

ادەبيەت-كوركەمونەر كۋرسى اشىلىپ، بۇقارانىڭ رۋحاني مادەنيەت تۇرمىسى بايىدى

    كەلۋ قاينارى: شينجياڭ حالىق راديو ىستانسياسى    2018-02-03 11:36:01  
ستانسيامىزدىڭ ءتىلشىى دۇڭ جىيۇڭ مەن پراكتيكانت ءتىلشى جيان شياۋچيدىڭ حابارىن تىڭداڭىزدار: بىرنەشە كۇننەن بەرى، اۆتونوميالى رايوندىق مادەنيەت سارايىنىڭ ادەبيەت-كوركەمونەر بولىمشە اترەتى ءۇرىمجى قالاسىنىڭ ميچۋان-دۇڭشان رايونىنا بارىپ، ادەبيەت-كوركەمونەر كۋرسىن اشىپ، بۇقارانىڭ رۋحاني مادەنيەت تۇرمىسىن بايىتتى.
ءۇرىمجى قالاسىنىڭ ميچۋان-دۇڭشان رايونى گۋمۋدي قالاشىعى يۋان-ي قىستاعىنداعى تۇرعىندار كوميتەتىنىڭ مادەنيەت وتاۋى دۋمانعا بولەنىپ، نەگىزگى ساتىداعى 10 نەشە ۇگىت تىرەكتىلەرى مەن ادەبيەت-كوركەمونەر اۋەسكەرلەرى وقىتۋشىنىڭ باستاۋىندا مۋزيكا اۋەنىنە ىلەسە ياڭگى بيىنە باستى. ءبيدى ەندى عانا ۇيرەنگەن ولار ءار ءتۇرلى بيگە باستى. ءۇرىمجى ميچۋان-دۇڭشان رايونى كازىۋان اۋماعى باسقارۋ كوميتەتى شياڭشين الەۋمەتتىك اۋماعىنداعى مادەنيەت، دەنە-تاربيە قىزمەتكەرى ماحفۋبام مامەت: ياڭگى ءبيى مەن ۇيعۇرشا ءبي ەكى ءتۇرلى ۇلگىدەگى ءبي. مەن ياڭگى بيىنە قاتتى قىزىقتىم، ياڭگى ءبيىن ۇيرەنگەن جاقسى ەكەن. الدا مەن ءار ۇلتتىڭ ءبيىن ۇيرەنەمىن،-دەدى.
كۋرستە، كوپشىلىك تاعى ۇيعۇر ۇلتىنىڭ حالىق ءبيى مەن قازاق ۇلتىنىڭ حالىق ءبيىن ۇيرەندى. ءۇرىمجى ميچۋان-دۇڭشان رايونى دوستىق ءمالىسى جۇڭحى الەۋمەتتىك اۋماعىنىڭ تۇرعىنى چىن حۇڭنان ەندى عانا دەمالىسقا شىعىپتى، ول بيگە قاتتى قىزىعاتىنىن ايتا كەلىپ بىلاي دەدى: وسى كۋرستىڭ اشىلۋىنا وراي، ءبي بيلەۋگە قىزىعىپ، ءبيدى بۇرىنعىدان دا جاقسى بيلەيتىن بولدىم، بەينە كوگىلدىر اسپان مەن كەڭ ساحارا كوز الدىمدا تۇرعانداي، بيلەگەن سايىن رۋحتانا ءتۇستىم، ەرەكشە ومىرشەڭدىك كۇشكە تولى سەزىلدى.
ءبي كۋرسىنان سىرت، وسى رەتكى ادەبيەت-كوركەمونەر كۋرسىندا تاعى ءان، مۋزيكا اسپاپتارى، فەلياتون، اسەمونەر سياقتىلار قامتىلدى، كۋرس كولەمى قۇتىبي اۋدانى، كەلپىن اۋدانى، اتۇش قالاسى سياقتى وڭتۇستىك-سولتۇستىك شينجياڭداعى اۋىل-قىستاقتار مەن الەۋمەتتىك اۋماقتارعا دەيىن كەڭەيەدى. اۆتونوميالى رايوندىق مادەنيەت سارايى تاربيەلەۋ ءبولىمىنىڭ قىزمەتكەرى ارزۋيا كامىل بىلاي دەدى: كوپشىلىككە ۇقساماعان ۇلتتاردىڭ ءبيىن، تۇرلىشە فورماداعى كوركەمونەر ويىندارىن ۇيرەتۋ جۇڭحۋا ۇلتىنىڭ ءداستۇرلى مادەنيەتىن ساۋلەلەندىرۋگە، ءارى شينجياڭداعى ءار ۇلت بۇقاراسىنىڭ ارالاسۋ، ىشتەسۋ، توعىسۋىن جەبەۋگە ءتيىمدى. وسىنداي كۋرس قيمىلدارىنىڭ، سونداي-اق نەگىزگى ساتىعا بارىپ ويىن قويۋ قيمىلدارىنىڭ كوپتەپ ورىستەتىلىپ، بۇقارانىڭ مادەني تۇرمىسىن اناعۇرلىم بايىتۋدى ءۇمىت ەتەمىز.

بەرىپ كەت ورامالىڭدى

دوستار

الىستاعى اق ەركە