جاڭا حابارلار

شينجياڭدىق حاتكەرلەر حوتان ايماعىنا بارىپ، مادەنيەتتى نەگىزگى ساتىعا جەتكىزدى

    كەلۋ قاينارى: شينجياڭ حالىق راديو ىستانسياسى    2018-02-04 11:51:09  
ستانسيامىزدىڭ ءتىلشىسى ديڭ شياۋداننىڭ حابارىن تىڭداڭىزدار: بىرنەشە كۇننەن بەرى، شينجياڭ حاتكەرلەر قوعامى «مادەنيەتتى نەگىزگى ساتىعا جەتكىزۋ» ادەبيەت-كوركەمونەر شاعىن اترەتىن ۇيىمداستىرىپ، حوتان ايماعىنىڭ حوتان اۋدانى، لوپ اۋدانى، شەريا اۋدانىنا بارىپ، جەرگىلىكتى قىستاق تۇرعىندارىنا شاعان بوساعالىعىن جازىپ، قۇتتىقتاۋ ءسوزىن ۇسىنىپ، سول جەردە حاتكەرلىك تۋىندىلارىن تارتۋ ەتتى.
لوپ اۋدانى اڭگيا قالاشىعى بەگارىق قىستاعى تۇرعىندار كوميتەتىنىڭ اۋلاسىندا، جەتى حاتكەر سول جەردە 300 قىستاق تۇرعىنىنا شاعان بوساعالىعىن جازىپ بەرىپ، قۇتتىقتاۋ ءسوزىن ۇسىندى. بيىل 59 جاسقا كەلگەن شينجياڭ حاتكەرلەر قوعامىنىڭ ورىنباسار ءتوراعاسى لي تاۋ قىستاق تۇرعىنى ابدىرەشيت حۇديۇمبەردى وتباسىنىڭ 150 مۋ جەرگە جاڭعاق ەككەنىن، وتكەن جىلى 40 مىڭ يۋاننان استام اقشا تاپقانىن ۇعىسىپ، وعان ارنايى «تاماشا باقتا گۇلدەر جايقالا اشىلىپ، تىڭ اۋقىمدا كۇللى دۇنيە كوركەيەدى» دەگەن شاعان بوساعالىعىن جازىپ بەرىپ، ونىڭ 2018-جىلى مول تابىسقا قول جەتكىزۋىن تىلەدى. لي تاۋ: «مەنىڭ ماردىمسىز كۇشىم ارقىلى ديحاندارعا شاعان بوساعالىعىن جازىپ بەرىپ، ىشتەي قاتتى قۋاندىم»،-دەدى.
تۇڭعىش رەت شاعان بوساعالىعىن العان ابدىرەشيت حۇديۇمبەردى ۇيىنە بارا سالىسىمەن ونى ەسىگىنە جاپسىرىپ قويدى. ول: «بۇگىن ۇستازدار ءوز قولىمەن جازعان شاعان بوساعالىعىن بەردى، ءارى قۇتتىقتاپ، ءبىزدى كىرىستى ارتتىرىپ اۋقاتتانۋعا جەبەپ، بۇقاراعا پارتيانىڭ مەيىرى مەن قامقورلىعىن جەتكىزدى. بيىل مەن باعىمشىلىق جاعىندا اناعۇرلىم كوپ سىناقتار جۇرگىزىپ جانە دامىپ، سيىر باعاتىن سەلبەستىك كوپەراتيۆىن قۇرىپ، توڭىرەگىمدەگى كەدەي وتباسىلارىن كەدەيلىكتەن قۇتىلىپ اۋقاتتانۋ جولىنا تۇسۋگە باستاماقشىمىن»،-دەدى.
جۇڭگو حاتكەرلەر قوعامىنىڭ القاسى، شينجياڭ حاتكەرلەر قوعامىنىڭ ۇنەمىلىك ىستەرگە جاۋاپتى ورىنباسار ءتوراعاسى، قوسىمشا باس حاتشىسى لي جىشۇن قىزىل قاعازعا، «باقىت» دەگەن جازۋ جازدى، شيڭشۋ ۇلگىسى، ساۋشۋ ۇلگىسى، ليشۋ ۇلگىسى، كايشۋ ۇلگىسى سياقتى تۇرلىشە ۇلگىدەگى جازۋلار سول اراداعى جاستاردىڭ نازارىن اۋداردى، ون نەشە جاس قولىنا ءجۇن قالام الىپ، قىزىل قاعازعا لي جىشۇننىڭ «باقىت» دەگەن جازۋىن ەلىكتەي جازدى. لوپ اۋدانى اڭگىيا قالاشىعى بەگارىق قىستاعىنىڭ تۇرعىنى روزالى احىمەت: «بۇگىن بىرنەشە ءتۇرلى جازۋ ۇلگىسن كوردىم، ۇستازعا ىلەسىپ جازۋدى دا ۇيرەندىك، ليشۋ ۇلگىسىندە باقىت جازۋىن جازا بىلدىك، توتەنشە قۋانىشتامىز»،-دەدى.
لي جىشۇن: «پارتيانىڭ ءتيىمدى ساياساتتارىن ۇگىتتەپ، پارتيانىڭ مەيىرىن، مەملەكەتتىڭ تاماشا ءداستۇرلى ۇزدىك مادەنيەتىن بۇقارا اراسىنا شىنايى جەتكىزىپ، بۇقارانىڭ كوكەيىنە قوندىرامىز، بۇدان كەيىن ۇزاق مەرزىم جالعاستىرىپ، ءداستۇرلى مادەنيەت، ۇزدىك مادەنيەت ارقىلى شينجياڭدا تامىر تارتىپ، جەر-جەردە شەشەك اتتىرىپ، مادەنيەت قيمىلدارى ارقىلى باس نىساناعا مادەنيەت ادامدارىنىڭ، كوركەمونەرشىلەردىڭ تيەسىلى بورىشىن وتەيمىز»،-دەدى.

بەرىپ كەت ورامالىڭدى

دوستار

الىستاعى اق ەركە