جاڭا حابارلار

رايونىمىزدىڭ جەر-جەرى ءتۇرلى شارانى قاتار قولدانىپ، تۇرعىن ۇيمەن قامداۋ جانە قامتاماسىز ەتۋ جۇيەسىن بارىنشا كەمەلدەندىرىپ، ءار ۇلت بۇقاراسىن «باسپاناعا» يە ەتتى

    كەلۋ قاينارى: شينجياڭ حالىق راديو ىستانسياسى    2018-02-06 12:18:59  

ستانسيامىزدىڭ جيناق حابارىن تىڭداڭىزدار: باس شۋجي شي جينپيڭ پارتيا 19-قۇرىلتايىنىڭ بايانداماسىندا: «تۇرعىن ءۇي تۇراق، ول وتكەرمەلەيتىن نارسە ەمەس دەيتىن يدەياعا تاباندى بولىپ، ءتۇرلى نەگىزگى تۇلعانى قامداۋ، ءتۇرلى جولدار ارقىلى قامتاماسىز ەتۋ، جالعا الۋ مەن ساتىپ الۋدى قاتار جۇرگىزۋ سىندى تۇرعىن ءۇي ءتۇزىمىن ورناتۋدى جەدەلدەتىپ، حالىق بۇقاراسىنىڭ تۇرار جايى بولۋىنا مۇمكىندىك جاساۋ كەرەك»،- دەپ اتاپ كورسەتتى. قازىر، رايونىمىزدىڭ جەر-جەرى ءتۇرلى شارانى قاتار قولدانىپ، تۇرعىن ۇيمەن قامداۋ جانە قامتاماسىز ەتۋ جۇيەسىن بارىنشا كەمەلدەندىرىپ، ءار ۇلت بۇقاراسىنىڭ «وتىرىقتانۋ ارمانىن» جۇزەگە اسىرۋىنا كۇش سالدى.
بيىل، رايونىمىز اۋىل-قىستاقتا 300 مىڭ بەيقۇت ءۇي سالۋدى جوسپارلادى، مۇنىڭ 210 مىڭى اۋىل-قىستاقتاعى ارحيۆ تۇرعىزىپ، كارتشكا تاراتىلعان كەدەي وتباسىلارى، ەڭ تومەنگى تۇرمىسى قامتاماسىزداندىرىلاتىندار، اۋىل-قىستاقتاعى بىتىراڭعى قارايلاساتىن ەرەكشە كەدەي، كەدەي مۇگەدەك وتباسى سياقتى 4 ءتۇرلى ءتۇيىندى وبيەكتىنىڭ تۇرعىن ءۇي ماسەلەسىن شەشۋگە پايدالانىلادى، بۇل جالپى مىندەتتىڭ %70 تىن ۇستايدى.
2016-جىلى 8-جەلتوقساندا، قۇتىبي اۋدانى شورگۋ قالاشىعىندا 6.2 بال جەر سىلكىندى. سودان بەرى مىنە ءبىر جىلدان ارتىق ۋاقىت ءوتتى، جاقىندا ءتىلشى وسى اراعا تاعى بارعاندا، اپاتتان كەيىن قايتا قۇرىلعان شاعىن رايوندا ءتورت قاباتتىق 46 كورپىس عيماراتتىڭ رەتتى تىزىلىپ سالىنعانىن كوردى. مۇندا دالمە-ءدال سۇيەمەلدەنەتىن 104 كەدەي وتباسى ەشقانداي اقشا تولەمەي 60 شارشى مەترلىك ۇيگە كوشىپ كىردى. قىستاق تۇرعىنى سەرىكگۇل ماجەن قىزى تيىمدىلىككە كەنەلۋشىلەردىڭ ءبىرى. بۇقارانىڭ تۇرعىن ۇيگە كوشىپ كىرۋىنە قولايلى بولۋى ءۇشىن، شاعىن رايون تۇرعىن ءۇيدى اشەكەيلەپ، اقتاپ، جەرىنە قاڭلتاق كىرپىش جاتقىزىپ بەردى. سەرىكگۇل ماجەن قىزى وتباسىنداعىلارمەن بىرگە تۇرعىن ءۇيدى جەڭىل-جەلپى رەتتەگەننەن كەيىن، جاڭا ۇيگە كوشىپ كىردى. ول: «جاڭا ۇيگە كوشىپ كىردىك، وتە قۋانىشتامىن. پارتيا مەن ۇكىمەتتىڭ جاقسى ساياساتىنا راحىمەت، ۇيىمىزدە سۋ، توك، جىلۋمەن قامداۋ جابدىعى تولىق، بۇرىنعىداي مەشكە وت جاقپايتىن بولدىق. مەكتەپ ءۇيىمىزدىڭ قاسىندا، بالالارىمىزدىڭ وقۋىنا دا وتە قولايلى بولدى. جاقىن ماڭداعى شاعىن زاۆود تا جۇمىسشى قابىلداپ جاتىر، الدا تۇرمىسىمىز ءتىپتى جاقساراتىن بولادى»،-دەدى.
قينشىلىعى بار بۇرىنعىدان دا كوپ بۇقارانىڭ بەيقۇت ءۇي ينجەنەرياسىنىڭ تيىمدىلىگىنەن يگىلىكتەنۋىنە شىنايى كەپىلدىك ەتۋ ءۇشىن، بيىل تۇرعىن ءۇي قۇرىلىس تاراۋى ءۇي سالىپ بەرىلگەن ديحانداردىڭ ارحيۆبىن باسقارۋدى كۇشەيتىپ، ناقتىلى اتى-ءجونى ءتۇزىمى بويىنشا ارحيۆ تۇرعىزۋدى قاتاڭ تياناقتاندىرىپ، «ءبىر وتباسىندا ءبىر ارحيۆ» بولۋدى جۇزەگە اسىرىپ، جىلدىق قۇرىلىس سالۋ مىندەتىنىڭ وتباستارىنا، جەكەلەرگە ءدال تياناقتانۋىنا شىنايى كەپىلدىك ەتەدى. ءار ۇلت بۇقاراسىنىڭ تۇرعىن ءۇي اۋىرتپالىعىن جەڭىلدەتۋ ءۇشىن، تۇرعىن ءۇي قۇرىلىس تاراۋى تاعى سالىنعان تۇرعىن ءۇي اۋماعىنىڭ تۇگەل 40 دا 60 شارشى مەتر اينالاسىندا بولۋىن قاتاڭ مەڭگەرۋ ارقىلى سول جەردەن جاڭا ءۇي سالۋ نەمەسە وزگەرتىپ سالۋ، پارىقتى قوسىمشا قاراجات پەن ەڭبەك ىستەۋ، قوعامنىڭ سۇيەمەلدەۋى سياقتى شارالاردى اتقارىپ، تۇرعىن ءۇي اۋىرتپالىعىنىڭ ارتىپ كەتۋىنەن ساقتانىپ، اۋىل-قىستاقتاعى كەدەي بۇقارانىڭ «اقشا شىعارماي نەمەسە از عانا اقشا شىعارىپ» جاڭا ۇيگە كوشىپ كىرۋىنە شىنايى كەپىلدىك ەتەدى.
قازىر، رايونىمىزدىڭ جەر-جەرى ءوندىرىس سايابىرلاعان قىس مەزگىلىنەن پايدالانىپ، بۇقارانى ءۇي سالۋ ونەرىن ۇيرەنۋگە ۇيىمداستىرىپ، مەرزىمنەن بۇرىن جوسپار جاساپ، قۇرىلىس ماتەريالدارىن بەلسەنە ساتىپ الىپ، بيىلعى قۇرىلىس مىندەتىن ساپاسىنا كەپىلدىك ەتە وتىرىپ ورىنداۋعا كۇش سالۋدا. كەريا اۋداندىق بەيقۇت ءۇي سالىپ حالىقتى اۋقاتتاندىرۋ كەڭسەسىنىڭ مەڭگەرۋشىسى ما شياۋجۇن بىلاي دەدى: «13-بەسجىلدىق پلانعا ساي، ءبىزدىڭ بيىلعى مىندەتىمىز 6 مىڭ 500 بەيقۇت ءۇي سالۋ، مۇندا اۋدان كولەمىندەگى ارحيۆ تۇرعىزىلىپ كارتشكا تاراتىلعان 4 مىڭ 445 كەدەي وتباسى تۇگەل قامتىلادى. قازىر قاجەتتى ماتەريالداردى ساتىپ الىپ، وتباسى سايىن قۇرىلىس كارتاسىن سالۋدامىز. 10-ناۋرىز اينالاسىندا جۇمىس باستاۋدى، قازاننىڭ سوڭىندا، مىندەتتى،ءسوزجوق، تولىق ورىنداۋدى جوسپارلاپ وتىرمىز».
باس شۋجي شي جينپيڭ: «تۇرعىن ۇيمەن قامتاماسىز ەتۋ جانە قامداۋ جۇيەسى قۇرىلىسىنىڭ اياق الىسىن تەزدەتۋ ـــ بۇقارانىڭ نەگىزگى تۇرعىن ءۇي قاجەتىن قاناعاتتاندىرىپ، حالىق بۇقاراسىنىڭ تۇرار جايى بولۋ نىساناسىن ورىنداۋداعى ماڭىزدى مىندەت»،ـ دەپ اتاپ كورسەتتى. رايونىمىز ءىس جۇزىندىك جاعدايدى شىعار ءتۇيىن ەتىپ، تۇرعىن ءۇي ءتۇزىمى رەفورماسىن تەرەڭدەتىپ، لاشىقتىلار مەكەنىن وزگەرتىپ سالۋ جانە الەۋمەتتىك مايعا بەرىلەتىن تۇرعىن ءۇي قۇرىلىسىنىڭ اياق الىسىن ءبىر تۇتاس جوسپارلاپ ىلگەرىلەتىپ، جالعا الۋ قوسىمشا قاراجاتىن تاراتۋ تەبىنىن ارتتىرىپ، تۇرعىن ۇيمەن قامتاماسىز ەتۋ كولەمىن كەڭەيتىپ، قالا-قالاشىقتاعى ورتا، تومەن كىرىستەگى قينشىلىعى بار وتباسىلارىنىڭ قامتاماسىزداندىرىلۋعا تيىستىلەرىن تۇگەل قامتاماسىزداندىرۋدى بىرتىندەپ جۇزەگە اسىردى.
بيىل رايونىمىز لاشىقتىلار مەكەنىندەگى 471 مىڭ ءۇيدى وزگەرتىپ سالۋدى؛ الەۋمەتتىك جالعا بەرىلەتىن 30 مىڭ ءۇيدى باستاپ سالۋدى جوسپارلادى، وتكەن جىلدارى سالىنعان الەۋمەتتىك جالعا بەرىلەتىن 47 مىڭ 700 تۇرعىن ءۇي الدىمەن ورتا تازالىعىن قورعاۋ، الەۋمەتتىك قاتىناس سياقتى سالاداعى قينشىلىعى بار بۇقاراعا ءبولىپ بەرىلەدى، ءارى سول جەردىڭ جاعدايىنا قاراي 24 مىڭ 700 وتباسىنا جالعا الۋ قوسىمشا قاراجاتى تاراتىلادى، ءارى جاڭا قالا تۇرعىندارىن نەگىز ەتكەن، جالعا الۋ مەن ساتىپ الۋ قاتار جۇرگىزىلگەن تۇرعىن ءۇي ساياساتتىق فينانس ءتۇزىمىن قولداۋدىڭ ءادىس- شارالارى قاراستىرىلادى.
اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسىنىڭ ورىنباسار باستىعى چۋان حى بىلاي دەدى: «ءبىز الدا باس شۋجيدىڭ قىزمەت تالابىن مۇقيات دايەكتىلەندىرىپ، تياناقتاندىرىپ، جالعا الۋ مەن ساتىپ الۋدى قاتار قولدانۋ سىندى تۇرعىن ءۇي ءتۇزىمىن ورناتۋ اياق الىسىن جەدەلدەتىپ، جالعا الۋ بازارىن جەتىلدىرەمىز جانە دامىتامىز، ءۇرىمجى، قارامايلى سياقتى ءىشىنارا قالالار جالعا الۋداعى سىناق ءتۇيىنى قالاسى بولىپ تۇراقتاندىرىلدى. مۇنان سىرت، ءبىز پارىقتى رەتتەپ مەڭگەرۋ ساياساتىن اتقارىپ، رەتتەپ مەڭگەرۋ وي جەلىسىندە: العاشقى تۇرعىن ءۇي قاجەتىن قاناعاتتاندىرۋدا تۇرمىسىن جاقسارتۋ تالابىن قولداپ، ورايىن تاۋىپ تۇرعىن ءۇي وتكەرمەلەۋدى تەجەپ، فينانس تاراۋىنا سەلبەسىپ، قارجىنى باسقارۋ، مەڭگەرۋدى كۇشەيتىپ، قارجىنىڭ ەرەجەگە قايشى قوراجايعا قوسىلۋىنىڭ الدىن الامىز، ءارى مەملەكەتتىك جەر بايلىعى تاراۋىنىڭ جەرمەن قامداۋ قۇرىلىمىن ساپالاندىرۋىنا سايكەسىپ، جالعا بەرىلگەن تۇرعىن ءۇي مەن الەۋمەتتىك مۇلىك ۇقىعىنا يە تۇرعىن ءۇيدى جەرمەن قامداۋ مولشەرىن جوعارلاتىپ، ءۇي باعاسىنىڭ جەدەل قىمباتتاۋىن تەجەيمىز».


بەرىپ كەت ورامالىڭدى

دوستار

الىستاعى اق ەركە