جاڭا حابارلار

باتپاق جول باقىت جولىنا اينالدى

    كەلۋ قاينارى: شينجياڭ حالىق راديو ىستانسياسى    2018-02-09 11:33:47  

«ديقانداردى اۋقاتتانىپ دوڭگەلەك داۋلەتكە جەتۋگە باستايتىن سوڭعى شاقىرىمدىق جول تۇتاستى» دەگەن تاقىرىپتاعى جەلىلەس حاباردىڭ ستانسيامىزدىڭ ءتىلشىسى لەي ميڭ جازعان 4-ءبولىمىن تىڭداڭىزدار: توقسۋ اۋدانى ءىش ارىق اۋىلى قىزىلنۇر قىستاعى دەنساۋلىق ساقتاۋ ورنىندا، بيىل 53 جاستاعى قىستاق شيپاگەرى ابيبام وشىر قىستاقتاعى ديحاندارىنىڭ ناۋقاسىن كورۋدە. قىزمەتكە ارالاسقان 19 جىلدا، تاس جولداعى وزگەرىس وعان تەرەڭ اسەر ەتتى. ول: بۇرىن قىستاق ديحاندارىنىڭ قىستاقتاعى دەنساۋلىق ساقتاۋ ورنىنا كەلىپ ناۋقاس كورسەتۋى وتە قيىن ەدى، جاياۋ كەلىپ، جاياۋ قايتاتىن، 2015-جىلى قىستاققا اسفاليت جول جاتقىزىلدى، بۇرىنعى جارىم ساعاتتا جەتەتىن جەرگە، قازىر اۆتوكولىكپەن ءۇش مينۋتتا جەتۋگە بولادى،-دەدى.
پارتيا 19-قۇرىلتاي بايانداماسىندا، اۋىل-قىستاقتى كوركەيتۋ ستراتەگياسىن اتقارۋ ورتاعا قويىلدى. اۋىل-قىستاق تاس جولى بۇقارانىڭ ءوندىرىس-تۇرمىسىنا كەپىلدىك ەتىن نەگىزگى شارت، سوتسياليستىك جاڭاشا اۋىل-قىستاق قۇرۋدىڭ ماڭىزدى تىرەگى. 2017-جىلدىڭ سوڭىنا دەيىن، توقسۋ اۋدانىنداعى اۋىل-قىستاق تاس جولى 634 كە جەتىپ، جالپى ۇزىندىعى 1499.458 كيلومەتردەن اسىپ، اۋىل-قالاشىق، اۋىل-قىستاق تاس جولىنىڭ ىركىلىكسىزدەنۋ مولشەرى %100 كە، اكىمشىلىك قىستاق تاس جولىنىڭ ىركىلىكسىزدەنۋ مولشەرى %99.21 كە جەتىپ،ءوزارا توعىسقان اۋىل-قىستاق تاس جول تورابى قالىپتاستى.
اۋىل-قىستاق تاس جولىنىڭ تۇتاسۋى، توقسۋ اۋدانى مين-لى ديحاندار كاسىپتىك سەلبەستىك كوپەراتيۆبىنىڭ القاسى ياسىن كەرىمنىڭ مالعا قاجەتتى جەم-ءشوپ تاسىمالىن قامتاماسىز ەتتى. ول بىلاي دەدى: بۇرىن تاس جول تۇتاسپاعان، سەلبەستىك كوپەراتيۆبىندە نەبارى 40 دا 50 سيىر بولاتىن، ءىرى تۇرپاتتى تاسىمال اۆتوموبيلدەرى باعىمشىلىق الاڭىنا بارا المايدى، جەڭىل اۆتوكولىكپەن قايتا-قايتا ازدان تاسۋعا تۋرا كەلەتىندىكتەن، وزىندىك قۇنى جوعارى، ءارى ۋاقىت ءسىراپ بولاتىن.
توقسۋ اۋدانى ءىش ارىق اۋىلى ۇزىنكوشە قىستاعىنىڭ ديحانى ءامىر داۋىت تاس جولدىڭ تۇتاسۋى جاڭعاق ساتۋىن ىركىلىكسىزدەندىرگەندىگىن ايتا كەلىپ: بەيجيڭ، گۋاڭجوۋ، حاينان، جىڭجوۋ سياقتى جەرلەردەگى قوجايىندار تىكەلەي جەمىس اعاشى باقشاسىنا كەلىپ، جاڭعاقتارىمىزدى ساتىپ الادى، باعاسى دا قىمبات، بيىل ءبىر مىڭ 200 توننا جاڭعاق ساتتىم، قازىر ءار كيلوگرامنىڭ باعاسى 22 يۋان، بيىل 300 مىڭ يۋان كىرىس كىرگىزدىم،-دەدى.
توقسۋ اۋدانىنىڭ ۇنەمىلىك ىستەرگە جاۋاپتى ورىنباسار اكىمى ياڭ بو بىلاي دەدى: الدا ءبىز اۋدانىمىزدىڭ 116 اكىمشىلىك قىستاعىنداعى600 كيلومەتردەن ارتىق تۇرعىندار تۇراعى تاس جولىن بىرتىندەپ اۋىل-قىستاق تاس جول قۇرىلىسى جوباسىنا ەنگىزۋدى ءتۇيىندى ويلاسۋدامىز، الدىمەن اتقارىپ، بۇقارانىڭ الاڭسىز سىرتقا شىعۋىنا، ءارى تەز قاتىناۋىنا شىن مانىندە مۇمكىندىك جاسايمىز.


بەرىپ كەت ورامالىڭدى

دوستار

الىستاعى اق ەركە