باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ نيدەرلاندتىڭ پاتشاسى ۆيللەم الەكساندىرمەن كەزدەستى

    كەلۋ قاينارى: شينجياڭ حالىق راديو ىستانسياسى    2018-02-09 20:45:56  

  شينحۋا اگەنتتىگىنىڭ 7 - اقپاندا بەيجيڭنەن بەرگەن حابارى (ءتىلشى حوۋ ليجۇن). مەملەكەت ءتوراعاسى شي جينپيڭ مەن حانىمى پىڭ لييۋان 7 - اقپاندا جۇڭنانحايدا نيدەرلاندتىڭ پاتشاسى ۆيللەم الەكساندىر جانە پاتشايىمى ماكسيمامەن كەزدەستى.
  شي جينپيڭ بىلاي دەدى: ۆيللەم الەكساندىر پاتشا مەن پاتشايىمى جۇڭگونىڭ ءداستۇرلى كوكتەم مەرەكەسى قارساڭىندا جۇڭگوعا ساپارلاي كەلدى، ءبىز بۇعان قاباعات قۋانىشتامىز. مەن 2014 - جىلى نيدەرلاندتا مەملەكەتتىك ساپاردا بولىپ، سىزبەن بىرگە جۇڭگو مەن نيدەرلاندتىڭ اشىق، سىندارلى جاپپاي سەلبەستىك سەرىكتەستىك قاتىناسىنىڭ جاڭا ورەسىن تۇراقتاندىرىپ، ەكى ەل سەلبەستىگىنىڭ دامۋ نىساناسى مەن جوباسىن بەلگىلەگەن ەدىك. ەكى جاقتىڭ بىرگە قۇلشىنۋىندا ءبىزدىڭ كەلىسكەن ورتاق تانىمدارىمىز بەن ءوزارا ساپارىمىزدىڭ جەتىستىكتەرى تياناقتانىپ، ەكى ەل قاتىناسى تاريحتاعى ەڭ جاقسى كەزەڭگە اياق باسىپ، ەكى جاق ءبىر - ءبىرىنىڭ وزەكتى مۇددەسىن جانە نازار اۋدارىپ وتىرعان كەلەلى ىستەرىن ءوزارا قۇرمەتتەپ، ساياسي سەنىمدىلىگى ۇزبەي تەرەڭدەپ، ساۋدا، قارجى قوسۋ، جاڭالىق اشۋ، گۋمانيتارلىق سياقتى سالالارداعى بارىس - كەلىسى، سەلبەستىگى سۇبەلى ناتيجەلەرگە قول جەتكىزدى. جاڭا باستالۋ كەزەڭىندەگى جۇڭگو - نيدەرلاند قاتىناسى جاڭا دامۋ ورايىنا يە بولدى، جاڭا ءبىر جىلدا ەكى ەلدىڭ «ءبىر بەلدەۋ، ءبىر جولدى» بىرگە قۇرىپ، اناعۇرلىم كوپ ءوزارا ءتيىمدى سەلبەستىكتەر ورناتاتىنىنا سەنەمىن.
  ۆيللەم الەكساندىر پاتشا، ەڭ اۋەلى، ءتوراعا شي جينپيڭ مەن جۇڭگو حالقىنا مەرەكەلىك سالەم جولداپ، جاڭا جىلدا جۇڭگونىڭ جاڭا تابىستارعا قول جەتكىزۋىن، نيدەرلاند - جۇڭگو قاتىناسىنىڭ جاڭا دامۋلاردى قولعا كەلتىرۋىن ءۇمىت ەتتى. ۆيللەم الەكساندىر بىلاي دەدى: مەن ج ك پ 19 - قۇرىلتايىنىڭ ءساتتى اشىلىپ، جۇڭگونىڭ اناعۇرلىم جارقىن دامۋ جولىنا تۇسكەنىن قۇتتىقتايمىن. نيدەرلاند جۇڭگومەن بولعان قاتىناستى دامىتۋعا باستان - اياق وسكەلەڭ ءمان بەرەدى، «ءبىر بەلدەۋ، ءبىر جول» دارىپتەمەسىنىڭ نيدەرلاندقا اناعۇرلىم كوپ وراي اكەلەتىندىگىنە سەنەمىن، نيدەرلاند بىرگە قۇرۋ اياق الىسىنا بەلسەنە ات سالىسۋدى قالايدى. نيدەرلاند تۇڭعىش كەزەكتى جۇڭگو حالىقارالىق يمپورت كورمەسىنە قاتىناسۋدى قالايدى. نيدەرلاند جۇڭگومەن حالىقارالىق جانە وڭىرلىك ىستەر جونىندەگى سەلبەستىكتى كۇشەيتۋدى ءۇمىت ەتەدى.
  ديڭ شۋەشياڭ قاتارلىلار كەزدەسۋدە بىرگە بولدى.

ءان الەمى

جول توسىلىپ قالدى

تۇلپارىم