باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ورتالىقتىڭ 8 ءتۇرلى بەلگىلەمەسىنە قايشىلىق جاساعان 6 تيپتىك ماسەلە اشىق جايالاندى

    كەلۋ قاينارى: شينجياڭ حالىق راديو ىستانسياسى    2018-02-11 11:53:12  
ستانسيامىزدىڭ حابارى: جۋىردا، اۆتونوميالى رايوندىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنە قايشىلىق جاساعان 6 تيپتىك ماسەلەنى اشىق جايالادى، وسى 6 تيپتىك ماسەلە مىنالار:
تۇرپان قالالىق ۇلت-ءدىن ىستەرى كوميتەتىنىڭ بۇرىنعى تەكسەرۋ-زەرتتەۋشىسى ءالي يمىننىڭ بەلگىلەمەگە قايشىلىق جاساپ قىزىنىڭ ۇيلەنۋ تويىن وتكىزۋى سياقتى ماسەلەلەرى. 2013-جىلى ءالي يمىن بەلگىلەمە بويىنشا ۇيىمعا قىزىنىڭ ۇيلەنۋ توي ىستەرىن مالىمدەمەي، بەلگىلەمەگە قايشىلىق جاساپ باسقارۋ جانە قىزمەت وتەۋ وبيەكتىلەرىن تويعا ۇسىنىس ەتكەن، ءارى 7 مىڭ يۋاندىق تارتۋ اقشا العان. مۇنان تىس ءالي يمىننەن وزگە دە تارتىپكە قايشى ماسەلەلەر بايقالعان. 2017-جىلى جەلتوقساندا، ءالي يمىنگە پارتيادان شىعارىپ، قىزمەتتەن ايداۋ جازاسى بەرىلدى.
بايىنعولىن وبلىستىق حالىق ۇكىمەتىنىڭ بۇرىنعى ورىنباسار باس حاتشىسى، كەڭسە پارتگرۋپپاسىنىڭ ورىنباسار شۋجيى، مەڭگەرۋشىسى جيا دىفۋدىڭ بەلگىلەمەگە قايشى ۇكىمەت اقشاسىمەن قوناعاسى بەرۋى سياقتى ماسەلەلەرى. 2016-جىلدان 2017-جىلعا دەيىن، جيا دىفۋ كوپ رەت بەلگىلەمەگە قايشى ۇكىمەت اقشاسىمەن جالپى 30 مىڭ يۋانعا تۋرا كەلەتىن جەكەلىك قوناعاسىنىڭ اقشاسىن تولەگەن. مۇنان تىس، جيا دىفۋدان تاعى وزگە دە تارتىپكە قايشى ماسەلەلەر بايقالعان. 2017-جىلى جەلتوقساندا، جيا دىفۋعا پارتيادان شىعارىپ، اكىمشىلىك مىندەتىنەن قالدىرۋ جازاسى بەرىلدى.
كۇشار اۋداندىق قالا باسقارۋ امبەباپ زاڭ اتقارۋ مەكەمەسى پارتيا قىزمەتى كوميتەتىنىڭ بۇرىنعى مۇشەسى، ورىنباسار مەكەمە باستىعى ۋاڭ دۇڭجىننىڭ جەكەلىك اۆتوموبيلگە ۇكىمەت قارجىسىن جۇمساۋى سياقتى ماسەلەلەرى. 2016-جىلدان 2017-جىلعا دەيىن ۋاڭ دۇڭجىن قىزمەت قولايلىلىعىنان پايدالانىپ، قىزمەت ورىنداعى ۇكىمەت اۆتوموبيلىنىڭ ماي قۇيۋ كارتىشكاسىن ىلگەرىندى-كەيىندى 12 رەت پايدالانىپ، ءوزىنىڭ جەكە اۆتوموبيلىنە جالپى 4 مىڭ يۋاندىق ماي قۇيدىرعان. مۇنان تىس ۋاڭ دۇڭجىننان تاعى وزگە دە تارتىپكە قايشى ماسەلەلەر بايقالعان. 2017-جىلى جەلتوقساندا، ۋاڭ دۇڭجىنعا پارتيادان شىعارىپ، اكىمشىلىك مىندەتىنەن قالدىرۋ جازاسى بەرىلدى.
شەريا اۋدانى گۇلاقما قالاشىعى اۋىل شارۋاشىلىق-ەكونوميكا اينالىمىن باسقارۋ پۋنكتىنىڭ بۇرىنعى باستىعى كۇراش جۇمانىڭ بەلگىلەمەگە قايشى ۇكىمەت قارجىسىمەن قوناق كۇتۋى سياقتى ماسەلەلەرى. 2012-جىلدان 2014-جىلعا دەيىن كۇراش جۇما تالوندى جالعاننان جازدىرۋ تاسىلىمەن ۇكىمەتتىڭ 34 مىڭ 300 يۋانىن الداپ الىپ، ۇكىمەت اقشاسىمەن قوناق كۇتىپ، جەكەلىك اۆتوموبيلىنىڭ ماي قۇيۋ اقىسىن تولەپ، ءوز قىزمەت ورنىنداعى كادرلارعا قۇربان ايت حال سۇراۋ سوماسىن تاراتقان. مۇنان تىس، كۇراش جۇمادان تاعى وزگە دە تارتىپكە قايشى ماسەلەلەر بايقالعان. 2017-جىلى جەلتوقساندا، كۇراش جۇماعا پارتيادان شىعارىپ، مىندەت دارەجەسىن تومەندەتۋ جازاسى بەرىلدى.
ماناس اۋدانى سۋساتقان اۋىلى ساقشى بولىمشەسىنىڭ حالىق ساقشىسى تاي ءوماردىڭ بەلگىلەمەگە قايشى تارتۋ اقشاسىن الۋ ماسەلەسى. 2017-جىلى تاي ءومار ءوزىنىڭ جانە جۇبايىنىڭ تۋعان كۇنىن وتكىزۋ اتىمەن، ىلگەرىندى-كەيىندى ەكى رەت سىرتتان جۇمىس ىستەۋگە كەلگەن 9 ادامنان جالپى 2 مىڭ 700 يۋان تارتۋ اقشا العان. 2018-جىلى قاڭتاردا تاي ءومارعا (پارتيا مۇشەسى ەمەس) اكىمشىلىك ايىپ جازىلعان.
موڭعۇلكۇرە اۋداندىق جوبالاۋ مەكەمەسىنىڭ باستىعى جاڭ جينلۇڭنىڭ بەلگىلەمەگە قايشى قوناعاسىعا بارۋ ماسەلەسى. 2017-جىلى ماۋسىمدا، جاڭ جينلۇڭ بەلگىلەمەگە قايشىلىق جاساپ باسقارۋ جانە قىزمەت وتەۋ وبيەكتىسى شينجياڭ بەلگىلى جول-كوپىر شەكتى جاۋاپكەرلىك سەرىكتەستىگىنىڭ جاۋاپتىسى ۋاڭ فاميليالى ۇيىمداستىرعان قوناعاسىنا بارىپ، قوعامدا ناشار ىقپال تۋدىرعان. 2018-جىلى قاڭتاردا جاڭ جينلۇڭعا پارتيا ىشىندە ەسكەرتۋ جازاسى بەرىلدى.
ءان الەمى

جول توسىلىپ قالدى

تۇلپارىم