جاڭا حابارلار

ساۋان اۋدانى بيڭتۋان مەن جەرگىلىكتى ورىننىڭ توعىسپالى دامۋىن جەبەپ، قاقاعان قىستا جۇرتشىلىققا جىلۋلىق جەتكىزدى

    كەلۋ قاينارى: شينجياڭ حالىق راديو ىستانسياسى    2018-02-13 11:47:08  
جەڭىسحان اسقار ۇلى مەن اۋاحان تۇراپ قىزىنىڭ حابارىنا قۇلاق تۇرىڭىزدەر: بيڭتۋان مەن جەرگىلىكتى ورىن ەكونوميكاسىنىڭ دامۋىن ىلگەرىلەتىپ، مادەنيەت، قوعامدىق جاعداي، كادرلار مەن دارىندىلار جاعىنداعى توعىسپالى دامۋدىڭ تالابىنا ساي، جۋىقتا، ساۋان اۋدانى شىحىزى قالاسى 8-شىسنىڭ ءار سالاسىمەن اۋىس-كۇيىس جاساپ، ورتاق يگىلىكتەنۋدىڭ تەكشەسىن قۇردى.
جاقىنعى جىلداردان بەرى، ساۋان اۋدانى قىزمەتتەردى ورىستەتۋ بارىسىندا، بيڭتۋان مەن جەرگىلىكتى ورىننىڭ توعىسپالى دامۋى مەن ورتاق قۇرۋ تاماشا جاعدايىن قالىپتاستىردى.
شىحىزى قالالىق حالىق شيپاحاناسىنىڭ ماماندارى تاياۋدا نيۋجۋانزى مال فەرماسى مەن ۇلانۇس قالاشىعىنا بارىپ، دەنساۋلىق تەكسەرۋ، ەمدەۋ قىزمەتىن ورىستەتتى.
نيۋجۋانزى مال فەرماسىنىڭ مالشىسى قاينوللا جاعىباي ۇلى: «شىحىزى قالالىق حالىق شيپاحاناسىنىڭ ماماندارى قىستاعىمىزعا كەلىپ اقىسىز دەنساۋلىق تەكسەرىپ قانا قويماي، ماعان قان قىسىمىن ولشەيتىن اسپاپ بەردى، مەن بۇدان كەيىن ۇيىمدە وتىرىپ-اق، قان قىسمىمدى ولشەپ تۇراتىن بولدىم، بۇل مەن ءۇشىن وتە قولايلى بولدى»،-دەدى.
وسى رەتكى نەگىزگى ساتىداعى مالشىلاردىڭ دەنساۋلىعىن تەكسەرۋ قيمىلىندا شيپاگەرلەر باستىسى، تۇرعىنداردىڭ قان قىسىمىن ولشەپ، جۇرەك سوعۋىن تەكسەرىپ، B ءتيپتى اسىرە دىبس تولقىنى سياقتى اسپاپتاردان پايدالانىپ، اۋرۋ جاعدايىنا قاراي ۇيلەسىمدى ەمدەلۋ جونىندە شيپاگەرلىك كەڭەستەر بەردى.
شىحىزى حالىق شيپاحاناسىنىڭ ماماندارى وسى رەت تاعى نيۋجۋانزى مال فەرماسىنىڭ شيپاحاناسىنا قاتىستى ەمدەۋ اسپاپتارىن بەرىپ، نيۋجۋانزى مال فەرماسىنىڭ ەمدەۋ جابدىقتارىن جاڭالاپ، بۇدان بىلاي ەمدەۋ جاعىنان حالىق ءۇشىن ساپالى قىزمەت ىستەۋىنە بەرىك نەگىز قالادى.
ساۋان اۋدانى دەنساۋلىق ساقتاۋ، جوسپارلى تۋىت كوميتەتى پارتگرۋپپاسنىڭ مۇشەسى قايرات قىزىربەك ۇلى بىلاي دەدى: «بۇگىن شىحىزى قالالىق حالىق شيپاحاناسى مامانداردى ۇيىمداستىرىپ، ساۋان اۋدانى نيۋجۋانزى مال فەرماسىنا كەلىپ اقىسىز ەمدەۋ قيمىلىن ورىستەتۋ ارقىلى بيڭتۋان مەن جەرگىلىكتى ورىننىڭ توعىسپالى دامۋىن جەبەپ، سالالار بويىنشا كومەكتەسۋ قىزمەتىن بەلسەنە ورىستەتتى. وسى رەتكى قيمىلدىڭ بيڭتۋان مەن جەرگىلىكتى ورىننىڭ توعىسپالى دامۋ اياق الىسىن ونان ارى جەدەلدەتەتىنى داۋسىز».

بەرىپ كەت ورامالىڭدى

دوستار

الىستاعى اق ەركە