جاڭا حابارلار

شيحۋ قالاسى قىستاق تۇرعىندارىنىڭ ءۇيىنىڭ ىرگەسىندە ونەر ۇيرەنۋىنە مۇمكىندىك جاسادى

    كەلۋ قاينارى: شينجياڭ حالىق راديو ىستانسياسى    2018-02-13 11:49:16  
قالقابەك ماقسۇتحان ۇلى مەن ەرسىنگۇل تىلەۋحان قىزى حابارلايدى: ءوندىرىستىڭ قىسقى سايابىر مەزگىلىندە، شيحۋ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى تۇتاس قالاداعى اۋىل-قالاشىق، قىستاق-اترەتتەردە ەلەكترمەن دانەكەرلەۋ، اۆتوكولىك جۇرگىزۋ، بولكا-پراندىك بالكۇلشە پىسىرۋ، اسپازدىق، توقىما شەبەرلىگى سياقتى كاسىپ تۇرلەرى بويىنشا كۋرس اشىپ، قىستاق تۇرعىندارىنىڭ ءۇيىنىڭ ىرگەسىندە ونەر ۇيرەنۋىنە مۇمكىندىك جاسادى.
تاياۋدا، شيحۋ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى قالالىق حىڭبو كاسىپتىك تەحنيكاعا تاربيەلەۋ مەكتەبىندەگى وقىتۋشىلاردى ۇسىنىس ەتىپ، حاتۇبۇحى قالاشىعى حوتعور قىستاعىنا بارىپ، قىستاقتاعى ايەلدەرگە تىگىنشىلىك ونەرىن ۇيرەتتى.
قىستاق تۇرعىنى، حۋاڭ جينليڭ بىلاي دەدى: ءبىز بارلىعىمىز ءوندىرىستىڭ قىسقى سايابىر مەزگىلىندە تىگىنشىلىك ونەرىن ۇيرەنۋ ارقىلى كىرىسىمىزدى ارتتىرساق دەيمىز، قاتىستى ورىنداردىڭ بۇدان بىلاي وقىتۋشىلاردى كوپتەپ ۇسىنىس ەتىپ، وسىنداي قولدانىلمالى تەحنيكا مەن ونەر ۇيرەتۋىن ءۇمىت ەتەمىز.
شيحۋ قالاسى حوتعۇر قىستاعى اۋىل شارۋاشىلىعىن نەگىز ەتكەن قىستاق، ءار جىلى قاراشادان كەلەر جىلى ساۋىرگە دەيىنگى ەگىنشىلىكتىڭ سايابىر مەزگىلىندە شارۋالاردىڭ جاڭا تەحنيكا ۇيرەنۋىنە وراي تۋادى. شيحۋ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ەگىنشى-مالشىلاردىڭ قاجەتىنە قاراي، باعىتتامالى تۇردە ءتۇرلى كۋرستار اشىپ، قىستاق تۇرعىندارىنىڭ القاۋىنا بولەندى.
قىستاق تۇرعىنى لي يۋانيۋان بىلاي دەدى: ءوندىرىستىڭ قىسقى سايابىر كەزىندە، قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى بىزگە كاسىپتىك مەكتەپتەردىڭ وقىتۋشىلارىن ۇسىنىس ەتىپ تىگىنشىلىك ونەرىن ۇيرەتتى، بۇعان ءبىز ەرەكشە ريزالىعىمىزدى بىلدىرەمىز.
ۇعىسۋعا قاراعاندا، بيىل شيحۋ قالاسى 4 مىڭ ادامدى كۇرس اشىپ تاربيەلەيدى ەكەن، مۇنىڭ ىشىندە باسقا سالاعا ويىستىرىپ كاسىپتەندىرۋ، كاسىپ كوزىن اشۋ، كاسپورىندارعا جىبەرىپ تەحنيكالىق جاقتان تاربيەلەۋ سياقتى مازمۇندار بار ەكەن.

بەرىپ كەت ورامالىڭدى

دوستار

الىستاعى اق ەركە