جاڭا حابارلار

اۆتونوميالى رايوندىق ساياسي كەڭەس ورگانى قورىتىندىلاۋ، ماداقتاۋ - سيلاۋ جينالىسىن اشتى جانە «ۇلتتار ىنتىماعىنىڭ بەرەكەلى شاڭىراعى» تاقىرىبىندا كوكتەم مەرەكەسىن قارسى الۋ دوستىق قيمىلىن وتكىزدى

    كەلۋ قاينارى: شينجياڭ گازەتى    2018-02-13 20:10:23  
 ءتىلشىمىز لي ياڭ 11 - اقپاندا ۇرىمجىدەن حابارلايدى. 11 - اقپان تۇستەن بۇرىن اۆتونوميالى رايوندىق ساياسي كەڭەس ورگانى 2017 - جىلدىق قورىتىندىلاۋ، ماداقتاۋ - سيلاۋ جينالىسىن اشتى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ماجىلىسكە قاتىناستى ءارى ءسوز سويلەدى. ول مىنالاردى باسا دارىپتەدى: ساياسي كەڭەس ورگان كادرلارى باتىلدىقپەن اۋىر جۇك ارقالاپ، باتىلدىقپەن مىندەتتى ۇستىنە الىپ، باتىلدىقپەن جاۋاپكەرلىك ارقالاپ، قىزمەتتى اناعۇرلىم تىڭعىلىقتى ىستەپ، مىندەتتى اناعۇرلىم قۇلشىنا ادا ەتىپ، باس نىساناعا جاقسى بويسۇنىپ، جاقسى قىزمەت ەتىپ، جاڭا داۋىردە ساياسي كەڭەس قىزمەتىنىڭ جاڭا بەينەسىن، جاڭا تەبىنىن ايگىلەۋ كەرەك.
  نۇرلان ءابىلماجىن ۇلى مىنالاردى اتاپ كورسەتتى: وتكەن ءبىر جىلدا، ساياسي كەڭەس ورگان كادر - قىزمەتكەرلەرى «4 تانىمدى» كورنەكتى كۇشەيتىپ، قىزمەت ستيلىندە كورنەكتى بۇرىلىس جاساپ، جاۋاپكەرلىكتى كورنەكتى نىعايتتى، ورگاننىڭ ۇيىستىرۋ كۇشى، باۋراۋ كۇشى كورنەكتى كۇشەيدى. مۇنداي تاماشا جاعدايدى، ءسوزسىز، بارىنشا قاستەرلەپ، بارىنشا قورعاپ، مۇنان كەيىنگى قىزمەتتە بۇرىنعىداي جالعاستىرا بەرۋ كەرەك.
  نۇرلان ءابىلماجىن ۇلى مىنالاردى باسا دارىپتەدى: سەنىمدە ىسىلعان بولۋدى باتىل جۇزەگە اسىرۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن جاقسى ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن، وتە - موتە، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاقسى ۇيرەنىپ، دايەكتىلەندىرىپ، پارتيانىڭ جاسامپاز يدەيالارىمەن وي - سانانى ۇزدىكسىز قارۋلاندىرىپ، سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ادال سەنۋشىلەرى مەن تاباندى اتقارۋشىلارى بولۋ كەرەك. ساياسيدا ىسىلعان بولۋدى باتىل جۇزەگە اسىرۋ كەرەك. ساياسيدى دارىپتەۋ تالاپتارىن قاتاڭ تياناقتاندىرىپ، «4 تانىمدى» كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى ەڭ جوعارى ساياسي پرينسيپ جانە ءتۇبىرلى ساياسي قاعيدا ەتىپ اتقارىپ، شينجياڭ استانا بەيجيڭنەن شالعاي بولسا دا، ءبىزدىڭ تىلەگىمىزدىڭ قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن تىعىز ەتەنە بولۋىن، تىعىز بايلانىسۋىن باستان - اياق باتىل جۇزەگە اسىرۋىمىز كەرەك. جاۋاپكەرشىلىكتە ىسىلعان بولۋدى باتىل جۇزەگە اسىرۋ كەرەك. پارتياعا، وتانعا ءوزىن ارنايتىن، پارتيانىڭ، وتاننىڭ ءۇمىتىن اقتايتىن دەڭگەي جانە رۋحپەن نازاردى باس نىساناعا بۇلجىماستان شوعىرلاندىرىپ، ساياسي كەڭەستىڭ قىزمەت ءتاسىلى ارقىلى اۆتونوميالى رايوندىق پارتكومنىڭ ورنالاستىرۋلارىن، تالاپتارىن بۇلجىماستان ناقتى تياناقتاندىرۋ كەرەك. قابىلەتتە ىسىلعان بولۋدى باتىل جۇزەگە اسىرۋ كەرەك. ساياسي مەڭگەرۋ قابىلەتىن، تەكسەرۋ - زەرتتەۋ جۇرگىزۋ قابىلەتىن، بۇقارامەن بايلانىس جاساۋ قابىلەتىن، سەلبەسىپ بىرگە ىستەۋ قابىلەتىن جوعارىلاتۋعا ءمان بەرىپ، جاڭا ۇستانىمداردى دايەكتىلەندىرۋ، نازاردى جاڭا تالاپتارعا ۇيىستىرۋ، جاڭا ورنالاستىرۋلاردى تياناقتاندىرۋ قابىلەتىن جوعارىلاتىپ، ۇيرەنۋ، اماليات بارىسىندا مىندەتتى ادا ەتىپ، جاۋاپكەرلىك ارقالاۋ قابىلەت - ورەسىن ۇزدىكسىز جوعارىلاتۋ كەرەك. ستيلدە ىسىلعان بولۋدى باتىل جۇزەگە اسىرۋ كەرەك. توتەنشە جاۋاپكەرلىكتى قىزمەت ستيلىن ورناتىپ، حالىقتان، ۇيىمنان، زاڭ - تارتىپتەن يمەنىپ، شىنايى ادام بولىپ، شىنايى ءسوز سويلەپ، شىنايى ءىس ىستەپ، ورتالىقتىڭ «8 ءتۇرلى بەلگىلەمەسى» مەن ونى اتقارۋ ەرەجەسىن جاقسى تياناقتاندىرىپ، اۆتونوميالى رايوندىق پارتكومنىڭ اتقارۋ ادىستەرىن جاقسى تياناقتاندىرىپ، «وندى جاقسارتۋدى»، «ونعا رۇقسات ەتپەۋدى» جۇزەگە اسىرىپ، «4 ءتۇرلى بۇرىس ستيلدى»، «4 تەرىس پيعىلدى» باتىل جەڭىپ، ادال، كىرشىكسىز، جاۋاپكەرشىلىك ارقالايتىن ساياسي ورگانى مەن كادرلار قوسىنىن قۇرۋ كەرەك.
  نۇرلان ءابىلماجىن ۇلى مىنالاردى باسا دارىپتەدى: ساياسي كەڭەس ورگانى اۆتونوميالى رايوندىق پارتكومنىڭ كوكتەم مەرەكەسى كەزىندەگى ورنىقتىلىقتى قورعاۋ، اماندىققا كەپىلدىك ەتۋ جونىندەگى شەشىمدەرىن، ورنالاستىرۋلارىن جان - جاقتى جاقسى تياناقتاندىرىپ، كەزەكشىلىك، جەتەكشىلىك قىزمەتتەرىن كۇشەيتىپ، جاۋاپكەرلىكتى ءار تاراۋعا، ءار ادامعا دەيىن تياناقتاندىرىپ، ورنىقتىلىقتى قورعاۋ، اماندىققا كەپىلدىك ەتۋدە ساڭلاۋ بولماۋىنا، قاعىس قالار تۇس بولماۋىنا، اق تاڭداق بولماۋىنا كەپىلدىك ەتۋ كەرەك.
  وسىدان كەيىن اۆتونوميالى رايوندىق ساياسي كەڭەس ورگانى «ۇلتتار ىنتىماعىنىڭ بەرەكەلى شاڭىراعى» كوكتەم مەرەكەسىن قارسى الۋ دوستىق قيمىلىن وتكىزدى، نۇرلان ءابىلماجىن ۇلى مەن ورگانداعى ءار ۇلت كادر - قىزمەتكەرلەرى، ءار ۇلت، ءار سالا ساياسي كەڭەس مۇشەلەرى ءبىر اراعا باس قوسىپ، ادەبيەت - كوركەمونەر نومىرلەرىن بىرگە كورىپ، ۇلتتار ىنتىماعى ءانىن بىرگە شىرقاپ، ۇلتتار ىنتىماعى سۇيىسپەنشىلىگىن بىرگە اڭگىمە ەتتى. ارقا - جارقا اڭگىمە، شىعانداعان ءان، كوڭىلدى كۇلكى ءۇنى ىشىندە كوپشىلىكتىڭ تىلەگى تىعىز توعىسىپ، جاڭا جىلدى بىرگە قارسى الدى.

بەرىپ كەت ورامالىڭدى

دوستار

الىستاعى اق ەركە