جاڭا حابارلار

نۇرلان ءابىلماجىن ۇلى قارۋلى ساقشى شينجياڭ باس اترەتىنىڭ ۇرىمجىدە تۇراتىن بەلگىلى بولىمىندەگى وفيتسەر - جاۋىنگەرلەردەن حال سۇرادى

    كەلۋ قاينارى: شينجياڭ گازەتى    2018-02-16 20:15:13  

ءتىلشىمىز لي ياڭ 14 - اقپاندا ۇرىمجىدەن حابارلايدى. كوكتەم مەرەكەسى قارساڭىندا 14 - اقپان تۇستەن كەيىن اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى قارۋلى ساقشى شينجياڭ باس اترەتىنىڭ ۇرىمجىدە تۇراتىن بەلگىلى بولىمىندەگى وفيتسەر - جاۋىنگەرلەرگە امانداسا بارىپ، ولاردان حال سۇراپ، ولارعا مەرەكەلىك سالەم جولداپ، وسكەلەڭ قۇرمەت ءبىلدىرىپ، ارميا مەن حالىقتىڭ ەتەنە بايلانىسىن بىرگە اڭگىمەلەدى.

  حال سۇراعاندا نۇرلان ءابىلماجىن ۇلى قارۋلى ساقشى وفيتسەر - جاۋىنگەرلەرمەن ىقىلاستى بەينەدە قول الىستى ءارى ولارعا مەرەكەلىك ىزگى تىلەك ءبىلدىردى. ول ورتا اترەتتىڭ اسحاناسىنا كەلىپ جۋىقتان بەرگى تاماق جاعدايىن تاپتەشتەي سۇراپ ۇعىسىپ، ورتا اترەت كادرلارىنا مەرەكە كەزىندەگى تاماقتى جاقسى ورنالاستىرىپ، جاۋىنگەرلەردىڭ كوكتەم مەرەكەسىن شات مەرەيمەن وتكىزۋىنە مۇمكىندىك جاساۋدى تاپسىردى. وسىدان سوڭ نۇرلان ءابىلماجىن ۇلى شايقاس جۇرگىزۋ، مىندەت اتقارۋ كەزەكشىلىك بولمەسىنە كىرىپ، كەزەكشىلىك، مىندەتكە دايىندالۋ جاعدايىن ۇعىستى. ول تاعى دەنە تاربيە قيمىل بولمەسىن، ۇيرەنۋ بولمەسىن قاراپ تەكسەرىپ، بولىمنەن اسكەري جاتتىعۋدى مىقتى يگەرۋمەن بىرگە، يدەيالىق - ساياسي قىزمەتتى ويداعىداي ىستەپ، باتىل تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن جاۋىنگەرلەردىڭ وي - ساناسىن قارۋلاندىرۋدى تالاپ ەتتى.

  جاۋىنگەرلەر ۇيرەنۋ بولمەسىندە نۇرلان ءابىلماجىن ۇلى جاۋىنگەرلەرمەن شۇيىركەلەسە اڭگىمەلەسىپ، ىشكى وڭىرلەردەن كەلگەن جاۋىنگەرلەردەن شينجياڭنىڭ كليمات ورتاسىنا ۇيلەسە العان - الماعانىن، ءبولىمنىڭ تۇرمىسىنا كوندىگە العان - الماعانىن سۇراپ ۇعىستى. ول جاۋىنگەرلەرگە كوكتەم مەرەكەسى كەزىندە ۇيىندەگىلەرمەن تەلەفوندا سويلەسىپ، ەسەندىك سۇراسۋدى ءارى ءوزىنىڭ جاۋىنگەرلەردىڭ تۋىس - تۋعاندارىنا جولداعان مەرەكەلىك سالەمىن جەتكىزىپ قويۋدى تاپسىردى.

  نۇرلان ءابىلماجىن ۇلى مىنالاردى اتاپ كورسەتتى: وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم رايونىمىزداعى ءار ۇلت حالقىن ىنتىماقتاستىرىپ جانە باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى رۋحىن ىشكەرىلەي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، كەشەندى شارانى اتقارىپ، ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى ىستەپ، ءتۇرلى ىستەردە تىڭ ناتيجەلەرگە قول جەتكىزدى. اۆتونوميالى رايوندىق ساياسي كەڭەس ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، نازاردى باس نىساناعا شوعىرلاندىرىپ، فۋنكتسياسىن ادالدىقپەن اتقارىپ، ىرىقتى تۇردە جاۋاپكەرلىك ارقالاپ، ءىس تىندىرىپ، شينجياڭنىڭ ورنىقتىلىعىنا، دامۋىنا جۇرت تىلەگىن توعىستىرىپ، كۇش ۇيىستىرىپ، قوعام ورنىقتىلىعى مەن باياندى تىنىشتىقتى جەبەۋگە ماڭىزدى ۇلەس قوستى. وسى ناتيجەلەردى قارۋلى ساقشى شينجياڭ باس اترەتىنىڭ ۇرىمجىدە تۇراتىن بەلگىلى بولىمىندەگى وفيتسەر - جاۋىنگەرلەردىڭ قاجىرلى ەڭبەگىنەن بولە قاراۋعا بولمايدى. جاڭا ءبىر جىلدا قارۋلى ساقشى شينجياڭ باس اترەتىنىڭ ۇرىمجىدە تۇراتىن بەلگىلى بولىمىندەگى وفيتسەر - جاۋىنگەرلەردىڭ ءبولىمدى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن قارۋلاندىرۋعا تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي ۇيرەنىپ، دايەكتىلەندىرىپ، «4 تانىمدى» بەرىك ورناتىپ، قاشاندا ءتوراعا شي جينپيڭنىڭ قولباسشىلىعىنا قۇلاق اسىپ، ءتوراعا شي جينپيڭگە جاۋاپتى بولىپ، ءتوراعا شي جينپيڭدى الاڭسىز ەتىپ، جەدەل سايلاناتىن، سايلانسا سوعىسا الاتىن، سوعىسسا، ءسوز جوق، جەڭەتىن سايلاۋىت قوسىن، جاۋىنگەر جاساق دايىنداۋعا قۇلشىنىپ، پارتيانىڭ قولباسشىلىعىنا قۇلاق اساتىن، جەڭىستى شايقاس جۇرگىزەتىن، ستيلدە ۇزدىك ىسىلعان ءبولىم قۇرىپ، شەكارا ءوڭىردى قورعاۋدىڭ، مەملەكەت قورعانىسىن بەكەمدەۋدىڭ، ورنىقتىلىقتى قورعاۋدىڭ قۇرىش قورعانىن ورناتۋىن ءۇمىت ەتەمىن. وفيتسەر - جاۋىنگەرلەردىڭ تۇرعان جەرىن اتا مەكەنىنە بالاپ، بۇقارانى جاقىن جان اشىرىنداي كورىپ، شينجياڭنىڭ ورنىقتىلىق، دامۋ ىستەرىنە تىڭ دا بەلسەندى ۇلەس قوسۋىن تىلەيمىن.

  نۇرلان ءابىلماجىن ۇلى مىنالاردى اتاپ كورسەتتى: اۆتونوميالى رايوندىق ساياسي كەڭەس ورگانى سول جەردەگى بولىمدەرگە بۇرىنعىداي كوڭىل ءبولىپ، قولداۋ كورسەتىپ، ارميا مەن جەرگىلىكتى ورىن «ءبىر تۇتاس جۇيە» يدەياسىن بەرىك ورناتىپ، قارۋلى ساقشى ءبولىمى قۇرىلىسىنا بار كۇشپەن قولداۋ كورسەتىپ، ءبولىمدى جانە بارلىق وفيتسەر - جاۋىنگەرلەردى ۋايىمنان ارىلتىپ، ارميا مەن حالىقتىڭ ەتەنە بايلانىسىنىڭ جاڭا جاعدايىن ۇزبەي اشۋ كەرەك.  

 اۆتونوميالى رايوندىق ساياسي كەڭەستىڭ ورىنباسار ءتوراعاسى چىڭ جىنشان، ورىنباسار ءتوراعا، قوسىمشا باس حاتشى جاڭ بو حال سۇراۋدا بىرگە بولدى.


بەرىپ كەت ورامالىڭدى

دوستار

الىستاعى اق ەركە