جاڭا حابارلار

شەكسىز شاتتىققا بولەنىپ، مەرەكەنى قۋانىشپەن قارسى الدى

    كەلۋ قاينارى: شينجياڭ گازەتى    2018-02-18 17:12:08  

اۆتونوميالى رايوندىق پارتكومنىڭ بىرلىكساپ ءبولىمى «ۇلتتار ىنتىماعىنىڭ بەرەكەلى شاڭىراعى»

 اتىندا كوكتەم مەرەكەسىن قارسى الۋ بىرلەسكەن دوستىق قيمىلىن وتكىزدى

 شەكسىز شاتتىققا بولەنىپ، مەرەكەنى قۋانىشپەن قارسى الدى

 ءتىلشىمىز ميھىرگۇل عۇپۇر 12 - اقپاندا ۇرىمجىدەن حابارلايدى. 12 - اقپان تۇستەن كەيىن شينجياڭ ءىسلام مەدرەسەسىنىڭ زالىندا اۆتونوميالى رايوندىق پارتكوم بىرلىكساپ ءبولىمىنىڭ «ۇلتتار ىنتىماعىنىڭ بەرەكەلى شاڭىراعى» اتىنداعى كوكتەم مەرەكەسىن قارسى الۋ بىرلەسكەن دوستىق قيمىلى ءوتىپ، ايرىقشا دۋمانعا بولەندى. اۆتونوميالى رايوندىق پارتكوم بىرلىكساپ ءبولىمىنىڭ قىزمەتتەگى كادرلارى مەن دەمالىسقا، زەينەتكە شىققان قارت كادرلارى، ءارقايسى دەموكراتيالىق پارتيا - توپتاردىڭ شينجياڭداعى كوميتەتتەرى، شينجياڭ سوتسياليزم ينستيتۋتى، شينجياڭ ءىسلام مەدرەسەسى، اۆتونوميالى رايوندىق ۇلت، ءدىن ىستەرى كوميتەتى (ءدىن مەكەمەسى)، اۆتونوميالى رايوندىق ساۋدا - ونەركاسىپشىلەر بىرلەستىگى سياقتى ورىندارداعى ءار ۇلت كادر، جۇمىسشى - قىزمەتكەرلەر جانە اۆتونوميالى رايوننىڭ حالىق باسقارۋىنداعى كاسىپورىنداردىڭ ۋاكىلدەرى ءبىر اراعا باس قوسىپ، دوستىق سۇيىسپەنشىلىكتەرىن تىلگە تيەك ەتىپ، اڭگىمە دۇكەنىن قۇرىپ، ىنتىماقتى ارقاۋ ەتىپ، شەكسىز شاتتىققا بولەندى.

  اۆتونوميالى رايون «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتكەننەن بەرى، اۆتونوميالى رايوندىق پارتكومنىڭ بىرلىكساپ ءبولىمى كادرلار مەن جۇمىسشى - قىزمەتشىلەردى نەگىزگى ساتىعا ءتۇسىپ، تۋىستاسۋ قيمىلىن ورىستەتىپ، بۇقارامەن بىرگە تۇرۋعا، بىرگە تاماقتانۋعا، بىرگە ۇيرەنۋگە، بىرگە جۇمىس ىستەۋگە ۇيىمداستىرىپ، پارتيا مەن بۇقارانىڭ، كادرلار مەن بۇقارانىڭ قاتىناسىن ونان ارى قويۋلاتىپ، ارالاسۋدى، ىشتەسۋدى، توعىسۋدى جەبەپ، حالىق تىلەگىن كەڭ كولەمدە توعىستىردى. 2017 - جىلى 11 - جەلتوقساننان باستاپ بىرلىكساپ ءبولىمى كادرلار مەن جۇمىسشى - قىزمەتشىلەردى ىلگەرىندى - كەيىندى 3 توپقا ءبولىپ، كەلپىن اۋدانى يۇىرچي اۋىلىنىڭ ارايماق قىستاعىنا، تومول قىستاعىنا جانە گەزلىك قالاشىعىنىڭ گەزلىك قىستاعىنا جىبەرىپ، ۇلتتار ىنتىماعى «تۋىستاسۋ اپتالىعى» قيمىلىن ىشكەرىلەي ورىستەتتى.

  بىرلەسكەن دوستىق قيمىلى «ءبىزدىڭ شينجياڭ جاقسى جەر» دەگەن شاتتىق بيىمەن باستالدى، «تارتۋ» ءبيى كوپشىلىكتى ءبىر جەلپىندىرىپ تاستادى، شينجياڭ ءپىشان كروران ءان - ءبي - تەاتر ۇيىرمەسىنىڭ ۇيعۇر تىلىندەگى «پارتيانىڭ شاپاعاتىن ماڭگى ۇمىتپايمىن» دەگەن تاقپاق ويىنى تۇتاس كونسەرتتى جوعارى ورلەۋگە كوتەردى.  

 كوپشىلىك ءدامى ءتىل ۇيىرەتىن ءار ءتۇرلى تاعامداردان ءدام تاتا وتىرىپ، اقتارىلا اڭگىمە دۇكەن قۇردى، سۇيىسپەنشىلىكتەرى ونان ارى قويۋلاپ، جۇرەكتەرى ءبىر - بىرىمەن ونان ارى جاقىندادى.


بەرىپ كەت ورامالىڭدى

دوستار

الىستاعى اق ەركە