جاڭا حابارلار

قىزمەت اترەتىندەگىلەر «ۇلىتتار ىنتىماعىنىڭ بەرەكەلى شاڭىراعىندا» اتىنداعى شاعان مەركەسىن قارسى الۋ دوستىق قيمىلىن وتكىزدى

    كەلۋ قاينارى: شينجياڭ گازەتى    2018-02-22 13:10:12  
مايرا بەردىبەك قىزى حابارلايدى: جۋىردا، شىڭگىل اۋداندىق راديو-تەلەۆيزيا مەكەمەسىنەن ارال اۋىلىنىڭ لاستى قىستاعىنا تۇسكەن قىزمەت اترەتىندەگىلەر «ۇلىتتار ىنتىماعىنىڭ بەرەكەلى شاڭىراعىندا» اتىنداعى شاعان مەركەسىن قارسى الۋ دوستىق قيمىلىن وتكىزدى.
قيمىل بارىسندا، حالىق اراسىنداعى ونەرپازدار وزدەرى دايىنداعان باي مازمۇندى تارتىمدى ويىن نومىرلەرىن قويىپ، مەرەكە شاتتىعىنا شومدى. اۋداندىق راديو-تەلەۆيزيا مەكەمەسىنىڭ باسشىلارى، كادرلار مەن جۇمىسشى قىزمەتكەرلەر، قىستاقتىڭ كادرلارى مەن قىستاق تۇرعىندارى ويىندى تاماشالاي وتىرىپ، اڭگىمە دۇكەنىن قۇردى، قىستاق مادەنيەت ءۇيى دۋمانعا بولەندى.
شىڭگىل اۋداندىق راديو-تەلەۆيزيا مەكەمەسىنەن ارال اۋىلىنىڭ لاستى قىستاعىنا تۇسكەن قىزمەت اترەتىنىڭ باستىعى لي جيانگو بىلاي دەدى: «ءبىز شاعان مەرەكەسىن قۇتتىقتاۋ ماقساتىمەن بىرىككەن دوستىق قيمىلىن وتكىزۋ ارقىلى كادرلار مەن بۇقارا اراسىنداعى قاتىناستى قويۋلاتىپ، بەرەكە-بىرلىكتى نىعايتتىق. ءار ۇلت حالقى ىنتىماقتى، قوعامىمىز جاراسىمدى بولعاندا عانا قىستاعىمىز ءتىپتى دە گۇلدەنىپ كوركەيەدى».

بەرىپ كەت ورامالىڭدى

دوستار

الىستاعى اق ەركە