جاڭا حابارلار

قامداۋدىڭ قۇرىلىمدىق رەفورماسىن تەرەڭدەتىپ، شينجياڭنىڭ وزىق جاساۋ كاسىبىن قالىپتاستىرايىق

    كەلۋ قاينارى: شينجياڭ حالىق راديو ىستانسياسى    2018-02-22 13:21:18  

ستانسيامىزدىڭ تىلشىلەرى لي لۇڭ، ءشاي ليننىڭ جانە اقسۋ راديو ستانسياسىنىڭ ءتىلشىسى راميلا تۇرسىننىڭ حابارىن تىڭداڭىزدار: پارتيا 19-قۇرىلتايىنىڭ بايانداماسىندا، قامداۋ جاعىنداعى قۇرىلىمدىق رەفورمانى تەرەڭدەتىپ، جاساۋ كاسىبىندەگى قۇدىرەتتى ەل قۇرۋدى تەزدەتىپ، ەلىمىز كاسىبىنىڭ تۇتاس جەر شارى قۇن تىزبەگىنىڭ ورتا جانە جوعارى دەڭگەيىنە جەتۋىن جەبەۋ كەرەكتىگى اتاپ كورسەتىلدى. قازىر، رايونىمىزدىڭ جەر-جەرى، كاسىپورىندار وسى تاريحي ورايدى مىقتى يگەرىپ، اۆتوماتتى، زەردەلى تەحنيكا ەنگىزۋدى جانە ونى پايدالانۋدى تەزدەتىپ، ءداستۇرلى كاسىپتىڭ ساپالانۋ، دارەجەسىنىڭ جوعارىلاۋىن جەبەپ، شينجياڭنىڭ وزىق جاساۋ كاسىبىن قالىپتاستىرۋدا.
جاقىندا، گۋاڭجوۋ اۆتوموبيل توبىنىڭ جەڭىل اۆتوموبيل شەكتى سەرىكتەستىگى شينجياڭ نىسانىنىڭ جىلىنا 50 مىڭ اۆتوموبيل وندىرەتىن العاشقى مەرزىمدىك نەگىزگى تۇلعالىق ينجەنەرياسى ءبىتىپ ىسكە قوسىلىپ، رايونىمىزدىڭ ەلىمىزدەگى دەربەس ءونىم ماركاسى بار جەڭىل اۆتوموبيل ءوندىرۋ جاعىنداعى بوستىعىن تولتىردى.
كولەم جانە تەحنيكا جاعىندا ەلىمىز بويىنشا الدىڭعى ورىندى يەلەيتىن گۋاڭجوۋ اۆتوموبيل توبى، وسى رەت وزىق، زەردەلى ءوندىرىس لەنياسىن شينجياڭعا كەڭەيتتى، گۋاڭجوۋ اۆتوموبيل توبىنىڭ جەڭىل اۆتوموبيل شەكتى سەرىكتەستىگى شينجياڭ بولىمشەسى جاساۋ ءبولىمىنىڭ باستىعى لوۋ حايتيان بىلاي دەدى: زەردەلى، اۆتوماتتىءبىرسپىرا جابدىق پايدالاندىق، مۇندا اۆتوماتتى جۇرەتىن جەڭىل اۆتوموبيلدى الىپ ايتساق، جەر بەتىنە ماگنيتتى تاقتايشا جاپسىرىپ، چيپپەن مەڭگەرەمىز، ول ماگنيتتى تاقتايشا ارقىلى اۆتوماتتى توقتاپ، بوس كونتەينەردى اۆتوماتتى الىپ قايتادى. ءارى ماتورى بىرىكتىرىلگەن، جايشىلىقتا الدىمەن قوندىرعى ورناتىلعاننان كەيىن ماتور اۆتوموبيلگە ورناتىلادى، اۆتوموبيلمەن بىرىكتىرۋ قوندىرعىسى دا اۆتوماتتى، الىپ جۇرۋگە بولادى.
2017-جىلى اقسۋ توقىما ونەركاسىپ بازارىنا ورنالاسقان شينجياڭ جين-لەي-يۋان كيىم-كەشەك شەكتى سەرىكتەستىگى، دۇنيە ءجۇزى بويىنشا وزىق اۆتوماتتى، زەردەلى كومپيوتەر ءوندىرىس لەنياسىنان 96 سىن ەنگىزدى، ءارى ەلىمىزدەگى وزىق اۆتوماتتى قالىپ، جازۋ-دىبىسىقا الۋ اسپابى سياقتى جابدىقتاردى ەنگىزدى. سەرىكتەستىكتىڭ باس مەڭگەرۋشىسى جاڭ جيە، جاڭا جابدىقتاردىڭ ەنگىزىلۋى ءوندىرۋ ونىمدىلىگى مەن ەكونوميكالىق ونىمدىلىكتى بارىنشا جوعارلاتقانىن ايتا كەلىپ، بىلاي دەدى: بۇرىن وزىق جابدىق پەن دارىندى ەنگىزۋدىڭ الدىندا، سەرىكتەستىگىمىزدىڭ جىلدىق ءونىم قۇنى نەبارى 2 ميلليون يۋان بولاتىن. جابدىق پەن دارىندى ەنگىزگەننەن كەيىن، جىلدىق ءونىم قۇنى 4 تە 5 ميلليون يۋانعا جەتتى. پارتيا 19-قۇرىلتايىنىڭ بايانداماسىندا، ەلىمىز ەكونوميكاسىنىڭ جوعارى قارقىندى ارتۋ كەزەڭىنەن جوعارى ساپالى دامۋ كەزەڭىنە وتكەنى اتاپ كورسەتىلدى، توقىما كاسىپورىنىمىز جونىنەن العاندا ءتىپتى دە سولاي، ءبىز، ءسوزجوق، ساپا وتكەلىن مىقتى يگەرەمىز، ۇزبەي جاڭالىق اشۋ، جاڭا تەحنيكا، جاڭا ءوندىرىس لەنياسىن ەنگىزۋ ارقىلى كاسىپورىننىڭ مەملەكەتتىك، اۋەلى دۇنيە جۇزىلىك وزىق توقىما كاسىپورىنى دەڭگەيىنە جەتۋىنە كۇش سالامىز.
پارتيا 19-قۇرىلتايىنىڭ بايانداماسىندا بىلاي دەپ اتاپ كورسەتىلدى: وزىق جاساۋ كاسىبىنىڭ دامۋىن تەزدەتىپ، عالامتور، ءىرى ساندى مالىمەت، جاساندى زەردە جانە ناقتى تۇلعالىق ەكونوميكانىڭ بارىنشا توعىسۋىن ىلگەرىلەتىپ، ورتا جانە جوعارى دارەجەلى تۇتىنۋ، جاڭالىق اشۋ، ەنگىزۋ سياقتى سالادا تىڭ ارتۋ ءتۇيىنىن جەتىلدىرىپ، تىڭ قوزعاۋشى كۇش قالىپتاستىرۋ كەرەك. قازىر، شينجياڭنىڭ جۇمساق بولشەك باقشاسىنا جۇزدەن ارتىق جۇمساق بولشەك كاسىپورىنى كەلىپ ىرگە تەپتى، بۇل بۇلت ەسەپتەۋ، زات اينالىمى تورابى، ءىرى ساندى مالىمەت، جۇڭگو بەي-دوۋ جاساندى سەرىك جول سىلتەۋ جۇيەسىن پايدالانۋ سياقتى سالانى شارپيدى. جۇمساق بولشەك بازارى ساۋداگەر شاقىرۋ ءبولىمىنىڭ ورىنباسار باستىعى ۋاڭ شياۋگاڭ، الدا شارت-جاعداي جاراتۋ، بايلىقتى بىرىكتىرۋ ارقىلى جۇمساق بولشەك كاسىپورىندارىنىڭ ناقتىلى شارۋاشىلىقپەن تىعىز ۇشتاسۋىن تەزدەتىپ، ءداستۇرلى كاسىپتىڭ ساپالانۋىن، دارەجەسىنىڭ جوعارىلاۋىن قولدايتىندارىن ايتا كەلىپ، بىلاي دەدى: جۇمساق بولشەك باقشاسى ـــ وسى كاسىپورىنداردى نەداۋىر جاقسى كاسىپ تىزبەگى نەگىزىندە تۇرگە ءبولىپ، كاسىپورىن كاسىبىنە ساي، كاسىپ تىزبەگىندەگى كاسىپورىنداردى ۇشتاستىرىپ، ولاردىڭ بايلىقتان ورتاق يگىلىكتەنۋىنە جانە بىرىگۋىنە مۇمكىندىك جاساپ، جەتەكشى كاسىپ وداعىن قالىپتاستىرىپ، بازاردى بىرلىكتە اشىپ، وسى سالادا نەمەسە شينجياڭنىڭ بەلگىلى سالاسىندا تەحنيكا، دارىندى، ءونىم جاعىندا وزىق كاسىپورىنعا اينالۋعا كۇش سالادى.


بەرىپ كەت ورامالىڭدى

دوستار

الىستاعى اق ەركە