جاڭا حابارلار

قىزمەت اترەتىندەگىلەر وتباسىلارىن ارالاپ جاعداي ۇعىسىپ، كەدەيلىكتەن قۇتىلدىرۋدان قامال الۋدىڭ جوباسىن تاپتەشتەي جاسادى

    كەلۋ قاينارى: شينجياڭ حالىق راديو ىستانسياسى    2018-02-22 13:35:45  

جيناق حاباردى تىڭداڭىزدار: شاعان مەرەكەسى كەزىندە، رايونىمىزداعى ءار دارەجەلى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتتەرى وتباسىلارىن ارالاپ، ەگىنشى-مالشىلاردىڭ قيىنشىلىعىن، قاجەتىن ۇعىسىپ، كەدەيلىكتەن قۇتىلدىرۋدان قامال الۋ جوباسىن تىڭعىلىقتى جاسادى.
بىرنەشە كۇننەن بەرى، جەمسارى اۋداندىق قاتىناس تاسىمال مەكەمەسىنەن لاتاي اۋىلى ارگۇڭحى قىستاعىنا تۇسكەن قىزمەت اترەتىنىڭ مۇشەلەرى دەمالس ۋاقىتتارىن قايىرىپ قويىپ، وتباسىلارىن ارالاپ قىستاق تۇرعىندارىنىڭ قاجەتى مەن تىلەگىن ۇعىستى. قىستاق تۇرعىنى جاڭ رۇڭ بىلاي دەدى: شاعان مەرەكەسى كەزىندە ءار ءبىر وتباسىن ارالاپ 2018-جىلى نەنى ەگەتىندەرىن، نەنى ەگۋ قاجەت ەكەنىن، قايسى داقىلدان مول ءونىم الۋعا بولاتىنىن اقىلداستى. ەكونوميكالىق داقىلداردى كوپتەپ ەگىپ، باعىمشىلىقپەن شۇعىلدانۋعا ناسيحاتتادى، قىزمەت اترەتىنىڭ جەتەكشىلىگىندە اۋقاتتانىپ دوڭگەلەك داۋلەتتى دەڭگەيگە جەتۋگە كۇش سالامىز.
جەمسارى اۋداندىق قاتىناس تاسىمال مەكەمەسىنەن لاتاي اۋىلى ارگۇڭحى قىستاعىنا تۇسكەن قىزمەت اترەتىنىڭ باستىعى ۋاڭ شياۋحۋ بىلاي دەدى: 2017-جىلى، قىزمەت اترەتى قىستاققا 10 يگى ءىس جانە ناقتى ءىس ىستەپ بەردى ءارى قىستاقتىڭ ەكونوميكاسىن دامىتۋعا تاماشا نەگىز قالادى. 2018-جىلى وتباسىلارىن ارالاپ جاعداي ۇعىسۋ ارقىلى قىستاقتىڭ دامۋ وي جەلىسىن ايقىندادىق، قىستاققا ەگىس اتىزى، سۋ يگىلىگى قۇرىلىسى، ساياحاتتى دامىتۋ سياقتىلاردى قامتىعان 10 يگى ءىستى ىستەپ، بۇقارانىڭ اناعۇرلىم جاقسى تۇرمىس كەشىرۋىنە مۇمكىندىك جاسايمىز.
شاعاننىڭ 4-كۇنى تۇستەن بۇرىن، قۇلجا قالاسى بايانداي قالاشىعى تيەچاڭگۋ قىستاعىنىڭ تۇرعىنى گۇحربانىم جالەل وتباسىندا كورشىلەس قسىتاق تۇرعىندارى مەن وتباسىلارىن ارالاپ جاعداي ۇعىسىپ جۇرگەن قىزمەت اترەتىنىڭ مۇشەلەرى قورالانا وتىرىپ، وزگەرىستەردى، ويلارىن اڭگىمەلەپ، بولاشاق جونىندە كەڭەستى. گۇحربانىم جالەل وتباسىندا 6 جان بار، ەكى مۋعا تاياۋ جەرى بار، نەگىزىنەن جۇگەرى ەگەدى. بىلتىر قۇلجا قالالىق ساپانى تەحنيكالىق باقىلاۋ مەكەمەسىنەن قىستاققا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ كومەگىندە، گۇحربانىم جالەل وتباسى شاعىن دۇكەن اشىپ، ءبىر جىلدىق كىرىسى 10 مىڭ يۋاننان استى. ىلە وبىلىستىق ساپانى تەحنيكالىق باقىلاۋ مەكەمەسىنەن قۇلجا قالاسىنىڭ بايانداي قالاشىعى تيەچاڭگۋ قىستاعىنا تۇسكەن قىستاقتىڭ ءبىرىنشى شۋجيى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى يان شۋەفي بىلاي دەدى: بيىل قىستاق تۇرعىندارىنىڭ وتباسىنا بارىپ شاعانشىلاپ، كوپشىلىكتىڭ ءبىز جونىندەگى ۇسىنىس-پىكىرلەرىن تىڭدادىق، بيىل، جۇلدىز دارەجەلى قىستاق قۇرۋدى مىقتى يگەرىپ، ساياسي ساپاسى جوعارى، دامىتۋ قابىلەتى كۇشتى قىستاق كادرلارىن باۋليمىز. جۇمىسقا قىستاق تۇرعىندارى كوڭىل بولەتىن ىستەن باستاپ كىرىسىپ، حالىق تۇرمىسىن جاقسارتۋ جاعىندا كەيبىر ولقىلىقتاردى تولىقتاپ، تيەچاڭگۋ قىستاعىنىڭ كاسىپ ابىزالدىلىعىن تولىق ساۋلەلەندىرەمىز، ءىشنارا بۇقارانى سىرتقا شىعىپ جۇمىس ىستەۋگە، اۋىل شارۋاشىلىق كوپەراتيۆىن قۇرۋعا جەتەلەپ، بۇقارانىڭ كىرىسىن ارتتىرۋ قابلەتىن جوعارلاتىپ، ءورىسىن كەڭەيتەمىز.
باي اۋدانى سايرام قالاشىعى قاراعاش بۇلاق قىستاعى ــ بيىل باي اۋداندىق دامۋ-رەفورما كوميتەتى جاڭادان بارىپ تۇرعان قىستاق. شاعان مەرەكەسى كەزىندە قىستاقتا تۇرعان كادرلار وتباسىلارىن ارالاپ جاعداي ۇعىسۋ قىزمەتىن جالعاستى ورىستەتىپ، وتباسى جاعدايىن ەگجەي-تەگجەيلى ۇعىستى. قىستاقتا تۇرعان قىزمەت اترەتىنىڭ ورىنباسار باستىعى ۋاڭ لەي بىلاي دەدى: قىستاقتىڭ ءىس جۇزىندىك جاعدايىنا بىرلەستىرىپ، اۋلا شارۋاشىلىعىن كۇش سالا دامىتىپ، بۇقارانىڭ كىرىسىن ارتتىرۋ جاعىنداعى قيىن ماسەلەلەردى شەشەمىز، سونىمەن قاتار، حالىققا ناقتى ىستەر ىستەۋ جاعىندا قارجى توپتاپ، بۇقارانىڭ ساپارعا شىعاۋى قيىن بولۋ ماسەلەسىن شەشەمىز.


بەرىپ كەت ورامالىڭدى

دوستار

الىستاعى اق ەركە