جاڭا حابارلار

قارىمجىسى قايتارىلعان اعا-باۋىر سۇيىسپەنشىلىگى

    كەلۋ قاينارى: شينجياڭ حالىق راديو ىستانسياسى    2018-02-24 14:20:25  
ەرىكتى ءتىلشى رىن زىچياڭنىڭ حابارىن تىڭداڭىزدار: سانجى قالاسىنىڭ اشىلى اۋىلى شينفىڭ ساۋىن سيىر باعىمشىلىق كاسىپتىك سەلبەستىك كوپەراتيۆىنىڭ باس القاسى جاڭ فىڭ اۋقاتتانعاندا مالشى تۋىسقاندارىن ەستەن شىعارمادى، ونىڭ جەتەكتەۋىندە، اۋىلداعى مىڭعا جۋىق مالشى وتباسى ورتاق اۋقاتتانۋ جولىنا ءتۇستى.
شاعان قارساڭىندا، جاڭ فىڭ حۇڭگوۋ قىستاعىنداعى باعىمشىلىق شاعىن اۋماعىنا بارىپ، كوپشىلىككە مال بورداقىلاۋدىڭ عىلىمي ءادىسىن ءتۇسىندىردى. سونىمەن بىرگە، ول مالشىلاردىڭ باعىمشىلىقپەن شۇعىلدانۋىن قارجى جانە جەم-شوپپەن قامداپ، باقتاشىلاردىڭ ەرتەرەك اۋقاتتانۋىنا مۇمكىندىك جاسادى. ساۋلەت اتتى مالشى:«ول قويدىڭ اقشاسن بەرىپ، جەم-شوپپەن قامدادى، 200 قوي باعىپ وتىرمىن. 200 قويدان 30 مىڭ يۋاننان ارتىق پايدا تۇسكەلى تۇر»،-دەدى.
جاڭ فىڭ مەن جەرگىلىكتى مالشىلاردىڭ قارىم-قاتىناسىن وسىدان 20 جىل بۇرىنعى ىستەن باستاپ ايتۋعا تۋرا كەلەدى، كەزىندە، كەدەيلىكتەن قۇتىلۋ ءۇشىن، بيڭتۋان 6-شىسى جۇنحۋ ەگىس الاڭىنىڭ قىزمەتكەرى جاڭ فىڭ جەردى كوتەرمەگە الىپ ەگىنشىلىكپەن شۇعىلدانادى، ەڭ قينالعان كەزىندە وعان اشىلى اۋىلىنداعى مالشىلار قول ۇشىن بەرەدى. جاڭ فىڭ:« سول كەزدە اشىلى اۋىلىنداعى مالشىلار ماعان ەرەكشە سەندى، جەرىن كوتەرمەگە بەرىپ، جىل سوڭى بولعاندا ءبىراق ماياقىسىن سۇرايدى، مالشىلاردىڭ سەنىمى مەن كومەگى بولماسا، مەنىڭ بۇگىنگى كۇنىم بولماس ەدى. سوندىقتان، وسى قۇتتى مەكەندەگى، وسى اراداعى تۋىسقانداردىڭ جاقسىلىعىن قالاي قايتارۋدى ويلادىم»،-دەدى.
2008-جىلى ەگىنشىلىكتەن تۇڭعىش مول ونىمگە كەنەلگەن جاڭ فىڭ 3 ميلليون يۋان قارجى شىعارىپ، اشىلى اۋىلى نۇرجا قىستاعىندا شينفىڭ ساۋىن سيىر باعىمشىلىق كاسىپتىك سەلبەستىك كوپەراتيۆىن قۇرىپ، كوپەراتيۆكە قوسىلعان مالشىلاردىڭ مول پايداعا كەنەلۋىنە مۇمكىندىك جاسادى. كوپەراتيۆ مۇشەسى ەرپان اكبار:« كوپەراتيۆكە قوسقان بەس ساۋىن سيىرعا اي سايىن ءبىر مىڭ 500 يۋان بەرەدى، ايلىق ەڭبەكاقىم 3 مىڭ يۋان، جەردى كوتەرمەگە بەرۋ اقىسىن قوسقاندا، جىل سايىن 80 مىڭ يۋانداي كىرىس كىرەدى. جاقسى، جاقسى»،-دەدى.
6 جىلدىڭ الدىندا، مالشى قادىلجان جۇمان ۇلى قاتىناس شىرعالاڭنان كەمتار بولىپ، 80 مىڭ يۋان قارىزعا بۋىلادى. جاڭ فىڭ ونىڭ جاعدايىنان حابار تاپقاننان كەيىن قادىلجان جۇمان ۇلىن سەلبەستىك كوپەراتيۆىنىڭ قاقپاسىن قاراۋعا ورنالاستىرادى ءارى وعان باسپانا بەرەدى، سونىمەن بىرگە سەلبەستىك كوپەراتيۆىنىڭ جانىنان شاعىن دۇكەن اشۋىنا كومەكتەسەدى. سونىمەن قادىلجان جۇمان ۇلى كەدەيلىكتەن قۇتىلادى.
بۇگىنگى كۇندە، جاڭ فىڭ سەلبەستىك كوپەراتيۆىنە مۇشە 375 ءار ۇلت وتباسىنىڭ ورتاشا كىرىسى 80 مىڭ يۋاننان استى. مۇنان تىس، سەلبەستىك كوپەراتيۆى وسى توڭىرەكتەگى مىڭعا جۋىق مالشى وتباسىن اۋقاتتانۋ جولىنا تۇسۋگە باستاۋدا. جاڭ فىڭ: «مەن جاقسىلىققا جاقسىلىق ىستەيمىن. ولاردىڭ بارلىعى مەنىڭ اعايىندارىم، ءبىز ءسوزسىز بىرلىكتە اۋقاتتانامىز»،-دەدى.

بەرىپ كەت ورامالىڭدى

دوستار

الىستاعى اق ەركە