جاڭا حابارلار

اسىل تۇقىمدى سيىر باعىمشىلىعىن جالپىلاستىرىپ، مالشىلاردىڭ باعىمشىلىق كاسىبىن بارىنشا دامىتۋىنا مۇمكىندىك جاراتتى

    كەلۋ قاينارى: شينجياڭ حالىق راديو ىستانسياسى    2018-02-25 10:06:09  
ەرگۇل مۇقاتاي قىزى حابارلايدى: 2017-جىلى تارباعاتاي ايماقتىق پارتكوم بىرلىكساپ ءبولىمى، تارباعاتاي ايماقتىق ۇلت-ءدىن ىستەر كوميتەتى، ونەركاسىپ-ساۋدانى اكىمشىلىك جاقتان باسقارۋ مەكەمەسى سياقتى ورىندار بىرلەسىپ شاۋەشەك قالاسى قاراقاباق اۋىلى فەرما قىستاعىنا تۇسكەن قىزمەت اتىرەتى، ءداستۇرلى مال شارۋاشىلىعىمەن شۇعىلداناتىن وسى شالعايداعى، مالشىلارى بىتىراڭقى قونىستانعان قىستاقتىڭ ىسجۇزىندىك جاعدايىن شىعار ءتۇيىن ەتىپ، ءوز رولدارىن تولىق ساۋلەلەندىرىپ، ءبىر ميلليون 500 مىڭ يۋان نىسان قارجىسىنا قول جەتكىزىپ، اسىل تۇقىمدى سيىر باعىمشىلىعىن جالپىلاستىرىپ، مالشىلاردىڭ باعىمشىلىق كاسىبىن بارىنشا دامىتۋىنا مۇمكىندىك جاراتتى.
فەرما قىستاعىنىڭ ءبىرىنشى شۋجيى، قىزمەت اتىرەتىنىڭ باستىعى ۋاڭ گۋاڭشىڭ بىلاي دەدى: ءبىر ميلليون 500 مىڭ يۋان نىسان قارجىسىنا 344 باس اسىل تۇقىمدى سيىر ساتىپ الىپ 172 مالشى وتباسىنا ءۇش توپقا ءبولىپ تاراتىپ بەردىك، جەرلىك سيىرلاردى بىرتىندەپ ىرىكتەپ، ءوندىرىس قۇرىلىمىن رەتتەۋ ارقىلى، مالشىلاردى كەدەيلىكتەن ارىلتىپ، بايۋ جولىنا ءتۇسىرۋگە كۇش سالدىق.
وزدەرىنە تيگەن 2 باس سيردى جەتەكتەگەن مالشى اقىلبەك داۋىرقان ۇلى مەن جۇبايى بۇلبۇل مەللات قىزى دا قۋانشتارىن جاسىرا الماي: «پارتيانىڭ جاقسى ساياساتىنا راحىمەت، قىزمەت اتىرەتىندەگىلەردىڭ جاپالى ەڭبەكتەرىنە العىس ايتامىز»،-دەدى.

بەرىپ كەت ورامالىڭدى

دوستار

الىستاعى اق ەركە