جاڭا حابارلار

جەردى اينالىمعا سالۋ ارقىلى قىستاق تۇرعىندارىنىڭ اۋقاتتانىپ، دوڭگەلەك داۋلەتتى دەڭگەيگە جەتۋىنە كومەكتەستى

    كەلۋ قاينارى: شينجياڭ حالىق راديو ىستانسياسى    2018-02-26 18:36:11  
اۋات راديو ستانسياسىنىڭ تىلشىلەرى ۋاڭ جينشيا، شاڭ جىگاڭ، دىڭ شياۋجوۋلاردىڭ حابارىن تىڭداڭىزدار: «جىل ەسەبى كوكتەمدە» دەگەن. شاعان مەرەكەسى وتىسىمەن، شينجياڭ اۋىل شارۋاشىلىق ۋنيۆەرسيتەتىنەن اۋات اۋدانى بەسارىق قالاشىعى قۇمويلا قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەلەرى قىستاق تۇرعىندارىمەن بىرلىكتە جەر ولشەپ، الدا ورىستەتىلەتىن جەردى اينالىمعا سالۋ نىسانىنا ازىرلەندى. بيىل قىزمەت اترەتى جەردى اينالىمعا سالۋ ارقىلى ديحانداردىڭ جۇمىس ىستەپ، كىرىسىن ارتتىرۋدى جەبەۋ جاعىندا كەدەيلىكتەن قۇتىلدىرۋدان قامال الۋ جوباسىن تۇراقتاندىرىپ، قىرۋار قىزمەتتەردى كوكتەمگى ەگىس جۇمىسىنان بۇرىن ورىنداپ بولۋعا كۇش سالدى.
بيىلعى قۇمويلا قسىتاعىنداعى جەردى اينالىمعا سالۋ نىسانى 150 وتباسىنداعى تۇرعىنعا، ءبىر مىڭ 500 مۋ جەرگە سايادى، ويتكەنى بۇنى 150 وتباسىنداعى تۇرعىن تولىق داۋىسپەن قۇپتاپ وتىر. جەردى ولشەۋ قىزمەتى ءساتتى ورىستەتىلۋدە، قازىر تەڭ جارىمىنان ارتىعى ىستەلىپ بولدى. قىزمەت اترەتىنىڭ ورىنباسار باستىعى شايماردان ياقۇپ: ديحانداردى ەگىستىك جەردەن پايدالانىپ اۋقاتتانۋعا، جاستاردى سىرتقا شىعىپ ەڭبەك ىستەۋگە، اتتانىسقا كەلۋگە شابىتتاندىردىق،-دەدى.
جەر ديحانداردىڭ جان تامىرى، باستابىندا ديحاندار جەردى اينالىمعا سالعاننان كەيىن تۇرمىسىنىڭ قامتاماسىزدانباي قالۋىنان الاڭدادى. وسى سەبەپتى، قىزمەت اترەتىندەگىلەر وتباسىلارىن ارالاپ، قىستاق تۇرعىندارىنا ءتۇسىندىرۋ قىزمەتىن تىڭعىلىقتى جاساسا، ەندى ءبىر جاعىنان ديحانداردىڭ كاسىپتەنىپ، يگىلىك جاراتۋىنا ۇيلەسەتىن ەلەكتر دانەكەرلەۋ، اۆتوموبيل جوندەۋ، مال باعىمشىلىعى سياقتى شەبەرلىك كۋرسىن دە اشىپ، جاستاردىڭ بىرەر ونەر ۇيرەنۋىنە مۇمكىندىك جاسادى، بۇل كوپشىلىكتىك سەنىمىن بەكەمدەدى.
ەسەپ جاساۋ ناتيجەسىندە، قىستاق تۇرعىنى جۇماق ساۋىت جەردى اينالىمعا سالعاننان كەيىنگى تۇرمىسىنا ءدان ريزا ەكەنىن ايتا كەلىپ: اكەمنىڭ جانە ءوز وتباسىمنىڭ 15 مۋ جەرىن جالداماعا بەرگەننەن كەيىن، ءار مۋىنان ءبىر جىلدا 600 يۋان كىرىس كىرگىزىپ، جيىنى 9 مىڭ يۋان تابىس تابۋىما بولادى، سىرتقا شىعىپ ەڭبەك ىستەۋىمە نەمەسە ۇيدە قوي باعۋىما بولادى، ەكى جاقتىلى پايدا تابامىن، ەرەكشە قۋانىشتامىن،-دەدى.
كەشكى اسىن ءىشىپ بولا سالىپ، جەردى ولشەۋگە جاۋاپتى قىزمەت اترەتىنىڭ مۇشەلەرى مەن قىستاق كادرلارى سول كۇنگى قىزمەتتى تالقىلادى ءارى كۇندىزگى جەر ولشەۋ جاعدايىن تىزىمدەدى. بارلىق قىزمەتتى ىستەپ بولعانشا تۇنگى ساعات 11 بولدى. بيىل شايماردان ياحۇپتىڭ قسىتاقتا تۇرعان 3-جىلى، ول تىلشىگە بىلاي دەدى: قسىتاق تۇرعىندارىنىڭ باقىتى ءۇشىن قانشا ارىپ-شارشاسام دا ريزامىن، جەردى اينالىمعا سالعاننان كەيىن ديحاندارعا شەبەرلىك كۋرسىن اشامىز، بۇنى قىستاق تۇرعىندارىنىڭ ىنتاسىنا بىرلەستىرىپ ورىستەتەمىز، وسى ارقىلى ديحانداردىڭ ەكى جاقتىلى تابىس تاۋىپ، تەز اۋقاتتانۋىنا مۇمكىندىك جاسايمىز.

بەرىپ كەت ورامالىڭدى

دوستار

الىستاعى اق ەركە