جاڭا حابارلار

رايونىمىز اۋىل-قىستاقتاردى كوركەيتۋ ستراتەگياسىن ىشكەرلەي اتقارىپ، اۋىل-قىستاقتاردا ءبىرىنشى، ەكىنشى، ءۇشىنشى كاسىپتى توعىسپالى دامىتۋدى كۇش سالا جەبەدى

    كەلۋ قاينارى: شينجياڭ حالىق راديو ىستانسياسى    2018-02-27 12:29:15  

ستانسيامىزدىڭ جيناق حابارىن تىڭداڭىزدار: اۋىل شارۋاشىلىعى، اۋىل-قىستاق، ديحاندار ماسەلەسى حالىق شارۋاشىلىعى مەن ەل تۇرمىسىنا ساياتىن ءتۇبىرلى ماسەلە. پارتيا 19-قۇرىلتايىنىڭ بايانداماسىندا: اۋىل-قىستاقتاردى كوركەيتۋ ستراتەگياسىن اتقارىپ، اۋىل شارۋاشىلىعىنىڭ، اۋىل قىستاقتاردىڭ وسىزاماندانۋىن جەدەل ىلگەرلەتۋ كەرەك،-دەپ اتاپ كورسەتىلدى. كەزەكتە، رايونىمىزدىڭ جەر-جەرى اۋىل-قىستاقتاردا ءبىرىنشى، ەكىنشى، ءۇشىنشى كاسىپتى توعىسپالى دامىتۋدى كۇش سالا جەبەپ، اۋىل-قىستاقتاردى كوركەيتۋ ستراتەگياسىن جەدەل تياناقتاندىرۋدى بەلسەنە زەرتتەۋدە.
شاعان مەرەكەسى وتىسىمەن، جۇڭگوداعى ۇزىن تالشىقتى ماقتا مەكەنى اۋات اۋدانىنداعى شينجياڭ لۋتاي فىڭشۋ ماقتا كاسىبى شەكتى جارنا جاۋاپكەرلىك سەرىكتەستىگىنىڭ زاۆوتىندا ماشينالار گۇرىلدەپ، قىزمەتكەرلەر قاربالاس جۇمىس ىستەۋدە، مانەرلەنگەن تازا ماقتا ورامدارى توقىما سەحىنا جەتكىزىلىپ، ماقتا تالشىقتاۋ سياقتى 18 جۇمىس تارتىبىنەن كەيىن جاي ماقتالاردان جوعارى قوسىمشا قۇندى جىپتەر مانەرلەندى.
شينجياڭ لۋتاي فىڭشۋ ماقتا كاسىبى شەكتى جارنا جاۋاپكەرلىك سەرىكتەستىگى رايونىمىزداعى ماقتا كاسىپ تىزبەگىن جۇزەگە اسىراتىن كاسىپورىننىڭ ءبىرى، كاسىپورىن ماقتا سورتىن ءوسىرۋ، ەگۋدەن تارتىپ تازا ماقتا ءوندىرۋ، مانەرلەۋ، ونان ماقتا ءجىپ ءوندىرىپ ساتۋعا دەيىن ءبىرىنشى، ەكىنشى كاسىپتى تىعىز بىرىكتىردى. بىرىككەننەن كەيىنگى سەرىكتەستىك تاعى كوتەرمەگە العان وتباسىلارىمەن ەگۋ توقتامىنا قول قويىپ، تاپسىرىستى اۋىل شارۋاشىلىعىن دامىتىپ، «مۇددەدەن ورتاق يگىلىكتەنۋ، حاۋىپ-قاتەردى بىرگە ارقالاۋ» سىندى مۇددەلىك ورتاق تۇلعانى قالىپتاستىردى. اۋات اۋدانى فىڭشۋ اۋماعىن باسقارۋ كوميتەتى قۇمباسكول قىستاعىنداعى ارناۋلى ەگىمشىلىكپەن شۇعىلداناتىن وتباسى سامەت امەت تىلشىگە بىلاي دەدى: 200 مۋ جەرگە ماقتا ەكتىم، سەرىكتەستىك ماعان تەحنيكالىق جاقتان جەتەكشىلىك ەتتى، بۇرشاقتان قورعانۋ اۆتوموبيلىن ساتىپ الىپ بەرىپ، بۇرشاقتان قورعانىپ، اپات زيانىن ازايتۋدا زور رول اتقاردى؛ سونىمەن بىرگە ءىرى تۇرپاتتى تراكتور ساتىپ الىپ بەرىپ، ماشينالاندىرىپ جۇمىس جۇرگىزۋدى بەلسەنە جەبەدى، بۇنىڭ ماقتا ءونىم مولشەرىن جوعارىلاتۋدا زور سەپتىگى ءتيدى.
شينجياڭ لۋتاي فىڭشۋ ماقتا كاسىبى سەرىكتەستىگىنىڭ ورىنباسار باس مەڭگەرۋشىسى چىن تيانزى بىلاي دەدى: سەرىكتەستىك ءبىرىنشى، ەكىنشى كاسىپتى بىرىكتىرۋ ءتۇزىمىن اتقارعاننان كەيىن ديحاندارمەن بىرگە ەكى جاقتىلى تابىسقا جەتتى. كاسىپ تىزبەگىن كەڭەيتىپ، ءار توننا ماقتانىڭ تيىمدىلىگىن 2 مىڭ يۋاننان اسىرۋمەن بىرگە، ءونىمنىڭ جوعارى ساپالى بولۋىنا كەپىلدىك ەتتى.پارتيا 19-قۇرىلتايىنىڭ بايانداماسىندا: اۋىل-قىستاقتاردا ءبىرىنشى، ەكىنشى، ءۇشىنشى كاسىپتىڭ توعىسا دامۋىن جەبەپ، ديحانداردىڭ كاسىپتەنۋىن، يگىلىك جاراتۋىن قولداپ جانە شابىتتاندىرىپ، كاسىپتەنۋ ارناسىن كەڭەيتۋ كەرەك،-دەپ العا قويىلدى.ءبىز سەرىكتەستىك، ديحان، بازا بىرىككەن اۋىل شارۋاشىلىعىن كاسىپ سالالاندىرۋ ءتيجارات ۇلگىسىن كۇش سالا باستاپ اتقارىپ، جەرگىلىكتى ورىنداعى ەگىمشىلىكپەن شۇعىلداناتىن وتباسىلارىنان، ماڭىنداعى جەردى باسقاراتىن جۇمىسشىلاردان، ماقتا تەرەتىندەردەن جيىنى 30 مىڭنان استام ادامدى جەبەدىك؛ سەرىكتەستىكتىڭ توقىما ءجىپ زاۆوتى جەرگىلىكتى ورىننان ءبىر مىڭ 200 دەن ارتىق ادامدى كاسىپتەنۋگە باۋرادى.
2018-جىلعى ورتالىقتىڭ ءبىرىنشى ءنومىرلى حۇجاتىندا اۋىل-قىستاقتاردى كوركەيتۋ ستراتەگياسىنا جاپپاي ورنالاستىرۋ جاسالدى.حۇجاتتا مىنالار اتاپ كورسەتىلدى: اۋىل-قىستاقتاردا ءبىرىنشى، ەكىنشى، ءۇشىنشى كاسىپتى توعىسپالى دامىتۋ جۇيەسىن قۇرىپ، اۋىل شارۋاشىلىعىنىڭ كوپ نەگىزدى رولىن كۇش سالا ساۋلەلەندىرىپ، كاسىپ تىزبەگىن ۇزارتىپ، قۇن تىزبەگىن جوعارىلاتىپ، مۇددە تىزبەگىن جاقسارتىپ، ديحانداردى تۇتاس كاسىپ تىزبەگىنىڭ ارتقان قۇن تيىمدىلىگىنەن ۇيلەسىمدى يگىلىكتەندىرۋ قاجەت.ەلەكتروندى ساۋدا ىستەرىن اۋىل-قىستاقتارعا جەتكىزۋ امبەباپ ۇلگىسىن ىشكەرلەي اتقارىپ، اۋىل-قىستاق اينالىمىن وسىزامانداندىرۋدى جەدەل ىلگەرلەتۋ كەرەك.
بىرنەشە كۇننەن بەرى، قۇلجا قالاسىنىڭ دادامتۇ اۋىلىنداعى ىلە زاۋفۋ ازىق-تۇلىك مانەرلەۋ شەكتى جارنا جاۋاپكەرلىك سەرىكتەستىگىنىڭ زاۆوتى اسا قاربالاس بولدى، جۇمىسشى-قىزمەتكەرلەر ۇستەمەلەپ ىستەپ، ەلىمىزدىڭ جەر-جەرىنەن كەلگەن تاپسىرىستى ازىق-تۇلىكتەردى وندىرۋدە.بيىل، سەرىكتەستىك جاڭعاق قىستىرىلعان شىلان ونىمدەرىن شىلاننىڭ قاباتتالعان جەلىلەس ونىمدەرى، ورىكتىڭ قاباتتالعان جەلىلەس ونىمدەرى، ورىك ورالعان جەلىلەس ونىمدەر سياقتى 3 ۇلكەن تۇردەگى 10 تۇردەن ارتىق ءونىم تۇرىنە كەڭەيتتى، سونىمەن بىرگە، ەلەكتروندى ساۋدا ونىمدەرىن ساتۋ جولدارىن جالعاستى كەڭەيتتى.سەرىكتەستىكتىڭ جاۋاپتىسى يۋان جيشىڭ بىلاي دەدى: بيىل كاسىپورىن ەلەكتروندى ساۋدا سالاسىن ءتۇيىندى دامىتادى. ەلەكتروندى ساۋدا نەگىزىنەن مىناداي ەكى بولەككە بولىنەدى، ءبىرىنشى، سەرىكتەستىگىمىزدىڭ ونىمدەرىن ساتادى، ەندى ءبىر جاعىنان جەرگىلىكتى ورىنداعى ديحانداردىڭ اۋىل شارۋاشىلىق ونىمدەرىن ساتۋىنا، نەگىزىنەن قالا ىشىنە جونەلتۋىنە كومەكتەسەدى.قازىر، ءۇنحات الەۋمەتتىك تەكشەسى قۇرىلىپ، ىلگەرلەتۋ جوباسى جاسالدى، بيىل 40 ادامدى ورنىقتى كاسىپتەندىرىپ، ءونىم قۇنىن 10 ميلليون يۋاننان اسىرۋعا كۇش سالادى.
بيىل قۇلجا قالاسى دادامتۇ اۋىلى اۋىل-قىستاق ەلەكتروندى ساۋدا ىستەرىن دامىتۋدى اۋىل شارۋاشىلىعىن دامىتۋداعى تىڭ باعىت ەتتى، نىساندى اتقارۋ كومەك قاراجاتىن ءوتىنىش ەتۋ ارقىلى ورتا، شاعىن كاسىپورىنداردى قولداپ، اناعۇرلىم كوپ تۇرعىنداردى كاسىپتەنۋگە جانە اۋىل شارۋاشىلىق ونىمدەرىن ساتۋعا باستادى.قازىرگە دەيىن 85 ورتا، شاعىن كاسىپورىندى باۋراپ، 300 دەن استام قىستاق تۇرعىنىنىڭ ورنىقتى كاسىپتەنۋىن جەبەدى.
پارتيا 19-قۇرىلتايىنىڭ بايانداماسىندا: اۋىل-قىستاقتى كوركەيتۋ ستراتەگياسىن اتقارۋدا جاڭاشا اۋىل شارۋاشىلىق ءتيجارات نەگىزگى تۇلعاسىن جەتىلدىرىپ، ۇساق ديحان وتباسى مەن وسىزامانعى اۋىل شارۋاشىلىعىن دامىتۋدى تىعىز ۇشتاستىرىپ، ديحانداردى كاسىپتەنىپ، يگىلىك جاراتۋعا شابىتتاندىرىپ، كاسىپتەنۋ ارناسىن كەڭەيتىپ، اۋىل شارۋاشىلىعىن تۇسىنەتىن، اۋىل-قىستاقتى، ديحانداردى سۇيەتىن «اۋىل شارۋاشىلىعى، اۋىل-قىستاق، ديحاندار» قىزمەت قوسىنىن قۇرۋ كەرەك،-دەپ العا قويىلدى.
قازىر، سولتۇستىك شينجياڭنىڭ جەر-جەرىندە قىستىڭ ىزعارى قايتا قويعان جوق، دەسەدە جىڭ اۋدانى ماندانبۇلاق اۋىلى شينجۋاڭ قىستاعىنداعى فىڭجىيۋان جەمىس-جيدەك، كوكونىس بازاسىنداعى جىپ-جىلى سۋلياۋ توبەلى شاتىردا بۇلدىرگەن مەن ساڭىراۋقۇلاق ءبىر سورەدە ءوسىپ-ونۋدە، مۇنداي پىشىندىك ءوسىرۋ ءتاسىلى جىلى شاتىردىڭ تيىمدىلىگىن زور مولشەردە جوعارىلاتادى.جەمىس-جيدەك، كوكونىس بازاسىنىڭ قوجايىنى رىن ۋىنشيا وسىدان ىلگەرى جاي ديحان بولاتىن، جەمىس-جيدەك، كوكونىس ءوسىرۋدىڭ جاڭا تەحنيكاسىن ۇيرەنىپ يگەرگەننەن كەيىن ءوز الدىندا جىلى شاتىرى بولعانىن ءارى ەكولوگيالىق قىستاقتى جوسپارلاپ قۇرعانىن ايتا كەلىپ بىلاي دەدى: قاراپايىم ەگۋدەن باستاپ بازار وزگەرىسىنە سايكەستىم، بىرتىندەپ بۇرىلىس جاساۋ بارىسىندا ەكولوگيالىق قىستاق قۇرىپ، ساياحات كورىنىسكە ويىستىم، ساياحات كورىنىس بىزگە اناعۇرلىم كوپ تيىمدىلىكتەر اكەلىپ، بۇرىنعىدان دا كوپ ادامداردى تابىس تابۋعا باستادى.


بەرىپ كەت ورامالىڭدى

دوستار

الىستاعى اق ەركە