جاڭا حابارلار

جاڭا ءداۋىردى جىرلاپ، حالىق ءۇشىن ىستەۋدەن جازبادى

    كەلۋ قاينارى: شينجياڭ گازەتى    2018-02-27 17:56:49  

ءتىلشىمىز مايگۇل ايتقازى قىزى

  باس شۋجي شي جينپيڭ پارتيا 19 - قۇرىلتايىنىڭ بايانداماسىندا: «يدەولوگيا مادەنيەتتىڭ العا باسۋ بەتالىسى مەن دامۋ جولىن بەلگىلەيدى، ءسوز جوق، ماركسيزمنىڭ جۇڭگوشالانۋىن، زامانالانۋىن، بۇقارالانۋىن ىلگەرىلەتىپ، قۇدىرەتتى ۇيىسۋ قۋاتقا جانە جەتەكشىلىك قۋاتقا يە سوتسياليستىك يدەولوگيا ورناتىپ، جالپى حالىقتىڭ مۇرات - سەنىم، قۇن كوزقاراسى، ءمورال كوزقاراسى جاعىندا تىعىز ىنتىماقتاسۋىنا مۇمكىندىك جاساۋ كەرەك»، - دەپ اتاپ كورسەتتى.
  مادەنيەت − ءبىر مەملەكەتتىڭ، ءبىر ۇلتتىڭ رۋحى. مادەنيەت گۇلدەنسە، مەملەكەت گۇلدەنەدى، مادەنيەت قۇدىرەتتەنسە، ۇلت قۇدىرەتتەنەدى.
  2017 - جىلدان بەرى، اۆتونوميالى رايوندىق ادەبيەت - كوركەمونەرشىلەر بىرلەستىگى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، يدەولوگيا قىزمەتىنىڭ جاۋاپكەرلىك ءتۇزىمىن باتىل دايەكتىلەندىرىپ، تياناقتاندىرىپ، الۋان ءتۇرلى شارالارمەن تۇتاس رايونىمىزدىڭ ادەبيەت - كوركەمونەرشىلەر بىرلەستىگى قىزمەتى مەن ادەبيەت - كوركەمونەر ىستەرىنىڭ دامۋىن كۇش سالا ىلگەرىلەتتى.
  وي - سانانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن قارۋلاندىردى
  2017 - جىلدان بەرى، اۆتونوميالى رايوندىق ادەبيەت - كوركەمونەرشىلەر بىرلەستىگى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى، تياناقتاندىرۋدى كەلەلى ساياسي مىندەت رەتىندە قاراپ، مۇقيات ۇيىمداستىرىپ، ۇيرەنىپ، ءار ۇلت ادەبيەت - كوركەمونەر قىزمەتكەرلەرىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتۋگە باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي، ناقتى، كوڭىلگە ۇيالاتا ۇيرەنۋدى، ۇگىتتەۋدى، دايەكتىلەندىرۋدى ۇزبەي ىلگەرىلەتتى.
  بيىل 2 - اقپاننان 4 - اقپانعا دەيىن اۆتونوميالى رايوندىق ادەبيەت - كوركەمونەرشىلەر بىرلەستىگى شينجياڭ مۋزيكانتتار قوعامى، بيشىلەر قوعامى قاتارلى ورىنداردان ۇيىمداسقان ادەبيەت - كوركەمونەرشىلەر شاعىن اترەتىن قاشقاردىڭ ماكىت، مارالباسى، ياركەن اۋداندارىنا جىبەرىپ، وسى 3 اۋداننىڭ 6 اۋىل - قىستاعىندا «ءبىزدىڭ جۇڭگو ارمانىمىز» − مادەنيەتتى سان مىڭداعان وتباسىنا جەتكىزۋ قيمىلىن ورىستەتتى، ادەبيەت - كوركەمونەرشىلەر شاعىن اترەتى قىستاقتاردا ويىن قويعان كەزدە پارتيا 19 - قۇرىلتايىنىڭ رۋحى سياقتى مازمۇندارمەن بىرلەستىرىپ، قىستاق تۇرعىندارىنا ۇگىت - لەكسيا جاسادى.
  جاڭا جىل وتە سالىسىمەن اۆتونوميالى رايوندىق ادەبيەت - كوركەمونەرشىلەر بىرلەستىگى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن اناعۇرلىم تەرەڭدەي ۇگىتتەۋ، دايەكتىلەندىرۋ ءۇشىن، وسىنداي شاعىن اترەتتەن 10 نەشەسىن ۇيىمداستىرىپ، ولاردى نەگىزگى ساتىلارعا قيمىل ورىستەتۋگە جىبەردى.
  2017 - جىلى ماۋسىم ايىندا اۆتونوميالى رايوندىق ادەبيەت - كوركەمونەرشىلەر بىرلەستىگى شينجياڭ ونەرپازدار قوعامى مەن شينجياڭ ادەبيەت - كوركەمونەر سىنشىلارى قوعامىن جاڭادان قۇردى. ادەبيەت - كوركەمونەر سىنشىلارى قوعامى سياقتى جاڭا قوعامداردى قۇرۋ ارقىلى، ەڭ اۋەلى، ادەبيەت - كوركەمونەرشىلەردىڭ وي - ساناسىن نازاريامەن قارۋلاندىرۋدى قىزمەتتىڭ ءتۇيىنى ەتتى. 21 - قاراشادا شينجياڭ ادەبيەت - كوركەمونەر سىنشىلارى قوعامى «شينجياڭ ادەبيەت - كوركەمونەر سىنشىلارىنىڭ پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ اڭگىمە ءماجىلىسىن» اشىپ، مۇشەلەردى پارتيا 19 - قۇرىلتاي رۋحىن ىشكەرىلەي ۇيرەنۋگە جەتەكتەدى.
  2017 - جىلى اۆتونوميالى رايوندىق ادەبيەت - كوركەمونەرشىلەر بىرلەستىگى نەگىزگى ساتىلاردى بەتكە الىپ، ادەبيەت جاسامپازدىعى (ادەبي اۋدارما)، مۋزيكا، ءبي، كينو، سەرىك ويىنى، حاتكەرلىك، كوركەمونەر، حالىقتىق ونەر جانە فوتو سۋرەتشىلىك سياقتى كاسىپتەر بويىنشا 35 رەت كۋرس اشىپ، جالپى 4700 ادام (رەت) تاربيەلەپ، نەگىزگى ساتىداعى قالىڭ ادەبيەت - كوركەمونەر قىزمەتكەرلەرىن ساياسي جاقتان جەتەلەۋدى بارىنشا كۇشەيتتى.
  حالىقتى وزەك ەتۋگە تاباندى بولدى
  اۆتونوميالى رايوندىق ادەبيەت - كوركەمونەرشىلەر بىرلەستىگى نازاردى باس نىساناعا شوعىرلاندىرۋدىڭ، «كەشەندى شارالاردى» ويداعىداي اتقارۋدىڭ ءتۇرلى ورنالاستىرۋلارىندا حالىقتى وزەك ەتۋ سىندى قىزمەت بەتالىسىنان جازباي، ادەبيەت - كوركەمونەردىڭ حالىق ءۇشىن، سوتسياليزم ءۇشىن قىزمەت ەتۋ ورەسىن ۇزدىكسىز جوعارىلاتتى. رايونىمىزداعى قالىڭ ادەبيەت - كوركەمونەرشىلەر اندەرىمەن كۇش ۇيىستىرىپ، بيلەرىمەن شىنايى سەزىمدى جەتكىزىپ، قىل قالامدارىمەن كوركەم تۇرمىستى بەدەرلەپ، فوتو اپپارات سۋرەتتەرىمەن جان تەبىرەنتىپ، حالىقتىڭ ۇلى امالياتىن جىرلاپ، ءداۋىردىڭ العا باسقان اياق الىسىن ەستەلىككە الدى.
  2017 - جىلى مامىردا اۆتونوميالى رايوندىق ادەبيەت - كوركەمونەرشىلەر بىرلەستىگى ءبىر توپ ەرىكتىلەر قىزمەت وتەۋ اترەتىن اۋىل - قىستاقتارعا جىبەرىپ، حالىق اراسىنا بارىپ قىزمەت وتەۋ قيمىلىن ورىستەتتى.
  9 - مامىردا شينجياڭ كوركەمونەرشىلەر قوعامى ادەبيەت - كوركەمونەر ەرىكتىلەرى قىزمەت وتەۋ اترەتىن ماكىت اۋدانى بازار ءجامي اۋىلى قوساعىن قىستاعىنا جىبەردى. ماكىت اۋدانى ايگىلى دولان شارۋالار سۋرەتى مەكەنى، قويۋ مادەنيەت تۇسىنە يە، كوركەمونەرشىلەردىڭ كەلۋى ءومىردى، كوركەمونەردى قىزۋ سۇيەتىن قىستاق تۇرعىندارىنىڭ ىنتاسىن جالىنداتتى. قيمىل بارىسىندا گۇڭ جيانشين، كۋاي جىنميڭ قاتارلى ءبىر توپ كوركەمونەرشى قىستاق تۇرعىندارىنا ءبىر رەتكى جاندى سۋرەت ساباعىن ءوتتى. ولار ءبىر جاعىنان سۋرەت سىزىپ، ءبىر جاعىنان ءتۇسىندىردى، سونىمەن قوسا كوپتەگەن قىستاق تۇرعىندارىنىڭ پورترەتىن سىزىپ بەردى.
  22 - مامىردا شينجياڭ فوتوشىلار قوعامى «ءبىر ءۇيلى جاندى» سۋرەتكە ءتۇسىرۋ قيمىلىن ۇيىمداستىرىپ، ءۇرىمجى قالاسى ميدۇڭ رايونى گۋمۋدي قالاشىعى شيگۇڭ قىستاعىنا بارىپ، شيگۇڭ قىستاعىنداعى ۇلتتار ىنتىماعى ۇلگىلەرىنىڭ 30دان استام «ءبىر ءۇيلى جان» سۋرەتىن ءتۇسىرىپ، ۇلكەيتىپ جۋدىرىپ، رامكاعا سالىپ، ءار وتباسىنا اپارىپ بەردى.

  «23 - مامىر» جۇڭگو ادەبيەت - كوركەمونەرشىلەر ەرىكتىلەرى قىزمەت وتەۋ كۇنىنىڭ الدى - ارتىندا اۆتونوميالى رايوندىق ادەبيەت - كوركەمونەرشىلەر بىرلەستىگى ادەبيەت - كوركەمونەرشىلەر ەرىكتىلەرىن حالىق اراسىنا بارىپ ادەبيەت - كوركەمونەر جونىندە ەرىكتى قىزمەت وتەۋ قيمىلىنا ۇيىمداستىرىپ، ءۇرىمجى، قاشقار، شىحىزى، تارباعاتاي، التاي قاتارلى جەرلەردە 34 مايدان «نەگىزگى ساتىعا شاتتىق جەتكىزۋ» تاقىرىبىندا حال سۇراۋ ويىن قويۋ قيمىلىن وتكىزدى، 30 مىڭنان استام كورەرمەن ويىندى تاماشالادى.
  14 - تامىزدا شينجياڭ ونەرپازدار قوعامىنىڭ ويىن قويۋ شاعىن اترەتى ءدوربىلجىن اۋدانىنا بارىپ، «مادەنيەت جەتكىزۋ، شاتتىق باعىشتاۋ» تاقىرىبىندا ادەبيەت - كوركەمونەر ويىنىن قويدى. اسەم اندەر، تاماشا بيلەر، كۇلدىرگى ويىندارى ءار ۇلت كورەرمەندەرىن جەلپىنتىپ تاستادى. بۇل ويىن نومىرلەر نەگىزگى ساتىداعى ءار ۇلت بۇقاراسىنىڭ رۋحاني مادەنيەت تۇرمىسىن بايىتۋمەن بىرگە، بەلسەنە العا باسقان مادەنيەت قيمىلدارى ارقىلى ءار ۇلت بۇقاراسىنىڭ كوز اياسىن كەڭەيتىپ، كوزقاراسىن جاڭالادى.
  سوتسياليستىك ادەبيەت - كوركەمونەردى گۇلدەندىرىپ، ءتىپتى دە كوپ تاڭداۋلى تۋىندىلار شىعاردى
  2017 - جىلدىڭ باسىندا شات حابارلار ارت - ارتىنان تارالدى. اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ «باتىس بولىك» جۋرنالىندا جاريالانعان 4 ولەڭ جۇڭگو جازۋشىلار قوعامىنىڭ تۋىندى جاراتۋ - زەرتتەۋ ءبولىمى تاڭداپ قۇراستىرعان «2016 - جىلعى جۇڭگونىڭ تاڭدامالى ولەڭدەرى» الماناعىنا ەنگىزىلدى، «باتىس بولىك» جۋرنالىندا جاريالانعان حان ماننىڭ «جۇلدىزدار» اتتى شالقىماسى 2017 - جىلعى تۇڭعىش كەزەكتى «سۇن لي شالقىما سيلىعىن» الدى.
  2017 - جىلى اۆتونوميالى رايوندىق ادەبيەت - كوركەمونەرشىلەر بىرلەستىگى نازاردى باس نىساناعا شوعىرلاندىرىپ، ادەبي جاسامپازدىقتى، سارا تۋىندى شىعارۋدى مىقتى يگەرۋدى ماڭىزدى قىزمەت رەتىندە ىلگەرىلەتتى. بىلتىر قىركۇيەكتىڭ سوڭىندا 14 - كەزەكتى رۋحاني وركەنيەت قۇرىلىسىنىڭ «5 ءبىر ينجەنەرياسى» سيلىعىنىڭ يەگەرلەرى جاريالاندى. رايونىمىز تۇسىرگەن «تاكلاماكانداعى ناعىرا ءۇنى» كينو فيلمى «5 ءبىر ينجەنەرياسىنىڭ» تاڭداۋلى تۋىندى سيلىعىن الدى.
  بىلتىر اۆتونوميالى رايوندىق ادەبيەت - كوركەمونەرشىلەر بىرلەستىگى جۇڭگو ادەبيەت - كوركەمونەرشىلەر بىرلەستىگىنە «جۇڭگو رۋحى. جۇڭگو ارمانى»، «جاستاردىڭ ادەبيەت - كوركەمونەر جاسامپازدىعىن سۇيەمەلدەۋ جوسپارى»، «ومىرگە ارالاسۋ. حالىققا تامىر تارتۋ»، «تاڭعى اراي ينجەنەرياسىن قارجىلاي دەمەۋ نىسانى» سياقتى نىسانداردى ءوتىنىش ەتۋ قىزمەتىن دەن قويا ىستەدى؛ تۋىندىلاردى «جۇڭگو رۋحى. جۇڭگو ارمانى» اتىنداعى مەملەكەتتىك شارۋالار سۋرەت تۋىندىلارىن سارالاۋ قيمىلىنا ۇسىندى؛ «ءشول دالادا قۇلپىرا اشىلعان گۇل»، «قىزىل شىراق»، «شيپاگەر بيكەش» اتتى تەاترلاردى 15 - كەزەكتى جۇڭگو تەاتر مەرەكەسىنە قاتىناستىردى؛ «ءجۇزىم پىستى»، «اقتەرەك»، «اققۋ سازى» اتتى بالالار ءبيىن 9 - كەزەكتى «كىشكەنتاي شامگۇلدىڭ كەلبەتى» اتىنداعى مەملەكەتتىك بالالار ءبيى بايقاۋىنا قاتىناستىرىپ، كىشكەنتاي شامگۇل جۇلدىزى داڭقتى اتاعىنا جانە كىشكەنتاي شامگۇل جاس ساڭلاق داڭقتى اتاعىن الدى. «ۇزىن بۇرىم» ءبيى جۇڭگو ءبيىنىڭ «شامگۇل سيلىعى» بويىنشا ۇلتتىق - حالىقتىق ءبي التىن سيلىعىن الىپ، وسى ءبيدىڭ ەڭ جوعارى سيلىعىن 4 - رەت ەنشىلەدى.
  اۆتونوميالى رايوندىق ادەبيەت - كوركەمونەرشىلەر بىرلەستىگى بىلتىر ءار تۇردەگى كولەمدى ادەبيەت - كوركەمونەر قيمىلدارىنان 100دەن استامىن ورىستەتىپ، ءار ۇلت بۇقاراسىنىڭ رۋحاني مادەنيەت تۇرمىسىن بارىنشا بايىتىپ، رايونىمىزدىڭ ادەبيەت - كوركەمونەر تۋىندىلارىنىڭ يدەيالىق تەرەڭدىگىن، رۋحاني بيىگىن، مادەنيەت مايەگىن جانە كوركەمدىك قۇنىن ونان ارى جوعارىلاتتى.


بەرىپ كەت ورامالىڭدى

دوستار

الىستاعى اق ەركە