جاڭا حابارلار

قىزمەت اترەتىندەگىلەر ەگىنشى-مالشىلاردىڭ وتباسىلارىنا بارىپ، مەرەكەنىڭ مەرەيىن اسىردى

    كەلۋ قاينارى: شينجياڭ حالىق راديو ىستانسياسى    2018-02-28 17:01:14  
ەركىنبەك وكەن ۇلى حابارلايدى: نىلقى اۋدانىنىڭ اۋىل، قالاشىق، فەرمالارىنداعى ورگان جۇمىسشى-قىزمەتكەرلەرى، قىستاقتا تۇراتىن قىزمەت اترەتىندەگىلەر ەگىنشى-مالشىلاردىڭ وتباسىلارىنا بارىپ، ءوندىرىس-تۇرمىسىنا كومەكتەسىپ، بىرگە جاتىپ، بىرگە تاماقتانىپ، بىرگە ۇيرەنىپ جۇڭحۋا ۇلتىنىڭ شاعان مەرەكەسىن بىرگە وتكىزىپ، جاڭا جىلدىق تىلەكتەرىن ءبىلدىرىپ، مەرەكەنىڭ مەرەيىن اسىردى.
شاعان مەرەكەسىنە قۇتتى بولسىن ايتا بارعان ءاربىر كادر تۋىستارىنىڭ تۇرمىس احۋالىن، مالدارىنىڭ قىسقى جەم-ءشوپ جاعدايىن ۇعىسىپ، اۋلاسىنداعى قارىن كۇرەۋ سياقتى جۇمىستارىنا قولعابىس ەتسە، كەشتە، مەرەكەگە ارنالعان تاعامداردان ءدام تاتىپ، بىرلىكتە سۋرەتكە ءتۇسىپ ەستەلىك قالتىردى، ماڭايداعى زور وزگەرىستەرمەن بىرلەستىرىپ، پارتيا 19-قۇرىلتايىندا العا قويىلعان حالىق تۇرمىسىنا قاتىستى ءتيىمدى ساياساتتاردى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، 18-قۇرىلتايدان بەرگى تاريحي سيپاتتى وزگەرىستەردى، قۇرىلتايدا العا قويىلعان ءبىرسىپىرا ماڭىزدى يدەيالار مەن كوزقاراستاردى، كەلەلى تۇجىرىمداردى، ەلەۋلى شارالاردى، باياندى تىنىشتىقتىڭ يدەيالىق نەگىزى بولعان قوعامدىق قامتاماسىزداندىرۋ، شەكارانى گۇلدەندىرۋ سىندى «حالىققا ءتيىمدى ءتۇرلى ينجەنەريانى» بۇقاراعا قاراپايىم دا ۇعىنىقتى تىلمەن ءتۇسىندىرىپ، تۋىستارىنىڭ تىڭداپ ۇعىنۋىنا، ەستە ساقتاۋىنا مۇمكىندىك جاساپ، وتباسى قيىنشىلىقتارى مەن ماسەلەلەرىن شەشۋىنە مۇمكىندىكتىڭ بارىنشا كومەكتەستى. قىستاق ۇيىمداستىرعان الۋان ءتۇرلى، باي مازمۇندى، تاربيەلىك ءمانى زور قيمىلدارعا قاتىناسىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋگە، وزدەرىنىڭ ءىس جۇزىندىك ارەكەتتەرى ارقىلى ناقتى ءىس، جاقسى ىستەردى كوبىرەك ىستەۋگە قۇلشىنىپ، ۇلتتار ىنتىماعى مەن قوعام ورنىقتىلىعىنىڭ تاماشا جاعدايىن بەكەمدەۋگە كۇش سالدى.
مىس اۋىلى توتە قىستاعىنىڭ تۇرعىنى لي جينحاي: «شاعان مەرەكەسى بايلانىسىمەن تۋىستارىمنىڭ كەلگەنىنە قۋانىپ تۇرمىن. بۇرىن مەرەكەنى بالا-شاعامىزبەن وتكىزەتىنبىز، ال، بيىلعى مەرەكەنى تۋىستارىممەن بىرگە وتكىزگەنىمە ەرەكشە قۋانشتامىن. تۋىستىق قاتىناس ورناتۋ-تۋىسشىلاۋ قيمىلى ءار ۇلت كادرلارى مەن بۇقاراسىنىڭ ەتەنە قاتىناسىن ءتىپتى دە قويۋلاتا ءتۇستى، ۇلتتار ىنتىماعىنىڭ گۇلى ماڭگى قۇلپىرىپ، شەشەك اتا بەرەدى»،-دەدى.

بەرىپ كەت ورامالىڭدى

دوستار

الىستاعى اق ەركە