جاڭا حابارلار

كەدەيلەردى سۇيەمەلدەۋ سالاسىنداعى جەمقورلىق جانە ستيل ماسەلەسى بويىنشا 6 تيپتىك ماسەلە اشكەرلەندى

    كەلۋ قاينارى: شينجياڭ حالىق راديو ىستانسياسى    2018-02-28 17:04:32  
ستانسيامىزدىڭ حابارى: جۋىردا، اۆتونوميالى رايوندىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى كەدەيلەردى سۇيەمەلدەۋ سالاسىنداعى جەمقورلىق جانە ستيل ماسەلەسى بويىنشا 6 تيپتىك ماسەلەنى اشكەرەلەدى، 6 تيپتىك ماسەلە مىنالار:
بۇراتالا قالالىق اۋىل شارۋاشىلىق جانە سۋ يگىلىگى مەكەمەسىنىڭ مەڭگەرۋشى قىزمەتكەرى داڭ زىڭ قاتارلى 5 ادامنىڭ كەدەيلەردى سۇيەمەلدەۋ نىسان قارجىسىنىڭ جۇمسالاتىن ورنىن ءوز بىلگەندەرىنشە وزگەرتۋ ماسەلەسى. 2015-جىلى سول كەزدەگى بۇراتالا قالاسى چىندەل اۋىلىنىڭ ورىنباسار باستىعى داڭ زىڭ، عىلىم-تەحنيكاعا جاۋاپتى ورىنباسار اۋىل باستىعى، نارىنبۇلاق قىستاعىنىڭ قىستاقتى كوتەرمەگە العان باسشىسى سۇرايىل ابىلەز، نارىنبۇلاق قسىتاعىنىڭ ءبىرىنشى شۋجيى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعسىتىرۋ» بويىنشا قسىتاققا تۇرعان قىزمەت اترەتىنىڭ باستىعى ۋاڭ چىڭلۇڭ قاتارلىى ادامدار وسى اۋىلدىڭ نارىنبۇلاق قىستاعىنداعى دالمە-ءدال سۇيەمەلدەنەتىن 65 وتباسىنىڭ ساۋلىق قوي ساتىپ الۋ، مال قورا سالۋ سىندى كەدەيلەردى سۇيەمەلدەۋ نىساندارىن ءوز بىلگەندەرىنشە وزگەرتۋدى ۇيعارعان، بۇعان قاتىستى سوما 950 مىڭ يۋان بولعان. ءىس جۇزىندە تالاپ بويىنشا مال قورا سالىنباي، بەلگىلەمەگە قايشىلىق جاساپ، 950 مىڭ يۋان قارجى تۇگەلدەي ساۋلىق قوي ساتىپ الۋعا جۇمسالىپ، تۇتاس قىستاقتاعى 164 وتباسىنداعى قىستاق تۇرعىندارىنا تاراتىلعان، مۇنداعى 99 وتباسى دالمە-ءدال سۇيەمەلدەنەتىن وبيەكتى قاتارىندا بولماعان. 2017-جىلى جەلتوقساندا، داڭ زىڭ، سۇرايىل ابىلەز، ۋاڭ چىڭلۇڭعا، نارىنبۇلاق قىستاعى پارتيا ياچەيكاسىنىڭ شۋجيى تۇرسىن باۋدۇنعا، نارىنبۇلاق قىستاعى قىستاق تۇرعىندار كوميتەتى مەڭگەرۋشسىنىڭ كومەكشىسى يلالدين يزاتومەرگە پارتيا ىشىندە ەسكەرتۋ بەرۋ جازاسى بەرىلگەن.
ۇلۇقشات اۋدانى مايقاق باسقارۋ ورتالىعى پارتيا قىزمەتى كوميتەتىنىڭ بۇرىنعى شۋجيى جاڭ حايلۇڭنىڭ كەدەيلەردى سۇيەمەلدەۋ ارناۋلى قارجىسىن الداپ الۋ ماسەلەسى. 2013-جىلدان 2014-جىلعا دەيىن، جاڭ حايلۇڭ وزگەلەرمەن استاسىپ، قاراستى رايونداعى ەلقۇت باعىمشىلىق ديحاندار سەلبەستىك كوپەرتيۆىنىڭ قۇرىلىس ينجەنەريا نىسانى كەلىسىمىن جالعاننان جاساۋ تاسىلىمەن 100 مىڭ يۋان ارناۋلى قارجىنى الداپ العان جانە استىرتىن ءبولىپ العان. مۇندا جاڭ حايلۇڭ 25 مىڭ يۋان العان. مۇنان تىس، جاڭ حايلۇڭنان تاعى وزگە دە تارتىپكە اۋىر دارەجەدە قايشىلىق جاساۋ ماسەلەلەرى بايقالعان. 2018-جىلى قاڭتاردا جاڭ حايلۇڭعا پارتيادان ايداۋ، ۇكىمەت قىزمەتىنەن قالدىرۋ جازاسى بەرىلگەن.
چەرشەن اۋدانى قۇشساتما اۋىلدىق پارتكومنىڭ بۇرىنعى شۋجيى ياڭ شياۋرۇڭنىڭ كەدەيلەردى سۇيەمەلدەۋ نىسانىنان بەتالدى اقى الۋ ماسەلەسى. 2012-جىلى، ياڭ شياۋرۇڭ اقى الۋ ىسپاتى بولماعان جاعدايدا، اۋىلداعى كادرلاردى ءار شارشى مەترىنە 100 يۋاندىق ولشەم بويىنشا بەلگىلەمەگە قايشى وسى اۋىلدىڭ قۇشساتما قىستاعىنداعى 7 ديحان وتباسىنان بەيقۇت ءۇيدىڭ «ءۇي سالۋ ىرگە تاسىن قالاۋ سوماسىن» جيناۋعا ورنالاستىرعان، بۇل سوما جيىنى 34 مىڭ 900 يۋانعا جەتىپ، وسى اۋىلدىڭ اۋىل شارۋاشىلىق تورابىن جاڭالاۋعا، سۋ توعانىن جوندەۋدەگى قارىز اقشاسىن تولەۋگە جۇمسالعان. 2018-جىلى قاڭتاردا ياڭ شياۋرۇڭعا پارتيا ىشىندە قاتاڭ ەسكەرتۋ بەرۋ جازاسى بەرىلگەن.
اقشي اۋدانى عىلىم-تەحنيكا، وقۋ-اعارتۋ مەكەمەسى پارتكومىنىڭ مۇشەسى، ورىنباسار مەكەمە باستىعى شۇي كايميڭنىڭ مىندەتىن وتەمەۋ، جاۋاپكەرسىزدىك ىستەۋ ماسەلەسى. 2017-جىلى ناۋرىزدان قاراشاعا دەيىن، اۋداندىق وقۋ-اعارتۋ مەكەمەسى كەدەي ستۋدەنتتەرگە كومەك قارجى تاراتۋ قىزمەتىندە، شۇي كايميڭ قاراپ-بەكىتۋ وتكەلىن مىقتى يگەرمەگەندىكتەن، ۇكىمەت قىزمەتكەرلەرىنىڭ، جەكەشە ونەركاسىپشىلەر مەن ساۋداگەرلەردىڭ، كاسىپورننان زەينەتكە شىققانداردىڭ پەرزەنتتەرىنەن 36 ادام بەلگىلەمەگە قايشى 226 مىڭ يۋانعا يە بولعان. 2018-جىلى قاڭتاردا، شۇي كايميڭگە پارتيا ىشىندە ەسكەرتۋ بەرۋ جازاسى بەرىلگەن.
نىلقى اۋدانى ءسۇپتاي اۋىلى كىشى سۇپتاي قىستاعى پارتيا ياچەيكاسىنىڭ شۋجيى ءابدىراحمان تۇرداحۇننىڭ كەدەيلەردى سۇيەمەلدەۋ سيىرىن بەلگىلەمەگە قايشى تاراتۋ ماسەلەسى. 2016-جىلى ءابدىراحمان تۇرداحۇن قىستاق پارتيا ياچەيكاسىنىڭ ءماجىلىسى، قىستاق تۇرعىندار ۋاكىلدەر ءماجىلىسى اشىلماعان جاعدايدا، كەدەيلەردى سۇيەمەلدەۋ سيىرىنان يگىلىكتەنەتىن وبيەكتىلەردى ءوز بىلگەنىنشە وزگەرتىپ، كوشىپ كەلگەن ءتورت كەدەي وتباسىنا تاراتۋعا ءتيىستى ءتورت باس سۇيەمەلدەۋ سيىرىن جەكە-جەكە ادەتتەگى ءبىر وتباسى مەن ءبىر كەدەي وتباسىنىڭ ءار قايىسىسىنا ەكىدەن ءبولىپ بەرگەن. مۇنان تىس، ءابدىراحىمان تۇرداحۇننان وزگە دە تارتىپكە قايشى ماسەلەلەرى بايقالعان. 2018-جىلى قاڭتاردا، ابدىراحىمان تۇرداحۇنعا پارتيا ىشىندە ءبىر جىل باقىلاۋ جازاسى بەرىلگەن.
ياركەن اۋدانى اۋات قالاشىعى ءدوڭمالى قىستاعى تۇرعىندار كوميتەتىنىڭ ورىنباسار مەڭگەرۋشىسى تۇرادين تۇرسىننىڭ كەدەيلەردى سۇيەمەلدەۋ قارجىسىنان بەلگىلەمەگە قايشى يگىلىكتەنۋ ماسەلەسى. 2014-جىلى تامىزدا تۇرادين تۇردى قىزمەت قولايلىلىعىنان پايدالانىپ، ءوزىن كەدەي وتباسىنا ەنگىزىپ، 2015-، 2017-جىلعى مال قورا، اۋلا شارۋاشىلىعى قۇرىلىسى نىسان قارجىسىنان جالپى 10 مىڭ يۋاندى بەلگىلەمەگە قايشى يگىلىكتەنگەن. 2018-جىلى اقپاندا تۇرادين تۇرسىنعا پارتيا ىشىندە قاتاڭ ەسكەرتۋ بەرۋ جازاسى بەرىلگەن.
جوعارىداعى كەدەيلەردى سۇيەمەلدەۋ سالاسىنداعى 6 تيپتىك ماسەلەدە نەگىزگى ساتى كادرلارىنىڭ ستيلدە سالعىرتسۋ، جاۋپكەرسىزدىك ىستەۋ، مىندەتىن وتەمەۋى سياقتى ماسەلەلەر كورنەكتىلەنگەن، سونداي-اق زاڭ-ءتۇزىم تانىمى ءالسىز بولۋ، ۇقىعىنان بەتالدى پايدالانىپ جاقىندارىنا قامقورلىق جاساۋ، ورايدان پايدالانىپ، پايدا ءتۇسىرۋ، حالىقتىڭ مۇلكىن يەمدەنۋ، ۇكىمەت قارجىسىن جەكەگە بەرۋ سياقتى ماسەلەلەر ورىن تەپكەن، بۇل كەدەي بۇقارانىڭ ءتول مۇددەسىنە اۋىر دارەجەدە زيان سالعان، ءسوزسىز، قاتاڭ تەكسەرىپ ءبىر جايلى ەتىلۋ كەرەك.
تۇتاس رايونىمىزداعى ءار دارەجەلى پارتيا ۇيىمدارى پارتيا 19-قۇرىلتايىنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى ستراتەگيالىق ورنالاستىرۋىندا، باس شۋجي شي جينپيڭنىڭ كەدەيلەردى دالمە-ءدال سۇيەمەلدەۋدەن قامال الۋ شايقاسىندا جەڭىسكە جەتۋ اڭگىمە ماجىلىسىندە سويلەگەن ماڭىزدى سوزدەرىنىڭ رۋحىن ىشكەرلەي دايەكتىلەندىرىپ تياناقتاندىرىپ، «ءتورت تانىمدى» ۇزدىكسىز كۇشەيتىپ، ساياسي تۇرعى مەن ساياسي سانالىلىقتى ارتتىرىپ، كەدەيلەردى سۇيەمەلدەۋ سالاسىنداعى جەمقورلىق پەن ستيل ماسەلەسىن ارناۋلى رەتتەۋ قىزمەت تالابى بويىنشا، پارتيانى باسقارۋ، پارتيانى جونگە سالۋدىڭ ساياسي جاۋاپكەرلىگىن شىنايى اتقارىپ، شەگە قاعۋ رۋحىمەن، پارتيا ورتالىق كوميتەتىنىڭ شەشىم-ورنالاستىرۋىن جانە اۆتونوميالى رايوندىق پارتكومنىڭ قىزمەت تالابىن ىشكەرلەي، ناقتى، جان-جاقتىلى تياناقتاندىرىپ،ءتۇرلى ساياسات شارالاردىڭ تياناقتانىپ، تامىر تارتىپ، جەمىس بەرۋىنە كەپىلدىك ەتۋ قاجەت. تۇتاس رايونىمىزدىڭ ءار دارەجەلى ءتارتىپ-تەكسەرۋ كوميتەتى، باقىلاۋ-تەكسەرۋ كوميتەتى كەدەيلەردى سۇيەمەلدەۋ سالاسىنداعى باقىلاۋ، ءتارتىپتى اتقارۋ، جاۋاپكەرلىكتى قۋزاۋ قىزمەتىن كۇشەيتۋدى ماڭىزدى ساياسي مىندەت ەتىپ، كەدەيلەردى سۇيەمەلدەۋدەن قامال الۋدىڭ جالپى جاعدايىنا قىزمەت ەتىپ، ماسەلە بەتالىسىنان جازباي، ءتارتىپتى ماڭداي الدى ورىنعا قويىپ، دالمە-ءدال كۇش شىعارىپ، پارمەندى سوققىلاپ، كەدەيلەردى سۇيەمەلدەۋدەگى « زياندى كۇشتەردى» قاتاڭ جازالاپ، كەدەيلەردى سۇيەمەلدەۋ سالاسىنداعى جەمقورلىق پەن ستيل ماسەلەسىن تۇزەتۋدىڭ ناقتى ونىمدىلىگىمەن حالىقتىڭ سەنىمىنە يە بولىپ، بۇقارانىڭ يگىلىككە بولەنۋ سەزىمىن شىنايى ارتتىرىپ، پارتيانىڭ نەگىزگى ساتىداعى بيلىك جۇرگىزۋ نەگىزىن بەكەمدەۋ كەرەك.

بەرىپ كەت ورامالىڭدى

دوستار

الىستاعى اق ەركە