جاڭا حابارلار

رايونىمىز ەرتە باستان ورنالاستىرۋ جاساپ، قاتىناس نەگىزگى قۇرىلعى قۇرىلستارىن جەدەل ىلگەرلەتتى

    كەلۋ قاينارى: شينجياڭ حالىق راديو ىستانسياسى    2018-03-01 16:40:32  

ستانسيامىزدىڭ ءتىلشىسى جين لەي مەن ەرىكتى ءتىلشى ياۋ لۇڭنىڭ حابارىن تىڭداڭىزدار: پارتيا 19-قۇرىلتايىنىڭ بايانداماسىندا: «تەمىرجول، تاسجول سياقتى نەگىزگى قۇرىلىستاردى كۇشەيتىپ، قاتىناس جاعىنداعى قۇدىرەتتى ەل قۇرۋعا كۇش سالۋ كەرەك»،-دەپ اتاپ كورسەتىلدى. بۇل رايونىمىزدىڭ قاتىناس نەگىزگى قۇرىلىسىنىڭ جاڭا داۋىردەگى دامۋىنىڭ بەتالىسىن ايقىن مەڭزەدى. مىنەكي، شاعان مەرەكەسى وتە سالىسىمەن، قار-مۇز ەري باستادى، رايونىمىزدىڭ قاتىناس جۇيەسى دە ەرتە-باستان ورنالاستىرۋ جاساپ، جالعاستى سالىناتىن نىسان قۇرىلىستارى دا ىركەس-تىركەس باستالىپ، سالىنىپ جاتقان نىسانداردىڭ اياق الىسى تەزدەپ، قاتىناس نەگىزگى قۇرىلعى قۇرىلىستارى بەلسەنە ىلگەرلەپ، قوعام مەن ەكونوميكانىڭ دامۋىن قوزعاۋشى كۇشپەن قامداپ، بۇقارانىڭ جۇرىس-تۇرىس ىركىلسسىزدىگىنە مۇمكىندىك جاسادى.
كەزەكتە وڭتۇستىك شينجياڭدا اۋا تەمپەراتۋراسى كۇرت جوعارىلاپ، ءۇرىمجى-لوپنۇر تاس جولىنىڭ ۇكىمەت پەن قوعامدىق كاپيتال سەلبەستىگى نىسان قۇرىلىسى ورنىنا بارعان باسقارۋ قىزمەتكەرلەرى ماتەريالداردى رەتتەۋدە، جۇمسشىلار ماشينانى جوندەپ، جۇمىس باستاۋدان بۇرىندى دايىندىقتى ويداعىداي جاساۋعا كىرىستى. اۆتونوميالى رايوننىڭ ءتۇيىندى ينجەنەرياسى بولعان-ءۇرىمجى لوپنۇر تاس جولىنىڭ ۇكىمەت جانە قوعامدىق كايپتال سەلبەستىگى جول لەنياسىنىڭ جالپى ۇزىندىعى 1308.6 كيلومەتر، بۇعان جالپى 70 ميلليارد 800 ميلليون يۋان قارجى قوسىلعان، قازىر ول ەلىمىزدەگى ەڭ كولەمدى ۇكىمەت جانە قوعامدىق كاپيتال سەلبەستىگى تاسجول نىسانى سانالادى. بۇل جول سالىنپ اۆتوموبيل قاتىناعاننان كەيىن، اۆتوموبيلمەن ۇرىمجىدەن كورلاعا باراتىن ۋاقىت قازىرگى 6 ساعاتتىڭ ۇستىنەن 3 ساعاتقا قىسقارادى ؛ كورلادان چارقىلىققا باراتىن ۋاقىت 7 جارىم ساعاتتان ءۇش جارىم ساعاتقا قىسقارادى؛ كورلادان چەرشەنگە باراتىن ۋاقىت 10 ساعاتتان 4 ساعاتقا قىسقارادى. نىسان رايونىمىزدىڭ جوعارى قارقىندى تاسجول تورابىن كەمەلدەندىرىپ، لەنيا بويىنداعى رايونداردىڭ قاتىناس نەگىزگى قۇرىلعى قۇرىلىستارىن جاقسارتىپ، وڭتۇستىك جانە سولتۇستىك شينجياڭنىڭ ءوزارا ۇلاسىپ، تۇتاسۋىن ىلگەرلەتۋدە ماڭىزدى ءمان الادى. نىسان ينجەنەرياسىن باسقارۋ ءبولىمىنىڭ مەڭگەرۋشىسى سۇڭ لي-يان: « 2-ايدىڭ 25-ىنەن بۇرىن باسقارۋ قىزمەتكەرلەرى مەن ماشينالار نەگىزىنەن قۇرىلىس ورنىنا بارىپ بولدى، تۇتاس لەنيادا قولسالقى جول جوندەلىپ، قۇرىلىس دايىندىعىن جاساۋدا، ماشينالار تەكسەرىلىپ، سۋ-توك جولدارى جوندەلۋدە، ال ماتەريالدار شاعاننان بۇرىن ازىرلەنىپ بولدى. 35-تۋاننان چارقىلىققا دەيىنگى وسى نىساننىڭ التىنشى بولەگىندەگى قۇرىلس 2-ايدىڭ 21-، 22-كۇندەرى باستالىپ كەتتى»،-دەدى.
پارتيا 19-قۇرىلتايىنىڭ بايانداماسىندا: «سۋ يگىلىگى، تەمىرجول، تاسجول، سۋ تاسىمالى، اۆياتسيا، قۇبىر، ەلەكتر تورابى، ينفورماتسيا، زات اينالىمى سياقتى نەگىزگى قۇرىلعى توراپ قۇرىلىستارىن كۇشەيتۋ كەرەك»-دەپ اتاپ كورسەتىلدى. بيىل، رايونىمىز اۋداندارعا جوعارى قارقىندى تاسجول سالۋ، اۋىلدارعا اسفاليت جول سالۋ، اۋىلدارعا تاسجول سالۋدى بەلسەنە ىلگەرلەتىپ، ۇرىمجدەن لوپنۇرعا دەيىنگى جوعارى قارقىندى تاسجول، ۋتۇڭ داچۋاننان شيامايانعا ونان موريعا دەيىنگى جوعارى قارقىندى تاسجول، قاشقاردان قاعىلىققا ونان قاراقاشقا دەيىنگى جوعارى قارقىندى تاسجول سياقتى كۇرە جول نىساندارىن ءتۇيىندى سالىنىپ، بارلىق ايماق-وبلىستارعا قاتىنايتىن جوعارى قارقىندى تاسجول بولۋدى جۇزەگە اسىرۋعا كۇش سالادى. شاعان مەرەكەسى وتە سالىسىمەن، ءار قايسى ايماقتاردىڭ ءتۇيىندى ينجەنەريا نىسان بولىمدەرى ەرتە-باستان دايىندالىپ، ىسكە كىرىسىپ، تۇتاس جىلدىق مىندەتتى ورىنداۋعا شارت-جاعداي ازىرلەدى. اۆتونوميالى رايوندىق قاتىناس تاسىمال مەڭگەرمەسى ينجەنەريا باسقارماسىنىڭ ورىنباسار باستىعى جاۋ ىرشىڭ:« قىسقى ۋاقىتتان پايدالانىپ اسفاليت، بولات شىبىق، قيرشىق تاس سياقتى قۇرىلىس ماتەريالدارىن زاپاس ساقتادىق، قازىر بارلىق نىسانداردىڭ نەگىزگى باسقارۋشىلارى قۇرىلىس ورنىنا بارىپ بولدى، 3-ايدىڭ 1-كۇنى وڭتۇستىك شينجياڭداعى بارلىق قۇرىلىستى، 4-ايدىڭ 1-كۇنى سولتۇستىك شينجياڭداعى بارلىق قۇرىلىستى تۇگەل باستاۋ تالاپ ەتىلدى»،-دەدى.
باس شۋجي شي جينپيڭ اۋىل-قىستاق تاسجول قۇرىلىسىنا وسكەلەڭ ءمان بەرىپ، كوپ رەت ماڭىزدى نۇسقاۋ كورسەتتى، اۋىل-قىستاق تاسجولىن ويداعىداي سالۋ، باسقارۋ، قورعاۋ اينالىمعا ءتۇسىرۋدى تالاپ ەتتى. قازىر رايونىمىزدىڭ جەر-جەرى « ءتورتتە جاقسى اۋىل-قىستاق تاسجولىن» جەدەل سالىپ، اۋىل-قىستاقتى كوركەيتۋ ستراتەگياسىنىڭ اتقارىلۋىنا نەگىز قالاۋدا. جەمسارى اۋدانىنىڭ وتكەن جىلعى اۋىل-قىستاق تاسجولى تاريحي رەكورد جاڭالادى، بيىل قسىتاقتاردى تۇتاستىراتىن 100 كيلومەترلىك اسفاليت جول قۇرىلىسىن سالۋ مىندەتىن جالعاستى ىلگەرلەتتى. جەمسارى اۋداندىق قاتىناس مەكەمەسىنىڭ باستىعى جۋ ۋىن-ۋ:« قۇرىلىس كارتاسى تولىق جاسالىپ بولدى، كوپ ۇزاماي قور دا تياناقتاناتىن بولادى، قۇرىلىسقا قارجى قوسۋعا، مەردىگەرلىككە شاقىرۋ قىزمەتى دە باستالدى، تورتتە جاقسى اۋىل-قسىتاق تاسجول قۇرىلىسى ارقىلى، جەمسارى اۋدانىنداعى 90 مىڭ ەگىنشى-مالشىنىڭ قاتىناس قيىنشىلىعى ماسەلەسى شەشىلەدى»،-دەدى.
سونىمەن بىرگە، بيىل رايونىمىزدا تاعى ءبىر توپ تەمىرجول، اۋەجاي قۇرىلىسى نىسان قۇرىلىستارى باستالادى. بۇل ءۇرىمجى جانە قاشقار اۋەجايىن كەڭەيتىپ سالۋ قۇرىلسى جانە تاشقورعان، موڭعۇلكۇرە، كەريا جاڭا اۋەجايىن سالۋ، سونداي-اق كورلادان گولمۋدقا دەيىنگى تەمىرجول، ءۇرىمجى قالاسى رەلىسى قاتىناسى سياقتى جالعاستى سالىناتىن نىسانداردى قامتيدى، جۇڭگو تەمىرجول تۋنەل توبى گولمۋتتان-كورلاعا دەيىنگى تەمىرجولدىڭ تۇتاس لەنياسىنداعى ەڭ ۇزىن تۋنەل-13 مىڭ 195 مەترلىك التىنتاۋ تۋنەلى قۇرىلىسى مىندەتىن ۇستىنە الدى. شاعاننان كەيىن، باسقارۋشىلار مەن جۇمسشىلار دا ىركەس-تىركەس جۇمىس ورىندارىنا قايتىپ، قۇرىلسى جاپپاي باستالدى. جۇڭگو تەمىرجول تۋنەل توبى گولمۋدتان كورلاعا دەيىنگى تەمىرجولدىڭ شينجياڭ بولەگىندەگى S6 كورسەتكىش نىسانىنىڭ مەڭگەرۋشىسى ليۋ يۇڭگاڭ: «شاعان كەزىندە 400 نەشە ادام جۇمىس ورنىندا بولدى، بۇلار نەگىزىنەن گولمۋدتان كورلاعا دەيىنگى تەمىرجولدىڭ جالپى تاعان سورەسىن توسەۋ مىندەتتىڭ ۋاعىندا ورىندالۋىنا كەپىلدىك ەتتى، سوندىقتان، شاعان كەزىندە نەگىزگى جۇمستاردىڭ قالىپتى جۇرىلۋىنە كەپىلدىك ەتىلدى، قازىر جۇمىس ورنىنا قايتىپ كەلگەن جۇمسىشلار 800 دىڭ ۇستىندە، 3-ايدىڭ 5-كۇنى بارلىق قىزمەت جاپپاي قايتا قولعا الىنادى»،-دەدى.


بەرىپ كەت ورامالىڭدى

دوستار

الىستاعى اق ەركە