جاڭا حابارلار

مادەنيەت سەنىمىن حالىق جۇرەگىندە تامىر تارتتىردى

    كەلۋ قاينارى: شينجياڭ حالىق راديو ىستانسياسى    2018-03-07 14:10:44  

ستانسيامىزدىڭ جيناق حابارىن تىڭداڭىزدار: پارتيا 19-قۇرىلتايىنىڭ بايانداماسىندا بىلاي دەپ اتاپ كورسەتىلدى: «سوتسياليستىك ادەبيەت-كوركەمونەر ـــــ حالىقتىڭ ادەبيەت-كوركەمونەرى، حالىقتى وزەك ەتكەن جاسامپازدىق باعىتقا، ءسوزسىز، تاباندى بولىپ، ومىرگە ىشكەرلەي ارالاسىپ، حالىقتىڭ اراسىنا تامىر تارتىپ، زامانعا لايىق ادەبيەت-كوركەمونەر تۋىندىلارىن جاراتۋ كەرەك». بيىل جىل باسىنان بەرى، رايونىمىزدىڭ ءار دارەجەلى ادەبيەت-كوركەمونەر قىزمەتكەرلەرى نەگىزگى ساتىعا ىشكەرلەي بارىپ، حالىق اراسىندا تامىر تارتىپ، جاڭا ءداۋىردى بەينەلەيتىن سارا تۋىندىلاردى بەلسەنە جاراتىپ، ورىندادى.
3-ايدىڭ 6-كۇنى، شينجياڭ كوركەمونەر تەاترحاناسى ءان-ءبي ۇيىرمەسىندەگى 30 ارتيس جانە قىزمەتكەر اقسۋ ايماعى اۋات اۋدانى جاڭا ارىق اۋىلى لاتىلىق قىستاعىندا قىستاق تۇرعىندارىنا تارتىمدى ادەبيەت-كوركەمونەر ويىنىن قويدى. ءبي بيلەۋ، جاڭا اندەردى ۇلاستىرىپ ورىنداۋ، مۋزىكا اسپاپتارىن بىرىكتىرە ورىنداۋ سياقتى 20 شاقتى ويىن نومىرىنە كورەرمەندەر تولاسسىز شاپالاق سوقتى. قىستاق تۇرعىنى امەت راحىمەت: «ءبىزدىڭ وسىنداي ويىن نومىرلەرىن تاماشالاي العانىمىزعا قۋانامىز. قىستاقتىڭ توپىراق جولى اسفاليت جولعا اينالدى، سونىمەن بىرگە جول شىراعى ورناتىلىپ، جاڭا ۇيگە كوشىپ كىردىك. قىستاق تۇرعىندار كوميتەتى بارعان سايىن كورىكتەنىپ، قۋانىشقا بولەندىك»،-دەدى.
شينجياڭ كوركەمونەر تەاترحاناسى شاعاننان بۇرىن باستاعان مادەنيەتتى اۋىلعا جەتكىزىپ، ارالاپ ءجۇرىپ ويىن قويۋ قيمىلى بويىنشا سەرىك ۇيىرمەسى، وپەرا ۇيىرمەسى، ءان-ءبي ۇيىرمەسى سياقتىلاردى وڭتۇستىك شينجياڭنىڭ اۋىل-قىستاقتارىنا بارۋعا ۇيىمداستىرىپ، 100 كەزەكتەن استام مادەنيەت جاعىندا حالىققا تيىمدىلىك جاساپ ويىن قويۋ قيمىلىن ورىستەتتى. اۆتونوميالى رايوندىق مادەنيەت مەڭگەرمەسى الەۋمەتتىك مادەنيەت باسقارماسىنىڭ باستىعى ۋاڭ شۋشىڭ: «باس شۋجي شي جينپيڭ ورتاعا قويعان جاسامپازدىقپەن بۇرىلىس جاساۋ، جاڭاشىل دامۋدى،ءسوزسىز، تياناقتاندىرىپ، ءان-ءبي مەكەنىن، ءان-ءبي مەكەنىندەگى بۇقارالىق ءان-ءبيدى قامتىعان بۇقارالىق مادەنيەت قيمىلدارىنىڭ جاڭا داۋىردە تىڭ نۇر شاشۋىنا مۇمكىندىك جاساۋ كەرەك. بيىل ءبىز جۇڭحۋا مادەنيەتىن، جۇڭحۋا كلاسسيكتەرىن نەگىزگى ساتىعا جەتكىزۋ سياقتى كوپتەگەن جوسپار جاسادىق»،-دەدى.
بيىل شاعان كەزىندە جۇڭگونىڭ كينو بازارى تاريحتان بەرگى ەڭ جوعارى رەكورتتى جاڭالاپ، ءۇرىمجى قالاسىنداعى ءار ۇلت كورەرمەندەرىنىڭ التى كۇن ىشىندە ساتىپ العان بەلەتىنىڭ ءوزى 20 ميلليون يۋاننان اسىپ، بۇل ادامداردىڭ رۋحاني مادەنيەت ونىمدەرىنە دەگەن كۇشتى قاجەتىن تولىق اڭىس ەتتى. تيانشان كينو ستۋدياسى پارتكومىنىڭ شۋجيى ابدۇعوپۇر ابىلەز، اناعۇرلىم كوپ سارا تۋىندى جاساۋ بەكىمى مەن سەنىمىنە يە ەكەنىن ايتىپ: «باس شۋجي باستان-اياق حالىقتىڭ كوركەمونەردى، كوركەمونەردىڭ حالىقتى قاجەت ەتەتىنىن، حالىقتىڭ قاجەتىنىڭ ادەبيەت-كوركەمونەردىڭ ءومىر ءسۇرۋىنىڭ ءتۇبىرلى قۇنى ەكەنىن باسا دارىپتەپ كەلەدى. تيانشان كينو ستۋدياسىنىڭ كينو جاساۋ قىزمەتكەرلەرى نەگىزگى ساتىعا ىشكەرلەي بارىپ، ناقتى ماتەريالدى ۇعىسىپ، قايتىپ كەلگەننەن كەيىن كوركەمونەر تاسىلىمەن جوعارى دەڭگەيدە ءبىر ءجايلى ەتىپ، « تاكلامانداعى ناعىرا ءۇنى»، «كوش جولى»، «كۇنلۇنداعى اعايىندىلار» سياقتى كينو فيلمدەرىن جاساپ شىقتى. جاڭا داۋىرگە قادام تاستاعاننان كەيىن، تيانشان كينو ستۋدياسىنىڭ كينۋ جاساۋ قىزمەتكەرلەرى نەگىزگى ساتىعا اناعۇرلىم بەلسەندىلىكپەن بارىپ، سارا تۋىندى جاراتىپ، حالىق بۇقاراسىنىڭ ادەبيەت-كوركەمونەرگە قاجەتىن قاناعاتتاندىرۋى كەرەك»،-دەدى.
شينجياڭدىق جازۋشى حۋاڭ شىيۋان بىرنەشە كۇننەن بەرى اشىلىپ جاتقان ەكى ماجىلىسكە باستان-اياق نازار اۋداردى، ول بيىلعى «ۇكىمەت قىزمەتىنەن باياندامادا» «حالىقتىڭ باقىتتى تۇرمىس كەشىرۋىن اسا مول رۋحاني ازىقپەن قامداۋ، ادەبيەت-كوركەمونەر جاسامپازدىعىن كۇشەيتۋ كەرەك»،-دەپ اتاپ كورسەتىلگەنىن بايقادى. قازىر، ول حوتان ايماعىندا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرۋ قىزمەتىنە قاتىناسۋدا، ول، الداعى ءۇش جىلداعى اۋىل-قىستاق تۇرمىسىنداعى ناقتى اسەرىنىڭ وعان اناعۇرلىم مول جاسامپازدىق دەرەكتەرى مەن شابىتىن بەرەتىندىگىن، ءوزىنىڭ نەگىزگى ساتىدا تامىر تارتىپ، نەگىزگى ساتىمەن جاناسىمدى بولىپ شينجياڭ مادەنيەتىنىڭ جاراسىمدىلىق كەلبەتىن جازاتىندىعىن ايتىپ: «شينجياڭ مادەنيەتىنىڭ كەلبەتىن ءار ۇلت جاراتادى، بۇقارا اراسىنا بارىپ، شىنشىلدىقتى، اق پەيىلدىلىكتى، كوركەمدىكتى كورنەكتىلەندىرۋىمىز كەرەك»،-دەدى.


بەرىپ كەت ورامالىڭدى

دوستار

الىستاعى اق ەركە