جاڭا حابارلار

تۇنىق سۋ، جاسىل تاۋ كورىكتى باقىت جاراتسىن

    كەلۋ قاينارى: شينجياڭ حالىق راديو ىستانسياسى    2018-03-08 16:28:07  

ستانسيامىزدىڭ جيناق حابارىن تىڭداڭىزدار: پارتيا 19-قۇرىلتايىنىڭ بايانداماسىندا: تۇنىق سۋ، جاسىل تاۋدىڭ ءوزى قىمباتتى بايلىق،-دەپ اتاپ كورسەتىلدى. وسى دامۋ يدەياسى رايونىمىزدا تياناقتانىپ تامىر تارتىپ، جەمىس بەردى.
چىن شي قارامايلى قالاسىنداعى فوتو سۋرەت اۋەسكەرى، ول فوتواپاراتىمەن قالاداعى وزگەرىستەردى ەستەلىككە الۋعا قىزىعادى.بىرنەشە كۇننەن بەرى، چىن شي سۋرەتتەردى رەتتەۋمەن قاربالاستاندى، ويتكەنى ول سۋرەتكە العان قارامايلى قالاسىنىڭ وزگەرىسى جونىندەگى سۋرەتتەر قالا ارحيۆ سارايىنا ەنگىزىلەتىن بولدى.ول: «مىنا سۋرەتتى 1983-جىلى تۇسىرگەن بولاتىنمىن، سول كەزدە قارامايلى قالاسىنداعى دوستىق كوشەسى مەن جۇڭعار كوشەسىنىڭ ەكى جاعالاۋىنا اعاش ەگىلگەن، تۇرعىندار رايونىندا اعاش كورىنبەيتىن.ال مىنا سۋرەتتى وتكەن جىلى ءتۇسىردىم، تۇرعىندار رايونىندا قالىڭ اعاش ەگىلگەن ورتا قالىپتاستى»،-دەدى.
قازىر قارامايلى قالاسىنىڭ ورتالىق قالا رايونىندا نەگىزىنەن ءبىر وزەن، ءبىر سازدىق، ءتورت ورمان، التى كول سىندى ەكولوگيالىق ورتا جۇيەسى قالىپتاستى، قازىرگى قارامايلى قالاسى ءارى قالا ءارى ۇلكەن باقشا.قارامايلى قالاسى باۋ-باقشا ءبولىمى زەرتتەۋ ورنىنىڭ باستىعى لي يۋانحۇڭ، مۇنايمەن تانىلعان قارامايلىنىڭ بۇرىنعى وبرازىن تۇبەگەيلى وزگەرتەتىندىگىن ايتىپ: «پارتيا 19-قۇرىلتايىنىڭ بايانداماسىندا ورتاعا قويىلعان وركەنيەتتى قالا قۇرۋمەن، تۇنىق سۋ، جاسىل تاۋدىڭ ءوزى قىمباتتى بايلىق دەيتىن نىسانامەن ۇشتاستىرىلدى.قارامايلى بيىلدان باستاپ بەس جىل ىشىندە ەكولوگيالىق وركەنيەتتى قالا قۇرۋدى ورتاعا قويىپ وتىر.ءبىز ورماندا ءجۇرىپ، باقشانى ارالاپ، قالا تۇرعىندارىنا وسىنداي ورتانى سەزىندىرەمىز»،-دەدى.
جاسىل دامۋ يدەياسى قالا قۇرىلىسىنان تىس، كاسىپورىننىڭ ءوندىرىسى بارىسىنا سىڭىرىلگەن.شينجياڭ ءتۇستى مەتال توبى قۇمىل ياكىسى بايلىق اشۋ شەكتى جارنا سەرىكتەستىگى سۋ بايلىعىن ۇنەمدەۋ ءۇشىن بيىل «جاسىلدانعان» ءوندىرىستى العا قويىپ، ءوندىرىس تەحنولوگياسىن ۇزدىكسىز ساپالاندىرىپ، وندىرىسكە قوسىلعان ءبىر جىلدان كەيىن سۋ قويماسىنىڭ سۋىن قالپىنا كەلتىرىپ، سۋ بايلىعىنىڭ اينالمالى پايدالانىلۋ ۋاقىتىن ەكى دە ءۇش جىل ىلگەرلەتتى.سەرىكتەستىكتىڭ باس مەڭگەرۋشىسى دۇڭ گوچيڭ: «پارتيا 19-قۇرىلتايىنىڭ بايانداماسى مەن وسى رەتكى ەكى ماجىلىستەگى ۇكىمەت قىزمەتىمەن باياندامادا دا تۇنىق سۋ، جاسىل تاۋدىڭ ءوزى قىمباتتى بايلىق دەپ العا قويىلدى.ءبىز كاسىپورىن ءارى ونەركاسىپ كەن كاسىپورنى سانالىپ، ءبىر جاقتى كوركەيتىپ، ەندى ءبىر جاقتى قورعاي الامىز، ياعني ءبىر جاقتا ادامزات مادەنيەتىن جاراتىپ، ەندى ءبىر جاقتان كيەلى جەردى قورعاپ، شامامىزدىڭ جەتىسىنشە ادامزات پەن تابيعاتتىڭ جاراسىمدى دامۋىن، ءتيىمدى اينالىمىن جۇزەگە اسىرامىز»،-دەدى.
بيىلعى ۇكىمەت قىزمەتىنەن باياندامادا بىلاي دەپ اتاپ كورسەتىلدى: رەفورما ارقىلى ەكولوگيالىق ورتانى باسقارۋ ءتۇزىمىن كەمەلدەندىرىپ، اناعۇرلىم ءونىمدى تۇزىممەن ەكولوگيالىق ورتانى قورعاۋ كەرەك.مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق قورشاعان ورتانى قورعاۋ عىلىمىن زەرتتەۋ ورنىنىڭ باستىعى جارقىن اقات ۇلى، ۇكىمەت قىزمەتىنەن بايانداما ورتانى قورعاۋ تالابىن ناقتىلاندىرعانىن، تياناقتاندىرۋدىڭ تەتىك ەكەنىن ايتىپ: «كوگىلدىر اسپاندى قورعاۋ شايقاسىندا ويداعىداي جەڭىسكە جەتۋ سىندى ءاربىر كورسەتكىشتە ناقتى كورسەتكىشتەر تالاپ ەتىلىپ، ايقىن بەلگىلەمە مەڭزەلدى.ءبىز باستىسى وسىنى تياناقتاندىرۋىمىز قاجەت، تەتىك وسىندا تۇر.بۇل ءارى پارتيا 19-قۇرىلتايىنىڭ رۋحى مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرۋدىڭ، تياناقتاندىرۋدىڭ ناقتى بەينەسى جانە ەكولوگيالىق وركەنيەت قۇرىلىسىن ىگەرلەتۋدىڭ ناقتى جاعى»،-دەدى.اۆتونوميالى رايوندىق قورشاعان ورتانى قورعاۋ مەڭگەرمەسى پارتگرۋپپاسىنىڭ ورىنباسار شۋجيى، مەڭگەرمە باستىعى ورازبەك راسۇلحان ۇلى: «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايىنىڭ رۋحىن جاپپاي دايەكتىلەندىرىپ، ورتا ساپاسىن وزگەرتۋدى وزەك ەتىپ، ورتالىقتىڭ قورشاعان ورتانى باقىلاۋ-تەكسەرۋ دە اڭىس ەتكەن پىكىرى بويىنشا رەتتەۋدى ءتۇيىن ەتىپ، ورتانى باقىلاۋ-باسقارۋ، زاڭدى اتقارۋ تەبىنىن مىزعىماي بەرىك ساقتاپ، ەڭ قاتاڭ ەكولوگيالق ورتانى قورعاۋ ءتۇزىمىن اتقارىپ، اتموسفەرا، سۋ، توپىراقتىڭ بىلعانۋىنان قامال الۋ شايقاسىندا تاباندىلىقپەن جەڭىسكە جەتىپ، ەكولوگيالىق جۇيەنى قورعاۋ تەبىنىن ارتتىرىپ، اسپانى اشىق، جەرى جاسىل، سۋى ءمولدىر كورىكتى شينجياڭ قۇرۋعا بەرىك نەگىز قالاۋ كەرەك»،-دەدى.


بەرىپ كەت ورامالىڭدى

دوستار

الىستاعى اق ەركە