جاڭا حابارلار

اناردىڭ دانىندەي تىعىز ۇيىسايىق

    كەلۋ قاينارى: شينجياڭ حالىق راديو ىستانسياسى    2018-03-08 16:45:14  

ستانسيامىزدىڭ تىلشىلەرى لي گاڭ، ليۋ چياڭ، يە چيڭ جانە لەي ميڭدەر جازعان اقپاراتتىق ارناۋلى حاباردى تىڭداڭىزدار: «اتاپ ءوتۋ كۇنى، تۋعان كۇنىڭىز قۇتتى بولسىن، بۇل ءبىزدىڭ كادرلاردىڭ كوڭىلى».
3-ايدىڭ 6-كۇنى ـــ حوتان قالاسى نارباعى ءمالىسى بيڭحى الەۋمەتتىك اۋماعىنىڭ تۇرعىنى وبۇل سادىردىڭ جۇبايى ارزىگۇل سىدىقپەن ۇيلەنگەنىنە 38 جىل بولعان كۇن ءارى ارزىگۇل سىدىقتىڭ تۋعان كۇنى، وسى قۋانىشتى ساتتە، حوتان قالالىق مادەنيەت، راديو-تەلەۆيزيا مەكەمەسىنىڭ كادرى لي يۇي قىزمەتتەستەرىمەن بىرگە، وبۇل سىدىق اعايدىڭ ۇيىنە تارتۋ اپارىپ، ولارعا باقىت تىلەدى.وبۇل سىدىق: تۋىسىم ۇنەمى كەلىپ امانداسىپ تۇرادى، بۇگىن تاعى ءبىزدى ارنايى تويلادى، ەڭ باقىتتى ءارى كوڭىلدى بولعان ءبىر كۇنىم بولدى.ولار بىزبەن بىرگە تۇرمىس كەشىپ، بىرگە ەڭبەك ىستەۋدەن سىرت، تاعى ساياساتتى جەتكىزىپ، زاڭدى دارىپتەپ، بالالارىمىزدىڭ قىزمەت تابۋىنا كومەكتەستى، ولارعا ەرەكشە العىس ايتامىن، ءبىز ءبىر وتباسىنىڭ ادامدارمىز،-دەدى.
ءبىر جىلدان ارتىق ۋاقىتتان بەرى، لي يۇيدىڭ كومەگىندە، وبۇل سادىر قارتتىڭ بالالارى تۇگەل ءساتتى كاسىپتەندى، وتباسىنىڭ تۇرمىسى بارعان سايىن جاقساردى.ەكى جاقتىڭ سۇيسپەنشىلىگى دە تەرەڭدەپ، بارعان سايىن ەتەنە بولدى.لي يۇي: ءبىز تەرەڭ سۇيسپەنشىلىك ورناتتىق، تۋىس سەكىلدىمىز، ولار ۇنەمى مەنى ۇيلەرىنە قوناق بولۋعا ۇسنىس ەتەدى، ولاردىڭ بولاشاقتا اناعۇرلىم باقىتتى، دەنساۋلىقتارىنىڭ مىقتى بولۋىن تىلەيمىن، اناردىڭ دانىندەي تىعىز ىنتىماقتاسۋدى ءۇمىت ەتەمىن،-دەدى.
«ۇلتتار ىنتىماعى ـــ ءار ۇلت حالىق بۇقاراسىنىڭ جان تامىرى، شينجياڭنىڭ دامىپ، العا باسۋىنىڭ ءتۇبىرلى نەگىزى ءارى ءبىر ميلليارد 300 ميلليوننان ارتىق جۇڭگو حالقىنىڭ ورتاق تىلەگى.» «ۇلتتار ىنتىماعىن كوزىمىزدىڭ قاراشىعىنداي قورعاپ، ومىرىمىزدەي قاستەرلەپ، اناردىڭ دانىنداي تىعىز ۇيىسۋىمىز قاجەت»، 2017-جىلى باس شۋجي شي جينپيڭ مەملەكەتتىك 12-كەزەكتى حالىق قۇرىلتايىنىڭ بەسىنشى ماجىلىسىنە قاتىناسقان شينجياڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقانداعى ۇلتتار ىنتىماعىنا قاتىستى ماڭىزدى ءسوزىنىڭ رۋحى، شينجياڭداعى ءار ۇلت كادرلارى مەن بۇقاراسىن ۇلتتار ىنتىماعى قىزمەتىن ۇزبەي ىشكەرىلەي تەرەڭدەتۋگە شابىتتاندىردى.باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرۋدىڭ، تياناقتاندىرۋدىڭ ناقتىلى ورنالاستىرۋى رەتىندە، اۆتونوميالى رايون «ۇلتتار ىنتىماعىنىڭ بەرەكەلى شاڭىراعىندا» قيمىلى نەگىزىندە ۇلتتار ىنتىماعىنىڭ «تۋىسشىلاۋ اپتالىعى» قيملىن ورىستەتتى، ءار ۇلت كادرلارى مەن جۇمىسشى-قىزمەتكەرلەر توپ رەتكە ءبولىنىپ، نەگىزگى ساتىداعى قىستاق پەن الەۋمەتتىك اۋماققا بارىپ، ءبىر اپتا بۇقارامەن بىرگە تاماقتانۋ، بىرگە تۇرۋ، بىرگە ەڭبەك ىستەۋ، بىرگە ۇيرەنۋ قيمىلىن ورىستەتتى، ولار اۋلاداعى ۇستەلدىڭ ماڭىندا، پارتيا 19-قۇرىلتايىنىڭ رۋحىنان جانە ءتۇرلى حالىققا تيىمدىلىك جاساۋ ساياساتىنان ۇگىت-لەكسيا جاساپ، وتباسىلارىن ارالاپ، زاڭدى ۇگىتتەپ، بۇقارانىڭ كوڭىلىندەگى ىستەردى ءتۇسىندىرىپ، كەدەي، قينشىلىعى بار مۇگەدەكتەرگە شىنايى كومەكتەسىپ، بۇقاراعا ناقتىلى ىستەر ىستەپ، ولاردىڭ قينشىلىعىن شەشىپ، تۋىسىنىڭ القاۋىنا بولەندى.تاپسىرمانى ەستە ساقتاپ، ۇمىتىن اقتادى، بۇگىنگى تاڭدا، شينجياڭداعى ءار ۇلت حالىق بۇقاراسى ۇلتتار ىنتىماعىنا قاتىستى جاقسى ىستەردى ىستەپ، بارلىعى ۇلتتار ىنتىماعىنىڭ ۇلگىسى بولدى؛ ۇلتتار ىنتىماعىن كۇندەلىكتى تۇرمىس پەن قىزمەتكە، ۇيرەنۋگە ءسىڭىرىپ، مەكتەپ تاربيەسىنىڭ، وتباسى تاربيەسى مەن قوعام تاربيەسىنىڭ ءارقايسى جاعىمەن ۇشتاستىردى، ءار ۇلت ءوزارا توعىسقان قوعامدىق قۇرىلىم مەن الەۋمەتتىك اۋماق ورتاسى قالىپتاسۋدا.مەملەكەتتىك اكىمشىلىك ينستيتۋتى ەكونوميكا ءبولىمىنىڭ پروفەسسورى فىڭ شياۋبين بىلاي دەدى: باس شۋجيدىڭ ماڭىزدى ءسوزىنىڭ رۋحىن تياناقتاندىرىپ، ورتالىقتىڭ كەدەيلىكتەن قۇتىلدىرۋدان قامال الۋ، شەكارانى كوركەيتىپ، حالىقتى اۋقاتتاندىرۋ سياقتى ساياساتىمەن ۇشتاستىرىپ، شينجياڭ پارمەندى شارا قولدانىپ، ۇلتتىق رايوننىڭ جاپپاي دوڭگەلەك داۋلەتتى قوعام قۇرۋ اياق الىسىن تەزدەتىپ، ۇلتتار ىنتىماعى العا باسارلىعىنداعى وزات ورىن قۇرۋ قىزمەتىن بارىنشا كۇشەيتىپ، ۇلتتار ىنتىماعى العا باسارلىعى ىستەرىنىڭ شىت جاڭا بەينەسىن جاراتتى.شينجياڭنىڭ ۇلتتار ىنتىماعى العا باسارلىعى ىستەرى جۇرت نازارىن اۋدارالىق ونىمدىلىككە قول جەتكىزدى، ۇلتتار ىنتىماعى سىندى وسى ءبىر ماڭىزدى بۇقارالىق قىزمەت بۇرىنعىدان دا نىعايدى.
بيىلعى مەملەكەتتىك ەكى ءماجىلىس كەزىندە، باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ اتاپ كورسەتتى: ءار ۇلتتىڭ اناردىڭ دانىندەي تىعىز ۇيىسۋ اياق الىسىن ىلگەرىلەتىپ، ۇلتتار ىنتىماعى العا باسارلىعى ءداۋىر ءۇنىنىڭ بۇرىنعىدان دا اسقاقتاۋىنا مۇمكىندىك جاساۋ قاجەت.بۇل شينجياڭداعى ءار ۇلت حالىق بۇقاراسىن قىزمەت ورنىندا تاباندى بولىپ، ۇلتتار ىنتىماعى قىزمەتىن ويداعىداي ىستەۋگە شابىتتاندىردى.مەملەكەتتىك حالىق قۇرىلتايىنىڭ ۋاكىلى جاڭ يان بىلاي دەدى: ۇلتتار ىنتىماعى اۋاداي قاجەت، تۇرمىستا، قىزمەتتە ونان ءبىر سات تە ايىرىلا المايمىز، ءبىز، ءسوزجوق، وسى تاماشا جاعدايدى قورعاپ قالۋىمىز قاجەت.حالىق قۇرىلتايى ۋاكىلى رەتىندە، مەن دە الدا ءوز رولىمدى ساۋلەلەندىرەمىن.الداعى باقىلاۋ-تەكسەرۋ بارىسىندا، كەڭەس جوبا، ۇسىنىس بارىسىندا، ۇلتتار ىنتىماعىنا اناعۇرلىم ءمان بەرىپ، بۇرىنعىدان دا جاراسىمدى، ىنتىماقتى ورتا جاراتۋعا قۇلشىنامىن.مەملەكەتتىك ساياسي كەڭەستىڭ مۇشەسى يۇكساك شيجاات بىلاي دەدى: ۇلتتار ىنتىماعى اڭگىمەسىن ءوز تۋىندىممەن ۇشتاستىرىپ، نەگىزگى ساتى قىزمەتىن ويداعىداي ىستەپ، تۋىندىم ارقىلى ۇلتتار ىنتىماعىن قورعايمىن.مەملەكەتتىك ساياسي كەڭەستىڭ مۇشەسى رەتىندە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ جاقسى ساياساتىن، ۇلتتار ىنتىماعى جاقسى ساياساتىن ويداعىداي جەتكىزىپ، حالىققا ءتيىمدى ءتۇرلى ساياساتتى ناقتى تياناقتاندىرامىن.


بەرىپ كەت ورامالىڭدى

دوستار

الىستاعى اق ەركە