جاڭا حابارلار

بالالاردىڭ ەسەيۋ جولىنا شۋاق شاشتى

    كەلۋ قاينارى: شينجياڭ گازەتى    2018-03-08 19:18:58  

ءتىلشىمىز گاي يوۋجۇن، اقسۋ تىلشىلەر پۋنكتىنەن دىڭ ليجۋان

  15 جىلدان بەرى قۇربان نيازدىڭ مەملەكەتتە ءبىر تۇتاس قولدانىلاتىن ءتىل - جازۋ وقىتۋىن جۇرگىزىپ كەلە جاتقان ىزگى ىستەرى اقپارات قۇرالدارى ارقىلى جالپى جۇرتقا تارالدى. ول اشقان ءۇشتۇرپان اۋدانى العا قالاشىق باستاۋىش مەكتەبى قوعام نازارىن جاپپاي اۋداردى. ءبىر شارۋا بالاسىنان اۆتونوميالى رايوندىق حالىق قۇرىلتايىنىڭ ۋاكىلى، ودان مەملەكەتتىڭ حالىق قۇرىلتايىنىڭ ۋاكىلى بولعان 53 جاستاعى قۇربان نيازدىڭ ءومىرى ونەگەگە تولعان ەدى.
  ءومىردى كۇرەسپەن ورنەكتەدى
  3 - ايدىڭ 3 - كۇنى ساعات 10دا، مەملەكەتتىك حالىق قۇرىلتايىنىڭ ۋاكىلدەرى جاتقان بەيجيڭدەگى ءبىر مەيمانحانادا قۇربان نياز دايىنداپ العان سوزىنە قايتا ءبىر رەت تاپتەشتەپ قاراپ، كەيبىر جەرلەرىنە جاڭا ويلار قوستى. «سالدەن سوڭ باس شۋجيدى كورەتىندىگىمدى ويلاپ قاتتى تەبىرەنىپ وتىرمىن»، - دەدى ول. اكەسى وعان «قۇربان» دەپ ات قويعاندا قۇربان تۇلىم اتاي سياقتى پارتيانى سۇيەتىن، وتاندى سۇيەتىن، حالىققا قالتقىسىز قىزمەت كورسەتەتىن ادام بولۋدى ارمانداعان ەكەن. ول سول ارماندى جۇزەگە اسىرۋ ءۇشىن ۇزدىكسىز قۇلشىنىپ كەلە جاتىپتى.
  2003 - جىلى 36 جاستاعى قۇربان وقۋ - اعارتۋ ىسىنە كوڭىل اۋدارىپ، بارلىق جيعان - تەرگەندەرىن جۇمساپ قىستاقتان ءبىر باستاۋىش مەكتەپ اشتى.
  ءۇشتۇرپان اۋدانى العا قالاشىعىنان جوعارى مەكتەپكە اتتانعان تۇڭعىش ستۋدەنت رەتىندە، قۇربان مەملەكەتتە ءبىر تۇتاس قولدانىلاتىن ءتىل - جازۋدى جەتىك مەڭگەرۋ − قىستاق بالاسىنىڭ تاعدىرىن وزگەرتەتىن بىردەن - ءبىر شىعار جول ەكەنىن، تاربيەنى بالالاردان باستاۋ كەرەكتىگىن تەرەڭ تانىپ جەتتى.
  سەنىم دەگەنىڭ بەينە قاراڭعىلىقتى جارىپ وتكەن شام - شىراق ىسپەتتى ەمەس پە. قۇربان لي حۇڭ، شىن لەي باستاعان ءبىر توپ وقىتۋشىلاردى مەكتەبىنە اكەلدى.  15 جىلدان بەرى مەكتەپتەگى وقىتۋشى تورتتەن 40قا مولايىپ، مەكتەپتىڭ داڭقى الىسقا جايىلا باستادى، وقۋشى سانى دا 80نەن 800 نەشەگە جەتتى.
  2016 - جىلدان باستاپ، مۇسا تۇرعىن، ازامات ابدۇنياز باستاعان وسى مەكتەپتەن ءبىلىم العان ءبىر توپ وقۋشى جوعارى مەكتەپكە ءوتىپ، بەيجيڭ، تيانجين سياقتى جەرلەرگە بارىپ وقىدى. قۇربان شەكسىز تابىس سەزىمىنە، باقىت سەزىمىنە بولەندى.
  ىزدەنىستە شەك جوق
  15 جىلدىڭ الدىندا، كۇزگى وقۋ ماۋسىمى باستالعان كەزدە قۇرباننىڭ ءۇي - ءۇيدى كەزىپ وقۋشى ىزدەگەنى بۇگىنگە دەيىن ەسىنەن كەتپەيدى. ال بۇگىن وقۋ باستالا سالىسىمەن، اتا - انالار مەكتەپ الدىنا جامىراي كەلىپ، قولدارىنداعى تىزىمدەۋ كەستەسىن تالاسا - تارماسا مەكتەپكە ۇسىناتىن بولدى.
  قۇربان مەكتەپتىڭ اتا - انانى وسىنشاما قاتتى باۋراۋىنداعى سەبەپتىڭ وقۋشىلاردىڭ جوعارىلاپ وقۋ سالىستىرماسىنىڭ كوتەرىلۋىمەن قوسا، مەكتەپتىڭ جۇڭحۋانىڭ تاڭداۋلى ءداستۇرلى مادەنيەتىن ۇيرەتۋىنىڭ قۇدىرەتىندە ەكەنىن بايقادى.
  «2016 - جىلى مەملەكەت 17 ميلليون يۋان قارجى قوسىپ، مەكتەپكە 8700 شارشى مەتر جاتاقحانا سالىپ بەردى. مەملەكەتتىڭ حالىق باسقارۋىنداعى مەكتەپكە وسىنشاما زور قولداۋ كورسەتكەنى مەكتەپ باستىعى بولعان مەن ءۇشىن داڭق، سونىمەن بىرگە ماعان زور سەنىم سيلادى، وسىنشاما جىلدان بەرى باسىپ وتكەن جولدارىمنىڭ دۇرىس ەكەنىنە كوزىم جەتتى، وقىتۋشىلاردىڭ ەڭبەكاقىسىنا جۇمساۋ ءۇشىن ءۇشتۇرپان اۋدانى ءار جىلى قازىنادان مەكتەپكە 760 مىڭ يۋان ءبولىپ، مەكتەپتىڭ ەكونوميكالىق اۋىرتپالىعىن ەداۋىر جەڭىلدەتتى»، - دەدى قۇربان.
  ارينە، بۇل قولداۋلار مەن ارتقان سەنىم قۇرباننىڭ موينىنداعى جۇگىن ونان ارى اۋىرلاتتى. مەكتەپ وقىتۋىن بارعان سايىن جاقسارتۋ ونىڭ جاڭا نىساناسىنا اينالدى.

  جاڭا سالىنعان مەكتەپ جاتاقحاناسى پايدالانۋعا بەرىلگەننەن كەيىن، مەكتەپ اۋلاسىنىڭ ءار تۇسىنان جۇڭحۋانىڭ تاڭداۋلى ءداستۇرلى مادەنيەتىنىڭ بەلگىلەرى كوپتەپ كورىندى. تام قابىرعالارىنا جاپسىرىلعان اعارتۋشىلاردىڭ ۇلاعاتتى سوزدەرى وقىتۋشىلار مەن وقۋشىلارعا مادەني ءنار سيلادى؛ وتاندىق ءىلىم ساباعىندا بالالار سەپپە سۋرەت سىزىپ، جۇڭحۋانىڭ تاڭداۋلى ءداستۇرلى مادەنيەتىنىڭ ۇشان تەڭىز رۋحىن سەزىندى؛ تامىلجىعان بايىرعى اۋەن بالالاردى كوركەمونەرگە باۋلىدى؛ ءداستۇرلى جۇڭگوشا سىزبا سۋرەتتەر بالالاردىڭ ويلاۋ قابىلەتى مەن جاسامپازدىق قابىلەتىن ۇشتادى...
  وزگەرىستەر بۇنىمەن عانا شەكتەلىپ قالعان جوق. «بالالار ۇلكەندەردى جەتەلەۋ» فورماسى ارقىلى وقۋشىلار مەكتەپتە ۇيرەنگەن وزىق مادەنيەتتەرىن وتباسىلارىنا جەتكىزىپ، قىستاقتاردا مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ اۋقىمىن كوتەردى.
  داۋىرمەن بىرگە العا ىلگەرىلەدى
  باس شۋجي شي جينپيڭ: جۇڭحۋانىڭ تەلەگەي تەڭىز تاڭداۋلى ءداستۇرلى مادەنيەتى ءبىزدىڭ دۇنيە مادەنيەتىنىڭ تولقىنىندا تابان تىرەپ تۇرۋداعى نەگىزىمىز، - دەدى.
  پارتيا 19 - قۇرىلتايىنىڭ بايانداماسىندا وقۋ - اعارتۋ ىستەرىن الدىمەن دامىتۋ العا قويىلدى. بۇل قۇرباننىڭ سەنىمىن ونان ارى بەكەمدەي ءتۇستى. وقۋ - اعارتۋ شەبىنىڭ قىزمەتكەرى رەتىندە، كوپتەگەن اۋىل - قىستاق بالالارىنا وزىق مادەنيەت بىلىمدەرىن، مەملەكەتتە ءبىر تۇتاس قولدانىلاتىن ءتىل - جازۋدى، جۇڭحۋانىڭ تاڭداۋلى ءداستۇرلى مادەنيەتىن ۇيرەتۋ ارقىلى، ولاردىڭ بولاشاقتا قىستاقتان شىعىپ، ءتىپتى دە بايتاق جەرلەردە كەلەلى ىستەردى تىندىرۋىنا مۇمكىندىك جاساۋ − قۇرباننىڭ «جۇڭگو ارمانى» بولاتىن.


بەرىپ كەت ورامالىڭدى

دوستار

الىستاعى اق ەركە