جاڭا حابارلار

رايونىمىز ورتا-تومەن كىرستەگى وتباسىنىڭ تۇرعىن ءۇي ارمانىن ورىنداپ، رەفورمانىڭ تيىمدىلىگىنەن يگىلىكتەندىردى

    كەلۋ قاينارى: شينجياڭ حالىق راديو ىستانسياسى    2018-03-09 13:14:10  

حابار تىڭداڭىزدار: رايونىمىزدىڭ جەر-جەرى سول جەردىڭ جاعدايىنا قاراي، دارەجەگە ءبولىپ قوسىمشا قاراجات بەرۋ، قامتاماسىزداندىرۋ سيپاتتى تۇرعىن ءۇيدىڭ ولشەمىن ەركىن قويا بەرۋ، وزگە جەرگە كوشىرۋ سياقتى ءتۇرلى شارادان پايدالانىپ، ورتا-تومەن كىرستەگى وتباسىنىڭ تۇرعىن ءۇي ارمانىن ورىنداپ، رەفورمانىڭ تيىمدىلىگىنەن يگىلىكتەندىردى.
پارتيا 19-قۇرىلتايى بايانداماسىندا، كوپ نەگىزدى قامداۋ، ءتۇرلى جولدارمەن قامتاماسىزداندىرۋ، جالعا بەرۋ مەن ساتۋدى قاتار جۇرگىزۋ سىندى تۇرعىن ءۇي ءتۇزىمىن ورناتۋ اياق الىسىن تەزدەتىپ، جالپى حالىقتىڭ تۇرارجايى بولۋىنا مۇمكىندىك جاسادى. كوكتەمنىڭ باس شەنىندە، ۇلىقشات اۋدانى بايىنقۇرۇت اۋىلىنداعى مالشىلاردى كوشىرۋ تۇيىنىندە كۇن شايداي اشىق بولدى، تۇلعالىق قۇرىلعىلارى تولىق، تازا دا جارىق شىت-جاڭا عيماراتقا كوشىپ كەلگەن مالشىلاردىڭ كوڭىلى كوتەرىلىپ، سەرپىلىپ قالدى، ادامدار قايشالىسقان بازار كۇنى ولاردىڭ تۇرمىسىنا ءتىپتى وزگەشە ءسان قوستى. وتكەن جىلى تاۋ قويناۋىنداعى 136 وتباسىنداعى 406 مالشى وزگە جەرگە كوشىرىپ قونىستاندىرۋ ساياساتىنان يگىلىكتەنىپ، وسى اراعا كوشىپ كەلدى. كوشىرىلگەن وسى وتباستارىنىڭ ءار ءبىرى نەبارى 10 مىڭ يۋان اقشا شىعارىپ، 80 نەشە شارشى مەترلىك تۇرعىن ءۇي مەن 50 مىڭ يۋان ءوسىمسىز قارىز بەرىلگەن ساۋدا ورنىنا يە بولدى. مالشى تۇرعىن مامۋتحان كۇندەلىك تۇتىنۋ بۇيىمدار دۇكەنىن اشتى. ول تىلشىگە ريزاشىلىق ءبىلدىرىپ: «بۇرىن تاۋدا شاتىردا وتىراتىنبىز، ۇيىمىزدە توك تە جوق، وتە قولايسىز-ەدى. قازىر، وتىرىقتانۋ تۇيىنىنە كوشىپ كەلدىك، جولداسىم شەكارا قورعاۋشىسى، قايىنىم ءۇي اشەكەيلەۋدى ۇيرەندى، ەكى بالام مەكتەپتە وقيدى، وتباسىمىزدىڭ جىلدىق كىرىسى 60 مىڭ يۋاننان اسادى، تۇرمىسىمىز بارعان سايىن جاقساردى. پارتيانىڭ جاقسى ساياساتىنا العىس ايتامىن»،-دەدى.
ۇعىسۋعا قاراعاندا، اۆتونوميالى رايون بيىل 110 مىڭ ادامدى باسقا جەرگە كوشىرىپ سۇيەمەلدەۋ مىندەتىن ورىنداپ، كەدەي وتباسىنىڭ ورتاشا تۇرعىن ءۇي كولەمىن 50 دە 80 شارشى مەترگە جەتكىزىپ، حاۋىپسىز اۋىز سۋمەن قامداۋ، سىرتقا شىعۋىنا قولايلىق جاساۋ، ءوندىرىس پەن تۇرمىستا توكتەن پايدالانۋ سياقتى نەگىزدىك قاجەتىن قاناعاتتاندىرىپ، وقۋ-اعارتۋ، ەمدەۋ، مادەنيەت سياقتى جاقتاعى الەۋمەتتىك قىزمەت وتەۋ قۇرىلعىلارىن نەگىزىنەن تولىق سايكەستىرگەن.
وزگە جەرگە كوشىرۋدەن سىرت، اۆتونوميالى رايون تاعى كورىكتى اۋىل-قىستاق قۇرۋ سياقتى نىساننان پايدالانىپ، ەگىن-مال شارۋاشىلىق رايونىنىڭ بەت-بەينەسىن بارىنشا جاقسارتتى. قۇمىل قالاسى ەۋىرعۇل رايونى قالا ءىشى اۋىلى التۇنعول قىستاعىنىڭ كونە مالىسىندەگى باھارگۇل مامەت تيىمدىلىككە كەنەلگەن قىستاق ديحاندارىنىڭ ءبىرى. ول جاڭالاپ قۇرۋ ارقىلى قازىر اۋىل-قىستاقتىڭ بەت-بەينەسىنىڭ بارىنشا جاقسارعانىن ايتا كەلىپ: «ۇكىمەت مول قارجى قوسىپ، ديحانداردىڭ اۋلاسىن جاڭالاپ، تاس جولداردى قايتادان سالىپ، كوشە شىراعىن جوندەگەننەن كەيىن، تاماشا بولىپ كەتتى. ءبىز شارۋالار تاعامجايىن اشقامىز، ساۋدامىز كوسەت، كوپتەگەن ساياحاتشىلار ءبىزدىڭ تاعامجايعا كەلىپ تاماقتاندى»،-دەدى.
مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسىنىڭ ءپايزاۋات اۋدانى قىزىلسۋ اۋىلى لاڭگار قىستاعىندا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعسىتىرۋ» بويىنشا تۇرعان قىزمەت اترەتىنىڭ باستىعى، ءبىرىنشى شۋجيى چىن لياڭ تىلشىگە، بيىل رايونىمىزدىڭ اۋىل-قىستاق بەيقۇت ءۇي قۇرىلىسىنان 300 مىڭ ءۇي سالۋدى جوسپارلاعانىن، مۇندا اۋىل-قىستاقتاعى ارحيپ تۇرعىزىپ كارتشىكا تاراتىلعان كەدەي وتباسى، ەڭ تومەنگى تۇرمىسى قامتاماسىزداندىرلاتىن وتباسى، بىتىراڭقى قارايلاساتىن ەرەكشە كەدەيلەر، كەدەي مۇگەدەكتەر وتباسى سياقتى اۋىل-قىستاقتاعى ءتورت تۇردەگى 210 مىڭ وتباسىنا جەتكەنىن ايتىپ: «بيىلعى ۇكىمەت قىزمەتىنەن باياندامادا ءۇش ءىرى قامال الۋ شايقاسىندا جەڭىسكە جەتۋ ايقىن ورتاعا قويىلدى. كەدەيلىكتەن قۇتىلدىرۋدا تۇرعىنءۇيدى قامتاماسىزداندىرۋ ماڭىزدى ءبىر بۋىن. اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسى اۆتونوميالى رايوندىق پارتكوم مەن ۇكىمەتتڭ تالابى بويىنشا، جەر-جەردى نىساندى اتقارۋ بارىسىندا ناقتى جوسپاردى تياناقتاندىرۋعا قۋزادى، ينجەنەريا قۇرىلىسىندا ءبىز باقىلاۋ-تەكسەرۋدى كۇشەيتىپ، ينجەنەريا ساپاسىنا كەپىلدىك ەتەمىز»،-دەدى.
قالا ىشىندە اۆتونوميالى رايون كونە قالا رايونىن جاڭالاۋدى، لاشىقتىلار رايونىن جاڭالاۋدى پارمەندى جۇرگىزدى ءارى الەۋمەتتىك جالعا بەرىلەتىن ءۇي ءبولىسنىڭ ءتاسىلىن جالعاستى كەمەلدەندىرىپ، جالعا بەرۋ ولشەمىن تومەندەتىپ، ورتاشا جانە تومەن كىرسىتەگى وتباسىلارىنىڭ تۇرار ۇيگە يە بولۋىنا مۇمكىندىك جاسادى.
جۋىقتان بەرى، ءۇرىمجى قالاسىنىڭ تۇرعىنى جيا جين-ي جاڭا ۇيىنە تۇرمىستىق بۇيىمدار ساتىپ الۋمەن قاربالاس. وتكەن جىلدىڭ سوڭىندا، ول جەرەبە تارتۋ جولىمەن قامتاماسىزداندىرۋ سيپاتتى تۇرعىن ۇيگە يە بولىپ، شويموگۋ رايونىنداعى شان شۇي-لان-دى تۇرعىندار راييونىنداعى الەۋمەتتىك جالعا بەرىلەتىن ۇيگە كوشىپ كىردى. جيا جين-ي بۇرىن ميچۋان-دۇڭشان رايونىنداعى 30 شارشى مەترلىك جەر ۇيدە تۇرعان، ول كەزدە ۇيىنىڭ ايلىق جالاقىسى 700 يۋان ەكەن. ول، وسى رەت ءوتىنىش ەتكەن الەۋمەتتىك جالعا بەرىلەتىن ءۇيدىڭ ورنىنىڭ جاقسى ەكەنىن، جالاقىسىنىڭ دا 500 يۋانعا جەتپەيتىنىن ايتىپ: «ءوتىنىش تەز قابىلدانىپ، ءراسىمياتى دا وڭاي ءبىتتى. بۇل جولى لايىقتى ءۇي ءتيىپ، وتە ءتيىمدى بولدى»،-دەدى.
جەرگىلىكتى تۇرعىنداردان تىس، كەيبىر ۇزاق ۋاقىت سىرتتا جۇمىس ىستەيتىن قينشىلىعى بار ادامدار دا الەۋمەتتىك جالعا بەرىلەتىن ءۇي تيىمدىلىگىنەن يگىلىكتەندى. 53 جاسقا كەلگەن ليۋ لامەي حۋنان ولكەسىنىڭ شاۋياڭ دەگەن جەرىنەن كەلىپ، سانجى قالاسىندا تۇرمىس كەشىرگەنىنە سەگىز جىلداي بولعانىمەن، كىرىسىنىڭ تومەندىگىنەن تۇراقتى تۇرار ءۇيى بولماعان-ەدى. وتكەن جىلى الەۋمەتتىك اۋماق قىزمەتكەرلەرى وعان كومەكتەسىپ، اۋلەمەتتىك جالعا بەرىلەتىن ءۇيدى ءوتىنىش ەتىپ، الىپ بەردى، ليۋ لامەي وزىنە تاۋەلدى ۇيگە يە بولدى: «بۇرىن توزىعى جەتكەن كونە ۇيدە تۇراتىنمىن، جاۋىن-شاشىندى كۇندەرى توبەدەن سۋ ءوتىپ، قىستا جەل اڭقىلدايتىن. قازىرگى جاعداي جاقسى، پارتيا مەن ۇكىمەتتىڭ ساياساتى تاماشا، ءۇيىم دە كەرەمەت، بۇل ۇيدە ەندىگارى توڭبايتىن بولدىم، كوڭىلىم جادىراپ قالدى»،-دەدى.
ۇعىسۋعا قاراعاندا، تۇتاس رايونىمىز لاشىقتىلار رايونىنداعى 471 مىڭ ءۇيدى جاڭالاۋدى جوسپارلاعان، بۇل 2017-جىلداعىدان %65.7 ارتقان. مۇنان تىس، ءۇرىمجى، قارامايلى، قۇمىل سياقتى قالالاردا تۇرعىن ءۇيدى جالعا بەرۋ بازارى سىناق ءتۇيىنى اتقارىلىپ، باسىلىپ قالعان بايلىقتى بازارعا سالىپ، اناعۇرلىم كوپ بۇقارانىڭ يگىلىكتەنۋىنە مۇمكىندىك جاراتىلادى ەكەن.


بەرىپ كەت ورامالىڭدى

دوستار

الىستاعى اق ەركە