جاڭا حابارلار

اۆتوكولىكتەن تۋعان 5 ءتۇرلى شىرعالاڭدى راقايلاسىپ ءبىر جاقتى ەتۋگە بولمايدى

    كەلۋ قاينارى: شينجياڭ گازەتى    2018-03-10 15:42:51  

كولىك سانىنىڭ كوبەيۋىنە بايلانىستى، ىركىلىسسىز جول ءجۇرۋ قيىنداسۋدا، بۇدان سىرت، قىس كۇنى جول تايعاق بولعاندىقتان، اۆتوكولىكتەر ءبىر - بىرىنە سوعىلىپ قالاتىن نەمەسە باسقالاردى قاعىپ كەتەتىن جاعدايلار ءجيى تۋىلادى. مۇنداي كەزدە اۆتوكولىك يەسى سىزدەن راقايلاسىپ ءبىر جاقتى ەتۋدى تالاپ ەتسە قايتەسىز؟

  بۇعان اسىعىپ شەشىم جاساماڭىز، تومەندەگى جاعدايلاردى ويلاستىرىپ، جاۋاپ قاتىڭىز:
  اۆتوكولىك شىرعالاڭىنداعى زاقىمدالۋ جاعدايىن انىق بىلمەسەڭىز
  شىرعالاڭ تۋىلعاندا ءبىر جەرىڭىز اۋىرسا نەمەسە جايسىزدانسا، جاعدايىڭىزدى انىق بىلمەي تۇرىپ راقايلاسىپ ءبىر جاقتى ەتۋگە كەلىسپەڭىز. ويتكەنى، مۇنداي ءبىر جاقتى ەتۋدەن كەيىن، زاقىمدالۋدى تۇراقتاندىرۋعا بولمايدى. كوبىندە قارسى جاق مۇنى مويىندامايدى. سوندىقتان، مۇنداي جاعدايعا كەز بولعاندا الدىمەن دەلو مالىمدەپ، سوڭىنان شيپاحاناعا بارىپ تەكسەرتۋ كەرەك. سوندا عانا ورىنسىز اۋرەشىلىكتەن ساقتانۋعا بولادى.
  قارسى جاقتى «ادەيى ىستەدى» دەگەن كۇمانىڭىز بولسا
  قارسى جاقتىڭ «ادەيى ىستەگەنىنە» ءبىر جولدا شەشىم جاساۋ قيىن، سوندىقتان مۇنداي جاعدايعا جولىققاندا، ەڭ اۋەلى، دەلو مالىمدەپ، سوڭىنان قارسى جاقتى شيپاحاناعا اپارىپ تەكسەرتۋ كەرەك.
  قارسى جاقتى اراق ىشكەن دەگەن كۇمانىڭىز بولسا
  اراق ءىشىپ اۆتوكولىك جۇرگىزگەندەرمەن سوعىلىسىپ قالعاندا، ابدىراپ راقايلاسىپ ءبىر جاقتى ەتپەگەن ءجون. ويتكەنى، ولارمەن كەلىسۋ تىم قيىن ءارى ولار قالىپسىز بولعاندىقتان، قالاي سويلەسسەڭىز دە ءىس جونىنە كەلمەيدى. سوندىقتان، ەڭ ابزالى دەلو مالىمدەۋ كەرەك.
  قارسى جاقتىڭ كۋالىكسىز اۆتوكولىك جۇرگىزگەنىنەن كۇماندانساڭىز
  شىرعالاڭ تۋىلعاندا قارسى جاق كۋالىكسىز اۆتوكولىك جۇرگىزسە، راقايلاسىپ ءبىر جاقتى ەتۋدى تالاپ ەتەتىنى داۋسىز، مۇنداي كەزدە استە راقايلاسىپ ءبىر جاقتى ەتۋگە اسىقپاۋ كەرەك. ويتكەنى، كۋالىكسىز اۆتوكولىك جۇرگىزۋگە قامسىزداندىرۋ تولەمىن بەرۋگە بولمايدى. سوندىقتان، دەلو مالىمدەۋ كەرەك.
  مال - مۇلىك شىعىنى تۇراقتاندىرىلماعان جاعدايدا
  شىرعالاڭداعى مال - مۇلىك شىعىنى تۇراقتاندىرىلماي تۇرىپ، اسىعىپ قارسى جاقتىڭ تالابى بويىنشا راقايلاسىپ ءبىر جاقتى ەتۋگە بولمايدى.
  اۋدارعان: سەرىك سابىر ۇلى


بەرىپ كەت ورامالىڭدى

دوستار

الىستاعى اق ەركە