جاڭا حابارلار

رايونىمىز ەمدەۋ جاعىندا حالىققا تيىمدىلىك جاساۋ ينجەنەرياسىن كۇش سالا ىلگەرىلەتىپ، ءار ۇلت حالىق بۇقاراسىنىڭ دەنساۋلىق باقىتىن ۇزدىكسىز ارتتىردى

    كەلۋ قاينارى: شينجياڭ حالىق راديو ىستانسياسى    2018-03-12 12:46:38  

ستانسيامىزدىڭ تىلشىلەرى لان تيان، ليۋ چياڭ، ۋاڭ يىڭ جانە پراكتيكانت ءتىلشى چىن يۋانچۇننىڭ حابارىن تىڭداڭىزدار: پارتيا 19-قۇرىلتايىنىڭ بايانداماسىندا: حالىقتىڭ دەنساۋلىعى جونىندەگى ساياساتتى كەمەلدەندىرىپ، حالىق بۇقاراسىنا دەنساۋلىق جاعىندا جان-جاقتى، تولىق اينالىمدى قىزمەت ەتۋ كەرەك،-دەپ اتاپ كورسەتىلدى. اشىلۋ ۇستىندەگى مەملەكەتتىك ەكى ماجىلىستە، «ۇكىمەت قىزمەتىنەن باياندامادا» دا: «ەمدەۋ، دەنساۋلىق ساقتاۋ قىزمەت ەتۋ ساپاسىن جوعارلاتىپ، بۇقارانىڭ ناۋقاس كورسەتۋى، ەمدەلۋى قيىن بولۋ ماسەلەسىن بار كۇشپەن شەشۋ ورتاعا قويىلدى. رايونىمىزدىڭ دەنساۋلىق ساقتاۋ جانە جوسپارلى تۋىت جۇيەسى جاڭا داۋىردەگى قوعامداعى باستى قايشىلىقتىڭ وزگەرۋىن ارقاۋ ەتىپ، بۇقارانىڭ قاجەتىمەن، نەگىزگى ساتىداعىلاردىڭ ارمان-تىلەگىمەن دالمە-ءدال ۇشتاستىرىپ، ەمدەۋ جاعىندا حالىققا تيىمدىلىك جاساۋ ينجەنەرياسىن كۇش سالا ىلگەرىلەتىپ، ءار ۇلت حالىق بۇقاراسىنىڭ دەنساۋلىق باقىتىن ۇزدىكسىز ارتتىردى.
3-ايدىڭ 9-كۇنى تۇسكى ساعات 3 تەن اسقاندا، اقسۋ قالاسى ايكول قالاشىعى چاچى قىستاعىنىڭ دەنساۋلىق ساقتاۋ ورنىندا، شيپاگەر 66 جاستاعى شەرمامەت ءماتقۇرباننىڭ قان قىسىمىن ولشەدى. شەرمامەت ءماتقۇرباننىڭ وتكەن جىلى جالپى حالىقتىڭ دەنساۋلىعىن تەگىن تەكسەرۋدە جوعارى قان قىسىم اۋىرى بارلىعى تەكسەرىلىپ انىقتالعان بولاتىن، سونىمەن شيپاگەر ونى ۇنەمى قالاعان ۋاقىتتا ەمدەپ، ازىقتانۋدى تەجەپ، ءدارى ىشكەندىكتەن، قازىر ونىڭ جاعدايى كوپ جاقساردى. ول: ءدارى ءىشۋ ارقىلى قازىر قان قىسىمىم تۇراقتاندى. شيپاگەر تاعى ماعان ازىقتانۋعا ءمان بەرۋدى، قاقتالعان ەتتى از جەۋدى، كوكونىستى كوبىرەك تۇتىنۋىمدى ەسكەرتتى. ەگەر جالپى حالىقتىڭ دەنساۋلىعىن تەكسەرۋ قيمىلى ورىستەتىلمەسە، قان قىسىمىمنىڭ جوعارى ەكەنىن بايقاماعان بولار ەدىم، قازىر قىستاقتىڭ دەنساۋلىق ساقتاۋ ورنىنىڭ شارت-جاعدايى جاقسى، ەمدەۋ قامسىزداندىرۋ كارتشكاسىن دە ىستەتە الامىز، وسىنىڭ بارلىعى پارتيانىڭ جاقسى ساياساتىنىڭ ارقاسى،-دەدى.
2016-جىلى 9-ايدان باستاپ، اۆتونوميالى رايون جالپى حالىقتىڭ دەنساۋلىعىن تەكسەرۋ ينجەنەرياسىن اتقارىپ، قالا مەن اۋىل تۇرعىندارى جىل سايىن دەنساۋلىعىن تەگىن تەكسەرۋدەن يگىلىكتەنۋىنە بولاتىن بولدى. وتكەن جىلدىڭ سوڭىنا دەيىن، رايونىمىز ەكى كەزەك جالپى حالىقتىڭ دەنساۋلىعىن تەكسەرۋ مىندەتىن ورىنداپ، جيىنى 36 ميلليون 340 مىڭ ادام رەت دەنساۋلىق تەكسەردى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ نەگىزگى ساتى دەنساۋلىق ساقتاۋ باسقارماسىنىڭ ورىنباسار باستىعى گاۋ شىڭ بىلاي دەدى: 2018-جىلى جالپى حالىقتىڭ دەنساۋلىعىن تەكسەرۋ قىزمەتىن پارتيا 19-قۇرىلتاي بايانداماسىندا ورتاعا قويىلعان «نەگىزگى ساتى ەمدەۋ دەنساۋلىق ساقتاۋ قىزمەت ەتۋ جۇيەسى قۇرىلىسىن كۇشەيتۋمەن» تىعىز ۇشتاستىرىپ، قىزمەتكەرلەر جانە جابدىق ورنالاستىرۋدى نىعايتامىز؛ 2016-جانە 2017-جىلعى قىزمەتتى قورتىندىلاۋ نەگىزىندە، ناۋقاس كەستەسىن جاساپ، ءتۇيىندى ادامدارعا قاراتا تۇرلىشە، تۇرگە ءبولىپ اتقارىلاتىن جوبا جاسايمىز.
باس شۋجي شي جينپيڭنىڭ پارتيا 19-قۇرىلتايىنىڭ بايانداماسىندا ورتاعا قويعان: «نەگىزگى ساتىنىڭ ەمدەۋ، دەنساۋلىق ساقتاۋعا قىزمەت ەتۋ جۇيەسى مەن امبەباب ءپاندى شيپاگەرلەر قوسىنى قۇرىلىسىن كۇشەيتۋ» تالابىنا ساي، رايونىمىز جالپى حالىقتىڭ دەنساۋىعىن تەگىن تەكسەرۋمەن بىرگە، امبەباب ءپان شيپاگەرلەرىن قىزمەت ورنىن اۋستىرىپ تاربيەلەۋدى بەلسەنە جۇرگىزىپ، جيىنى 5 مىڭ ادامعا جۋىق امبەباب ءپان شيپاگەرىن تاربيەلەدى. قاراقاش اۋدانى زاۋا قالاشىعى دەنساۋلىق ساقتاۋ ورنى قان ءسۇزۋ ءبولىمىنىڭ مەڭگەرۋشىسى ءمامتىمىن مامەتتۇرسىن بىلاي دەدى: امبەباب ءپان شيپاگەرلەرىن تاربيەلەۋ بارىسىندا، بۇيرەك اۋرۋى مەن قان سۇزۋگە قاتىستى بىلىمدەردى يگەردىم، قازىر كەيبىر سوزىلمالى بۇيرەك اۋىرۋىنىڭ 5-كەزەڭىندەگى قان سۇزدىرەتىن ناۋقاستاردى شيپاحانامىز ەمدەي الاتىن بولدى، ديحاندار ءبىزدىڭ ەمدەۋ قىزمەت ەتۋىمىزگە ءدان ريزا، ديحانداردىڭ ەكونوميكالىق قينشىلىعى بارىنشا جەڭىلدەدى.
قازىر، رايونىمىزدىڭ اۋىل-قالاشىق دەنساۋلىق ساقتاۋ ورىنى مەن قىستاق دەنساۋلىق ساقتاۋ ورنىن ولشەمدەندىرىپ قۇرۋ دەڭگەيى جەكە-جەكە %88.17 جانە %84.21 جوعارلاپ، 121 اۋىل-قالاشىقتىڭ دەنساۋلىق ساقتاۋ ورىنى مەملەكەتتىك دەنساۋلىق ساقتاۋ جانە جوسپارلى تۋىت كوميتەتى جاريالاعان «2016-جانە 2017-جىلعى بۇقارا ريزا بولارلىق اۋىل-قالاشىق دەنساۋلىق ساقتاۋ ورنىنا» ەنگىزىلدى، نەگىزگى ساتىنىڭ ەمدەۋ دەنساۋلىق ساقتاۋ قىزمەتىنىڭ قاتتى جانە جۇمساق بولشەك دەڭگەيى قاتار جوعارلادى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى پارتگرۋپپاسىنىڭ ورىنباسار شۋجيى، ورىنباسار مەڭگەرۋشىسى پىڭ يۇڭ، بيىلعى «ۇكىمەت قىزمەتىنەن باياندامادا»: «نەگىزدىك ەمدەۋ قامسىزداندىرۋى مەن سالماقتى ناۋقاستاردى قامسىزداندىرۋ، قامتاماسىزداندىرۋ دەڭگەيىن جوعارلاتىپ، نەگىزدىك ەمدەۋ قامسىزداندىرۋىنا قاتىناسقان تۇرعىنداردىڭ كىسى باسىنا تۋرا كەلەتىن قازىنا قوسىمشا قاراجاتىنىڭ ولشەمىن تاعى 40 يۋان جوعارلاتىپ، تەڭ جارىمىن سالماقتى ناۋقاستاردى قامسىزداندىرۋعا جۇمساۋ» كەرەكتىگى ورتاعا قويىلعانىن، بۇل تاعى ءبىر ناقتىلى حالىققا تيىمدىلىك جاساۋ ەكەنىن ايتا كەلىپ بىلاي دەدى: بيىلعى ورتالىق قازىنا جوعارلاتقان قالا مەن اۋىل تۇرعىندارىنىڭ نەگىزدىك ەمدەۋ قامسىزداندىرۋىنىڭ دەڭگەيىن ارتتىرۋمەن ۇشتاستىرىپ، اۆتونوميالى رايون جىل سايىن 300 ميلليون يۋان قارجى قوسىپ، ونى سوڭعى تومەن ولشەمدى قامسىزداندىرۋ قامتاماسىزداندىرۋى ەتىپ، بۇقارانىڭ ۇيلەرىنىڭ قاسىنان ساپالى، قولايلى، باعاسى ىلايىقتى، اۋەلى تەگىن نەگىزدىك الەۋمەتتىك ەمدەۋ دەنساۋلىق ساقتاۋ قىزمەت ەتۋىنەن يگىلىكتەنۋىنە مۇمكىندىك جاسايدى.


بەرىپ كەت ورامالىڭدى

دوستار

الىستاعى اق ەركە