جاڭا حابارلار

ءدىلشات ياقۇپ اۋىل-قىستاقتاردىڭ دارەتحانالارىن وزگەرتىپ سالۋ قىزمەتىنىڭ تەبىنىن ۇزدىكسىز ارتتىرۋ جونىندەگى ۇسىنىسىن الا كەلدى

    كەلۋ قاينارى: شينجياڭ حالىق راديو ىستانسياسى    2018-03-12 13:01:43  

ستانسيامىزدىڭ ءتىلشىسى ديڭ شياۋداننىڭ حابارىن تىڭداڭىزدار: باس شۋجي شي جينپيڭ: دارەتحانا ماسەلەسى قاراپايىم ءىس ەمەس، ول قالا مەن اۋىل وركەنيەت قۇرىلىسىنداعى ماڭىزدى بۋىن، ساياحات كورىنىس رايوندارىندا، قالادا مىقتى يگەرۋمەن بىرگە اۋىل-قىستاقتاردا دا مىقتى يگەرۋ كەرەك، بۇل قىزمەتتى اۋىل-قىستاقتاردى كوركەيتۋ ستراتەگياسىنداعى ناقتىلى قىزمەت رەتىندە ىلگەرىلەتىپ، بۇقارانىڭ تۇرمىس ساپاسىنا ىقپال جاسايتىن وسى ءبىر ولقىلىقتىڭ ورىنىن تولىقتاۋ كەرەك،-دەگەندى اتاپ كورسەتكەن بولاتىن. مەملەكەتتىك ەكى ماجىلىستە، مەملەكەتتىك ساياسي كەڭەستىڭ شينجياڭداعى مۇشەسى ءدىلشات ياقۇپ اۋىل-قىستاقتاردىڭ دارەتحانالارىن وزگەرتىپ سالۋ قىزمەتىنىڭ تەبىنىن ۇزدىكسىز ارتتىرۋ جونىندەگى ۇسىنىسىن الا كەلدى.
مەملەكەتتىك ساياسي كەڭەستىڭ شينجياڭداعى مۇشەسى ءدىلشات ياقۇپ اۆتونوميالى رايوندىق ايدس اۋىرۋىنىڭ الدىن الۋ قىزمەت كوميتەتى كەڭسەسىنىڭ مەڭگەرۋشىسى، قىزمەت سەبەبىنەن، ءبىر جىلدىڭ باسىم كوبىندە وڭتۇستىك، سولتۇستىك شينجياڭنىڭ جەر-جەرىندە تەكسەرۋ-زەرتتەۋدە بولادى، تەكسەرۋ-زەرتتەۋ بارىسىندا، ول رايونىمىزدىڭ اۋىل-قىستاقتارىنىڭ دارەتحانا قۇرىلىسى قىزمەتى تۋرالى تىكەلەي، تەرەڭ تۇسىنىككە يە بولدى. ءدىلشات ياقۇپ تانىستىرا كەلىپ بىلاي دەدى: مەملەكەتتىڭ بارىنشا قولداۋىندا، رايونىمىزدىڭ اۋىل-قىستاقتارىنداعى دارەتحانالاردى وزگەرتىپ سالۋ قىزمەتىندە كورنەكتى ونىمدىلىككە قول جەتكىزىلدى، تۇتاس رايونىمىزدا تازا دارەتحانانىڭ جالپىلاسۋ مولشەرى 2009-جىلعى %42.36 تەن 2016-جىلى %60.64 كە جوعارىلادى. الايدا «بۇكىل مەملەكەتتەگى قالا مەن اۋىل ورتا تازالىعىن رەتتەۋ ارەكەتى (2015-جىلدان 2020-جىلعا دەيىنگى) جوباسىنىڭ» جاڭا تالابىنا نەگىزدەلگەندە، رايونىمىزدىڭ اۋىل-قىستاق دارەتحانالارىن وزگەرتۋ قىزمەتى ءالى دە بەلگىلى قىسىمعا ٴءدوپ كەلىپ وتىر. مەملەكەت 2020-جىلعا دەيىن تازا دارەتحانانى جاپلىلاستىرۋ مولشەرىن %85 كە جەتكىزۋدى تالاپ ەتتى. شينجياڭدا مەملەكەتتىڭ كورسەتكىشىنە جەتۋگە الدە دە بەلگىلى پارىق جاتىر. سوندىقتان، اۋىل-قىستاقتاردىڭ دارەتحاناسىن وزگەرتۋ جاعىندا مەملەكەتتىڭ قولداۋ تەبىنىن ارتتىرۋ ۇسىنىسىن اكەلدىم.
ءدىلشات ياقۇپ بىلاي دەدى: شاعىن دارەتحانا بولعانىمەن ول حالىق تۇرمىسىنا قاتىستى. ەگىن-مال شارۋاشىلىق رايونىنداعى تازا دارەتحانا قۇرىلىسى مەن دايراقتى زالالسىز ءبىر جاقتىلى ەتۋ ارقىلى ءتۇرلى جۇقپالى اۋىرۋدان ءونىمدى ساقتانۋعا، تۇرمىس ساپاسىن جوعارىلاتۋعا، ەكولوگيالىق اۋىل شارۋاشىلىعىن دامىتۋعا، ەگىن-مال شارۋاشىلىعى رايوندارىنىڭ رۋحاني وركەنيەت قۇرىلىسىن كۇشەيتۋگە بولادى. سول سەبەپتى، مەن مەملەكەتتىڭ شينجياڭ سياقتى ەكونوميكاسىنىڭ دامۋى باياۋ، ٴءار دارەجەلى قازىنالىق قۋاتى ءالسىز ولكە-اۆتونوميالى رايونداردىڭ قيىنشىلىعىن ويلاستىرا وتىرىپ، ارناۋلى قارجى بوساتىپ، وسى ولكە-اۆتونوميالى رايوندارداعى ەگىن-مال شارۋاشىلىق رايوندارىنىڭ دارەتحانالارىن وزگەرتۋدى قولداپ، اناعۇرلىم كوپ ەگىنشى-مالشىنىڭ يگىلىكتەنۋىنە مۇمكىندى جاساۋىن ۇسىنىس ەتەمىن.


بەرىپ كەت ورامالىڭدى

دوستار

الىستاعى اق ەركە