جاڭا حابارلار

ون جىل بويى ءبىر-بىرىنە قارايلاسقان تاتۋ-ءتاتتى كورشىلىك سۇيىسپەنشىلىك

    كەلۋ قاينارى: شينجياڭ حالىق راديو ىستانسياسى    2018-03-13 12:28:41  
اقسۋ راديو ستانسياسىنىڭ ءتىلشىسى راميلا تۇرسىن مەن ۋاڭ شيننىڭ حابارىن تىڭداڭىزدار: توقسۋ اۋدانى ۇشقات اۋىلى حوجاتورۇس قىستاعىنىڭ تۇرعىنى گاۋ پىڭ مەن ابدۇل توكا وتباسىنىڭ ءوزارا قارايلاسىپ، ءبىر-بىرىنە كومەكتەسكەنىنە 11 جىل بولدى، سودان بەرى ول ەكەۋى بىرگە تۋعان اعالى-ىنىلەردەي تاتۋ-ءتاتتى ءوتىپ كەلەدى.
بۇل كۇندەرى گاۋ پىڭ تەلەفون بەرىپ ساۋداگەرلەرمەن حابارلاسىپ، ابدۇل توكانىڭ المۇرتىن ساتۋىنا كومەكتەسۋمەن قاربالاستىققا ءتۇستى. 73 جاستاعى ابدۇل توكانىڭ 15 مۋ جەردە المۇرتى بار ەدى، وتكەن جىلى المۇرتتان مول ءونىم العاننان كەيىن ءىشىنارا المۇرتىن توڭازىتۋ سكلاتىنا ساقتاپ قويىپ، بيىل شاعاندا ساتۋدى جوسپارلاعانىمەن، ساتىپ الاتىن ساۋداگەر تابا الماي قينالادى. ول تىلشىگە بىلاي دەدى: «شاعاننان بۇرىن، ول بازاردى ارالاپ المۇرت الۋشىلاردى قاراستىردى، تاعى دا تانىس-بىلىستەرىن اتتانىسقا كەلتىرىپ، المۇرتتىڭ ءبىر بولەگىن سولارعا وتكىزدى. مەن باستابىندا قاتتى الاڭداعامىن، ونىڭ كومەگى بولماسا، المۇرتىم مۇلدە ساتىلماي قالاتىن ەدى».
گاۋ پىڭ وتباسى حوجاتورۇس قىستاعىنداعى بىردەن-ءبىر حانزۋ وتباسى. 11 جىلدىڭ الدىندا ول ايەلىن ەرتىپ سىچۋاننان وسى اراعا كەلىپ، 300 مۋ جەردى كوتەرمەگە الىپ ماقتا ەگەدى. گاۋ پىڭنىڭ بۇل جەردە تانىس-ءبىلىسىنىڭ جوقتىعىن ويلاستىرعان ابدۇل توكا حيميالىق تىڭايتقىش، ماقتا تۇقىمى سياقتى ءوندىرىس ماتەريالدارىن ونىڭ ۇيىنە الا بارىپ، گاۋ پىڭنىڭ كوكتەمگى ەگىس دايىندىعىنا قولعابىس ەتەدى، سودان باستاپ، ەكى وتباسىنداعىلار ءوزارا كومەكتەسىپ، ول ەكەۋى تۋعان اعالى-ىنىلەردەي جاقسى ءوتىپ كەلەدى. گاۋ پىڭ بىلاي دەدى: «ونىڭ كومەگىندە مەن قازىر ۇيعۇر تىلىندەگى قاراپايىم سوزدەردى ۇيرەنىپ الدىم، ول بەينە مەنىڭ تۋعان اعام سەكىلدى. ونىڭ كومەگى بولماسا، اۋقاتتانعاندى بىلاي قويىپ،ءتىل وتكەلىنەن دە وتە الماس ەدىم. قازىر جىلدىق كىرىسىم 200 مىڭ يۋانعا جەتتى. ول بەينە تۋعان اعام سياقتى، ونىڭ كومەگىندە بۇل جەر ماعان تۋعان اتا-مەكەنىمدەي سەزىلەتىن بولدى».
2-ايدىڭ ورتا شەنىندە، ابدۇل توكانىڭ كەلىنىنىڭ بۇيرەگىنە تاس بايلانىپ، اقسۋ قالاسىنداعى شيپاحاناعا اپارىپ ەمدەتگە تۋرا كەلەدى. ءبىراق وسى وتباسىنداعىلار راسمياتتى قالاي وتەرىن بىلمەي باسى قاتىپ تۇرعاندا، گاۋ پىڭ ونى قىستاق تۇرعىندار كوميتەتىنە ەرتىپ بارىپ راسميات وتەۋدىڭ جولدارىن ۇعىسىپ، زىر جۇگىرىپ كومەكتەسەدى، وسىنىڭ ناتيجەسىندە، وپەراتسيا ءساتتى جاسالادى. ابدۇل توكا بىلاي دەدى: «ءار رەت ۇيدە بىرەر شارۋا شىعىپ قالعاندا، ول ماعان اعاي الاڭسىز بولىڭىز، ءىنىڭىز بار ەمەسپە. ءبىز اقىلداسىپ ىستەسەك، بىتپەيتىن قانداي شارۋا بار عوي دەيسىز دەپ مەنى الاڭسىز ەتەدى. ونىڭ كومەگىندە كەلىنىم دەر كەزىندە ەمدەلىپ ساۋىقتى، بالا-شاعام دا وعان ايرىقشا ريزالىعىن ءبىلدىردى».
گاۋ پىڭ تىلشىگە: ابدۇل توكانىڭ قامقورلىعىنا ايتار العىسىىنىڭ شەكسىز ەكەنىن، بۇدان بىلاي دا قولىنان كەلگەن كومەگىن اياماي، اۋىلداستارىنىڭ اۋقاتتانۋىنا كومەكتەسەتىنىن ايتتى، بىلتىر جىل اياعىندا، گاۋ پىڭ قىستاقتان ماقتا ەگمشىلىك كوپەراتيۆىن قۇرادى. ول بىلاي دەدى: «مەن كوپشىلىكپەن بىرگە ەڭبەك ەتىپ، ەگىمشىلىك تەحنيكاسىن بىرلىكتە ۇيرەنەمىن. ماقتانى ماشينامەن ەگۋ، ماشينامەن تەرۋگە قاتىستى تەحنيكالار مەن قىزمەت وتەۋ تۇرلەرىن ۇيرەنىپ، كولەمدەنگەن ەگىمشىلىك جولىمەن جۇرگەندە، ءوندىرىستىڭ وزىندىك قۇنىن تومەندەتىپ، ءونىم مولشەرىن جوعارىلاتىپ، شارۋالاردىڭ كىرىسىن ارتتىرۋعا بولادى».

بەرىپ كەت ورامالىڭدى

دوستار

الىستاعى اق ەركە