جاڭا حابارلار

شاڭ جيانجۇن مۇگەدەك بولسادا اياق كيىم جاماۋ ونەرىنە سۇيەنىپ، ءبىر وتباسىن باقىتقا كەنەلتتى

    كەلۋ قاينارى: شينجياڭ حالىق راديو ىستانسياسى    2018-03-13 13:58:00  
حابارعا قۇلاق تۇرىڭىزدەر: بيڭتۋان 8-شىسى شىحىزى قالاسى 34-الەۋمەتتىك اۋماعىندا 30 نەشە جىل بولعان ءبىر كونە اياق كيىم جامايتىن دۇكەن بار، وسى دۇكەننىڭ قوجايىنى شاڭ جيانجۇننىڭ وڭ اياعى مۇگەدەك بولسادا اياق كيىم جاماۋ ونەرىنە سۇيەنىپ، ءبىر وتباسىن باقىتقا كەنەلتتى.
شاڭ جيانجۇننىڭ اياق كيىم جاماۋ دۇكەنى شاعىن، ءبىراق ول ءبىر وتباسىنىڭ نەگىزگى كىرىس كوزى. ول تىلشىگە، ەكى جاسىندا بالالاردا بولاتىن سال اۋىرۋىنا شالدىعىپ وڭ اياعىنىڭ مۇگەدەك بولىپ قالعانىن، كەيىن دوسىنىڭ تانىستىرۋىمەن، ۇستازىنان اياق كيىم جاماۋ ونەرىن ۇيرەنىپ، تىڭ تىرلىك جاراتقانىن ايتا كەلىپ: «اياعىم مۇگەدەك بولعاندىقتان، تەك وتىرىپ قىزمەت ىستەي الامىن، 1987-جىلى 9-ايدىڭ 20-كۇنى العاش دۇكەن اشقان كەزىم ءالى ەسىمدە، سول كۇنى 3 يۋان 80 فىن اقشا تاپتىم، ءبىراق ەرەكشە قۋاندىم،-دەدى».
العاش جۇمىس باستاعاندا، دۇكەننىڭ جال اقىسىن تاپسىرۋعا قارجى بولماعاندىقتان، شاڭ جيانجۇن شاعىن رايوننىڭ ەسىك الدىنان جايما اشتى، مەرەكە-مەيرامدا، مۇگەدەكتەر بىرلەستىگىنىڭ قىزمەتكەرلەرى كەلىپ ودان ۇنەمى حال سۇراپ تۇردى، كورشىلەرى دە ونىڭ ساۋداسىنا قول ۇشىن بەرىپ، قولىنان كەلەتىن كومەكتەرىن ايامادى. ول: «سول كەزدە قولىم ۇسىپ كەتەتىن، كورشىم ۇنەمى ماعان كومەكتەسىپ وت جاعىپ بەرەتىن،-دەدى».
1997-جىلى 8-شى شىحىزى قالالىق مۇگەدەكتەر بىرلەستىگىنىڭ قولداۋمەن، شاڭ جيانجۇن مەن ونىڭ جۇبايى قازىرگى دۇكەنىن ساتىپ الدى، شاڭ جيانجۇن دۇكەندە اياق كيىم جامايدى، جۇبايى ونىڭ قاسىندا جۇمىستارىنا كومەكتەسەدى، ەكەۋى سەلبەسىپ جۇمىس ىستەپ، كوڭىلدى تۇرمىس كەشىردى. كورشىلەرى دە ونىڭ شەبەرلىگىن ەرەكشە مويىندايتىن. ولاردىڭ بىرەۋى: «جۇمىستى ەرەكشە جاقسى ىستەيدى، شەبەر ءارى مۇقيات،-دەسە؛ تاعى بىرەۋى: ول جۇمىستى وتە مۇقيات، جىڭىشكەلىكپەن ىستەيدى، جاقسى ۇستاز،-دەدى».
ەكى جىلدىڭ الدىندا لاشىقتىلار وڭىرىن جاڭالاۋ ورايىنان پايدالانىپ، ولار تاعى عيماراتتان ءۇي ساتىپ الدى. بيىل شاڭ جيانجۇننىڭ بالاسى شاڭ يۇيكۇن دە نەكەلەندى. شاڭ يۇيكۇن: جاڭا ءبىر جىلدا، ءتىپتى قۇلشىنىپ، ءوز كۇشىمە، قوس قولما سۇيەنىپ، باقىتتى تۇرمىسقا قول جەتكىزىپ، اكە-شەشەمە قارايلاسىپ، ولاردى باعىپ-قاعامىن»،-دەدى.

بەرىپ كەت ورامالىڭدى

دوستار

الىستاعى اق ەركە