جاڭا حابارلار

قىزمەت اترەتىندەگىلەر ەگىس اتىزىن ارالاپ، قىستاق ديحاندارىنىڭ ءوندىرىسى مەن تۇرمىسىنداعى ناقتىلى قينشىلىعىن شەشۋگە كۇش سالدى

    كەلۋ قاينارى: شينجياڭ حالىق راديو ىستانسياسى    2018-03-13 13:59:38  
تۇرپان راديو ستانسياسىنىڭ ءتىلشىسى زىڭ ۋيدىڭ حابارىن تىڭداڭىزدار: ءدال قازىر، تۇرپان قالاسىنداعى كوكتەمگى ەگىس جۇمىسىنىڭ قاۋرت كەزى، تۇرپان قالاسى ەدىقۇت رايونى مال شارۋاشىلىق-مال شيپاگەرلىك مەكەمەسىنىڭ ايدىنكول قالاشىعى يامشى قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى ەگىس اتىزىن ارالاپ، قىستاق ديحاندارىنىڭ ءوندىرىسى مەن تۇرمىسىنداعى ناقتىلى قينشىلىعىن شەشۋگە كۇش سالدى.
وسى بىرنەشە كۇندە، قىستاق ديحانى ءانۋار ابدۇنيازدىڭ ەگىس اتىزىندا، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانسىمەن قىستاقتا تۇرعان قىزمەت اترەتىنىڭ مۇشەلەرى، تومەنگە تۇسكەن كادرلار، قىستاق كادرلارمەن بىرگە، ونىڭ كاپوستا وركەنىن وتىرعىزۋىنا كومەكتەستى. ءانۋار ابدۇنياز بيىل 30 مۋ جەرگە كاپوستا ەكتى، ءبىراق ونىڭ وتباسىندا ەكى ەڭبەككۇش عانا بار. ول: «ەگىستىك جەرىىمىز نەداۋىر كولەمدى، ەڭبەككۇش تاپشى بولعاندىقتان، كوكونىس ەگۋدە قينشىلىققا تاپ بولدىق، ولار كەلىپ بىزگە كومەكتەستى، ەرەكشە العىس ايتامىز»،-دەدى.
يامشى قىستاعىنىڭ ءبىرىنشى شۋجيى، قىستاقتا تۇرعان قىزمەت اترەتىنىڭ باستىعى پارحات مامەت تىلشىگە، بىلاي دەدى: «يامشى قىستاعىندا 4 مىڭ مۋ ەگىستىك جەر بار، ءار كۇنى ءبىر وتباسىنا نەمەسە قينشىلىعى بار ەكى وتباسىنا كومەكتەسۋدى جوسپارلادىق. كوكونىستەردى ەرتەرەك ەكسەڭ، ەرتەرەك بازارعا سالىنادى، ديحانداردىڭ كىرىسى ارتادى».
قىزمەت اترەتى تاعى يامشى قىستاعىنداعى كورشىلەر، تۋىستار جانە دوستار «ءوزارا كومەكتەسۋ گرۋپپاسىن» قۇرىپ، ەگىس جۇمىسىن توپتىق ىستەدى. قىستاق ديحانى رابيگۇل ءليتيپ ون ايەلدەن ۇيىمداسقان «ءوزارا كومەكتەسۋ گرۋپپاسىن» قۇرعاندىقتارىن، ءوزىنىڭ گرۋپپا باستىعى ەكەنىن، ءوز وتباسىنىڭ ەگىس جۇمىسىن تىندىرعاننان كەيىن، قايسى ۇيدە ەگىس جۇمىسى قاربالاس بولسا، سول جەردەن تابىلاتىندىقتارىن ايتا كەلىپ: «وتكەن جىلدان باستاپ، اپەكە-سىڭىلىلەرىمدى ەرتىپ باسقالاردىڭ ەگىس اتىزىندا جۇمىس ىستەدىم، كوپشىلىك بەلگىلى مولشەردە كىرىس تە كىرگىزدى. مەنىڭشە بۇل ەرەكشە جاقسى بولدى، بيىل ءبىز تاعى كوپشىلىكپەن بىرگە ەگىس جۇمىسىن ىستەدىك، كوپشىلىكتىڭ قوس قولىنا سۇيەنىپ، وتباسىنىڭ كىرىسىن ارتۋىن ءۇمىت ەتەمىن»،-دەدى.

بەرىپ كەت ورامالىڭدى

دوستار

الىستاعى اق ەركە