جاڭا حابارلار

شينجياڭنىڭ ساياحات كاسىبى اقاۋسىز ءارى جەدەل دامىدى

    كەلۋ قاينارى: شينجياڭ حالىق راديو ىستانسياسى    2018-03-13 14:04:43  
ستانسيامىزدىڭ تىلشىلەرى: جين لەي، يە چيڭ، لەي ميڭ جانە ەرىكتى ءتىلشى چىن شيڭدەردىڭ حابارىن تىڭداڭىزدار: پارتيا 19-قۇرىلتايىنىڭ بايانداماسىندا: «وسىزامانعى قىزمەت وتەۋ كاسىبىنىڭ دامۋىن جەدەلدەتىپ، حالىقارالىق ولشەمدى كوزدەپ دەڭگەيدى جوعارلاتۋ كەرەك»،-دەپ اتاپ كورسەتىلدى. وسىزامانعى قىزمەت وتەۋ كاسىبىنىڭ ماڭىزدى مازمۇنى رەتىندە، ساياحات كاسىبى ــ شينجياڭداعى كومەسكى كۇشى مەن بولاشاعى زور ماڭىزدى تىرەكتى كاسىپ سانالادى. رايونىمىز ەرەكشە ساياحات بايلىعى ابزالدىلىعىن ساۋلەلەندىرىپ، قىس پەن كوكتەمگى ساياحاتتى بارىنشا دامىتىپ، وڭىرلىك ساياحاتتىڭ دامۋ فورماسىن ىلگەرلەتتى، ساياحات كاسىبى اقاۋسىز ءارى جەدەل دامىدى.
بىرنەشە كۇننەن بەرى، كوكتەم لەبى ەسىپ، رايونىمىزدىڭ باسىم كوپ جەرىندە كۇن جىلىنىپ، اۋا تەمپەراتۋراسى نولدەن جوعارى ون سەلتسي گرادۋس اينالاسىندا جوعارلاپ، قار-مۇز جەدەل ەرىدى، دەگەنمەن ءۇرىمجىدەگى جىبەك جولى، التايداعى گەنارال تاۋى قار شاڭعى الاڭدارىندا، قاردىڭ ساپاسى ءالى دە قىستاعىمەن ۇقساس، ءار كۇنى ەلىمىزدىڭ جەر-جەرىنەن كەلگەن قىرۋار شاڭعى اۋەسكەرلەرى وسى اراعا شاڭعى تەبۋگە كەلەدى. سىچۋاننىڭ چىڭدۋ قالاسىنان كەلگەن ساياحاتشى حان شين جانە ونىڭ بىرنەشە دوسىنىڭ وسىندا شاڭعى تەپكەنىنە بىرنەشە كۇن بولدى. ول: «شاڭعى الاڭنىڭ ەسىك بەلەتىنىڭ باعاسى، جاتاق جانە تاماق اقىسى ارزان. وسى ارانىڭ شاڭعى جولى جاقسى جوبالانعان، جىبەك جولى شاڭعى الاڭىنىڭ شاڭعى جولى باسەكەلىك قۋاتقا يە، ءبىز ءار كۇنى ءوز ونەرىمىزدى سىنايمىز، بۇعان جۇرەكتىلىك كەرەك، دەگەنمەن وتە كوڭىلدىمىز،-دەدى».
بۇرىن شينجياڭدا ساياحاتتىڭ قاۋىرت جانە سايابىر مەزگىلى كورنەكتى بولاتىن، 7-، 8-، 9-ايلاردا ساياحات بارىنشا جانداناتىن دا، كورىنس رايونىندا ساياحاتشىلار قايشالىساتىن، ال قىس پەن كوكتەم مەزگىلى ساياحاتتىڭ سايابىر مەزگىلى بولاتىن. وسى جاعدايدى وزگەرتۋ ءۇشىن، رايونىمىز قىس پەن كوكتەمگى ساياحات بايلىعىن بارىنشا ۇگىتتەپ، ءبىرسپىرا قار-مۇز ساياحاتىن، ساياحات قيمىلدارىن ۇيىمداستىردى، وتە-موتە مەملەكەتتىك 13-كەزەكتى قىسقى سپورت جارىسىنىڭ ءساتتى وتكىزىلۋى، رايونىمىزدىڭ قىس پەن كوكتەمگى ساياحاتىنا تىڭ ومىرشەڭدىك كۇش قوستى. جىبەك جولى حالىقارالىق دەمالىس ورىنى قازىر ۇرىمجىدەگى قىسقى ساياحاتتاعى جەتەكشى كورىنس رايونعا اينالدى، كورىنس رايونىنىڭ ورىنباسار باس مەڭگەرۋشىسى حۋاڭ حى بىلاي دەدى: «بۇرىنعى جالاڭ قار شاڭعى سپورتى، قار-مۇز دەمالىس ساياحات تۇرىنە وزگەردى، 2004-جىلى قىسقى ساياحات باستاپ اتقارىلعان جىلى 30 مىڭ ادام ساياحاتشى قابىلدادىق، قازىر جىلىنا 500 مىڭ ادام رەت ساياحاتشى قابىلدايمىز، وسى ساندى مالىمەتتەگى وزگەرىس، شينجياڭنىڭ قار-مۇز ساياحاتى مەن قار-مۇز سپورتىنىڭ دامىعاندىعىنىڭ ايعاعى».
سونىمەن بىرگە، وڭىرلىك ساياحات رايونىمىزدىڭ ساياحات كاسىبىنىڭ ءتيىپ جاڭالاپ، دارەجەسىن جوعارلاتۋداعى تىڭ قوزعاۋشى كۇشكە اينالدى. تۇرپان قالاسى، التاي قالاسى، اراسان اۋدانى، موري اۋدانى، باركول اۋدانى، موڭعۇلكۇرە اۋدانى، بۋرشىن اۋدانى، بيڭتۋان 1-شىسى 10-تۋانى سياقتى جەرلەر ىلگەرىندى-كەيىندى مەملەكەتتىك وڭىرلىك ساياحاتتاعى ۇلگى رايونعا اينالدى، وسى وڭىردەگى ەگىنشى-مالشىلار دا وڭىرلىك ساياحاتقا بەلسەنە ات سالىستى. وسى بىرنەشە كۇندە، اراسان اۋدانى زالىمتى اۋىلى بوعدار قىستاعىنىڭ ديحانى بايىنجاپ پەن ونىڭ جۇبايى كيگىز ءۇيدىڭ ءىشى-سىرتىن جيناستىرىپ، كۇن جىلىنا ساياحاتشىلاردى قابىلداۋعا دايىندالدى. بايىنجاپ مالشى بولاتىن، سوڭعى كەزدەرى اراسان اۋدانى ەكولوگيالىق ساياحاتتى كۇش سالا دامىتتى، ۇكىمەت وتىرىقتاننان كەيىنگى بايىنجاپتى مالشىلار تاعامجايىن اشۋعا شابىتتاندىرىپ، وعان 80 مىڭ قوسىمشا قاراجات بەرۋمەن بىرگە، اسپازدىق ونەرىن تەگىن ۇيرەتىپ، ساياحاتشى تانىستىردى، مىنە وسىلايشا، بوعدار قىستاعى وبلىس بويىنشا اۋىل-قىستاق ساياحاتىنداعى ۇلگى قىستاق بولدى. بايىنجاپ: «اراسان اۋدانى ساياحات اۋدانى بولعاندىقتان، كەلەتىن ساياحاتشى كوپ، اقشانى دا مولىنان تابۋعا بولادى، وسىندا جاز ماۋسىمى ساياحاتتىڭ قاۋىرت مەزگىلى، ءبىز كەيدە كۇنىنە 10 مىڭ يۋان كىرىس كىرگىزەمىز، مالشىلار جونىنەن العاندا ساياسات تا وتە جاقسى،-دەدى».
مەملەكەتتىك حالىق قۇرىلتايىنىڭ ۋاكىلى مۋساجان نۇردۇن: «وڭىرلىك ساياحاتتى دامىتۋ ـــ اۋىل-قىستاقتى كوركەيتۋ ستراتەگياسىن جۇزەگە اسىرۋدىڭ تاماشا نەگىزگى ءتۇيىنى»،-دەپ ەسەپتەدى. مۋساجان تۇرعان قۇلجا اۋدانى جاڭاتام قالاشىعىندا اققۋ كولى بار، جەرگىلىكتى ورىنداعى ديحاندار جەرگىلىكتى ورىننىڭ ساياحات بايلىعىنان پايدالانىپ، ساياحات ىستەرىنە بەلسەنە قاتىناستى. ول: «ءار جىلى قىستا، وسىندا كەلەتىندەر وتە كوپ، بەيجيڭ، شاڭحاي، سياقتى وزگە جەرلەردەن كەلەتىن ساياحاتشىلاردا مول، قازىر وسىنداعى بۇقارانىڭ قالتاسى قامپيدى، ءۇيدىڭ قاسىنان ءبىر اسحانا، ءبىر ساۋدا دۇكەنىن اشتىم. قازىر بۇقارا ساۋدا ىستەپ، اۋىل شاتتىعى تاعامجايىن اشىپ، ساياحات ارقىلى كىرىسىن ارتتىرىپ وتىر»،-دەدى.
2017-جىلى رايونىمىز ەل ءىشى-سىرتىنان جيىنى 107 ميلليون ادام رەت ساياحاتشى قابىلداپ، ساياحاتشى سانى %32.4 ارتتى، ساياحات امبەباب تۇتىنۋ سوماسى 182 ميلليارد 200 ميلليون يۋان بولىپ، %30 ارتىپ، ساياحات كاسىبىنىڭ دامۋى بارىنشا كۇشەيدى. اۆتونوميالى رايوندىق ساياحات ىستەرىن دامىتۋ كوميتەتى جوبالاۋ باسقارماسىنىڭ باستىعى جاڭ چۇنميڭ بىلاي دەدى: «الدا ءبىز كاسىپتى توعىستىرۋ، الەۋمەتتىك قىزمەت وتەۋ جۇيەسىن كەمەلدەندىرۋ، تاماشا كورىنس رايونىن قۇرۋ، جالپى حالىقتىڭ بىرلىكتە قۇرىپ، ورتاق يگىلىكتەنۋىن جەبەۋ، ساياحات ارقىلى كەدەيلەردى سۇيەمەلدەۋ سياقتى جاقتاردا جۇمىستى بۇرىنعىدان دا جىڭىشكەلىكپەن ىستەپ، تۇتاس رايونىمىزدىڭ ساياحات كاسىبىنىڭ ءتۇرىن جاڭالاپ، دارەجەسىن جوعارلاتۋ جانە ساپاسىن، ونىمدىلىگىن ارتتىرۋ اياق الىسىن ىلگەرىلەتەمىز. بۇرىنعى ساندى مالىمەتتى ارتتىرۋدى، ساپانى، ونىمدىلىكتى ارتتىرۋعا وزگەرىپ، جالاڭ جاز مەزگىلى ساياحاتىن ءتورت ماۋسىمداعى تۇتاس مەرزىمدىك وڭىرلىك ساياحات باعىتىنا قاراي دامىتامىز».

بەرىپ كەت ورامالىڭدى

دوستار

الىستاعى اق ەركە