جاڭا حابارلار

ءومىر بويى شەكارانى قورعاعان لاشىن بايكا

    كەلۋ قاينارى: شينجياڭ حالىق راديو ىستانسياسى    2018-03-13 14:18:49  
ستانسيامىزدىڭ تىلشىلەرى لەي ميڭ مەن يە چيڭنىڭ حابارىن تىڭداڭىزدار: رايونىمىزداعى مەملەكەتتىك حالىق قۇرىلتايىنىڭ ۋاكىلى لاشىن بايكا تاشقورعان تاجىك اۆتونوميالى اۋدانىنىڭ تىزناپ اۋىلىنداعى شەكارا قورعاۋشى. وسى رەتكى ەكى ماجىلىستە ول ءبىر سۋرەتتەر جيناعىن الا كەلىپتى، ەندەشە وسى سۋرەتتەر جيناعىندا نەندەي اڭگىمەلەر بار؟
تىلشىلىكتى قابىلداعاندا لاشىن بايكا وتكەن-كەتكەندى ەسكە الىپ، 2015-جىلى 2-ايدىڭ 11-كۇنى، پامير ۇسترتىندەگى ءبىر اۋلەت ءۇش ۇرپاق شەكارا قورعاۋشىلارى ىشىندەگى جاس بۋىن رەتىندە، ءوزىنىڭ ۇسىنىس بويىنشا 2015-جىلعى شاعان بايلانىسىمەن وتكىزىلگەن مەمىلەكەتتىك ارميا مەن حالىقتىڭ اڭگىمە ماجىلىسىنە قاتىناسىپ، باس شۋجي شي جينپيڭنىڭ ىستىق ىقىلاستى قابىلداۋىندا بولعانىن ايتىپ: «باس شۋجي شي جينپيڭ ەڭ الدىڭعى قاتاردىڭ ورتاسىنان ورىن الدى، ال مەن ەكىنشى قاتاردا، ول كىسىنىڭ ارتىنداعى ورىندا وتىردىم، باس شۋجي كىرىپ كەلگەندە ەرەكشە تەبىرەندىم، ول كىسى مەنىمەن قول الىسقاندا، «باس شۋجي سالەمەتسىزبە، مەن شينجياڭنىڭ قاشقار ايماعىنداعى تاشقورعان تاجىك اۆتونوميالى اۋدانىنان كەلگەن شەكارا قورعاۋشىمىن»-دەدىم، باس شۋجي مەنىڭ ۇلتىمدى سۇرادى مەن وعان ءوزىمنىڭ تاجىك ەكەنىمدى ايتتىم، باس شۋجى ىستىق ىقىلاسىن ءبىلدىردى»،-دەدى.
وسى جولى بەيجيڭگە تاعى بارىپ، مەملەكەتتىك حالىق قۇرىلتايىنىڭ ۋاكىلى بولعان لاشىن بايكا ءبىر سۋرەتتەر جيناعىن الا كەلىپ، باس شۋجي شي جينپيڭمەن قايتا كەزىگىپ، سۋرەتتەر جيناعىنداعى اكەسىنىڭ قوداسقا ءمىنىپ شەكارا قورعاعان وفيتسەرلەر مەن اسكەرلەرگە جول باستاعان، سەرت بەرىپ پارتياعا كىرگەن، سونىمەن بىرگە شەكارانى شارالاعان، كوكبار تارتۋ جارىسىنا قاتىناسقان جانە وتكەن جىلى 5-ايدىڭ 11-كۇنى جەر سىلكىنىسىنەن كەيىنگى وفيتسەرلەر مەن اسكەرلەردىڭ بۇقارانى قۇتقارعان سۋرەتتەرىن باس شۋجيگە تارتۋ ەتپەكشى بولدى.
عۇنجيراپ تاجىك تىلىندە « قانعا بويالعان جول» دەگەن ماعىنادا، تاشقورعان تاجىك اۆتونوميالى اۋدانىنداعى تەڭىز دەڭگەيىنەن 5 مىڭ 100 مەتر بيىك ۇستىرتتە، وتتەگىنىڭ مولشەرى جازىقتاعى وتتەگى مولشەرىنىڭ جارىمىنا دە جەتپەيدى، بۇل ارادا جىل بويى جەتى دە سەگىز بالدان جوعارى بوران ازىناپ تۇرادى. لاشىن بايكانىڭ اۋلەتىندەگى ءۇش ۇرپاق 69 جىل ويى شەكارانى شارلاپ، قورعادى. لاشىن بايكا: « بۇرىن شارت-جاعداي ناشار كەزدە، تاڭەرتەڭ ورنىمىزدان تۇراسالا شارلاۋعا اتتانىپ، تۇندە ورالىپ، كۇنىنە 12 ساعات جول باساتىنبىز. قازىر مەملەكەت بىزگە موتوتسيكىل، تىلدەسۋ جابدىعى، جاساندى سەرىك تەلەفونى، ءدۇربى ازىرلەپ بەردى، ءارى ءبىر ءيت بەردى. قازىر موتوسيكىلمەن ەكى ساعات ىشىندە شەكارانى شارلاپ شىعا الامىز، بارلىق شەكارا قورعاۋشىلار تۇگەلدەي ەڭبەكاقى الادى، ەگىنشى-مالشىلار دا بەيقۇت ۇيگە كوشىپ كىردى. شەكاراداعى ۇيلەردىڭ بارلىعى توتەنشە سالتاناتتى»،-دەدى.
لاشىن بايكا تىلىشگە، وسى جولى قايتىپ بارعاننان كەيىن، ەڭ الدىمەن ەكى ءماجىلىستىڭ رۋحىن جانە ءتۇرلى حالىققا تيىمدى ساياساتتاردى جەرگىلىكتى ورىنداعى شەكارا قورعاۋشىلارعا جەتكىزەتىندىگىن ايتىپ:« وتان ءبىزدى قاجەت ەتەدى، مەن ءومىر بويى شەكارا قورعاۋشى بولامىن. ۇرپاعىمىزدا شەكارا قورعاۋشىسى بولادى، ءبىز وتان شەكاراسىن كوزقاراشىعىمىزداي قورعايمىز، شينجياڭنىڭ قوعام ورنىقتىلىعى مەن باياندى تىنشىتىق باس نىساناسىنىڭ ورىندالۋىنا ءسوزسىز كەپىلدىك ەتەمىز»،-دەدى.

بەرىپ كەت ورامالىڭدى

دوستار

الىستاعى اق ەركە